2 Timoteyo 2:7 - BIBLIYA NTAGATIFU OMU MASHI

⁷ Oyumve ebyôla nkubwîzire. Câbà Nyakasane akurhabâla okubiyumva byoshi.

2 Timoteyo 2:7 ပူးပေါင်းရင်းမြစ်များ

1 Nganîro 22:12

Akuhè obukengêre n’obumanye, hano akuhà okurhegeka Israheli lyo ohashishimba amarhegeko gâge.

1 Nganîro 29:19

Naye mugala wâni Salomoni, omushobòze omurhima mwîrhôhye oku kushimba amarhegeko gâwe, amalaganyo gâwe n’amahano gâwe, n’okubikirira bwinjà, anakuyûbakire eci rhînyiro càrhumaga narheganya ebi byoshi.»

Ennanga 119:125

Mbà mushizi, emunda oli, onyigîrize mmanye amarhegeko gâwe.

Ennanga 119:144

Obushinganyanya bw’amarhegeko gâwe bubà bw’ensiku n’amango, onyigîrize mbone akalamo.

Ennanga 119:73

Maboko gâwe gàmbumbaga ganambinja, onyigîrizagye, mmanye amarhegeko gâwe.

Ennanga 64:9

Lulimi lwâbo lwâbaheze, ngasi yêshi wâbalolekwo, okw’idaho ânameshere.

Migani 24:32

Omu kubona ntyo nadôsa emirhima, okubona ebyo kwampà ezo nkengêro.

Izaya 1:3

“Enkafu enamanye nnayo, n’endogomi enamanye eciranga ca nnawâbo; Israheli yêhe arhajira bumanye, olubaga lwâni lurhayumva”.

Izaya 28:26

Nyamuzinda wâge wamuhâga obwo bulenga, ye wanamuyigîrizagya.

Izaya 5:12

Ennanga, enzenze, engoma n’orhurhêra, n’endalwè, byône balegerera; ci ebijiro bya Nyakasane barhabikwirirwa, barhanabona emikolo y’e­ nfune zâge.

Daniyeli 1:17

Abôla bânarhabana oku banali bâni, Nnâmahanga abashobôza enshôkano y’obukengêre n’ey’obumanye omu ngasi lwandiko kuguma n’oburhimanya, na Daniyeli akazâg’ihugûla ngasi bya kuzânwa na ngasi bilôrho.

Luka 21:15

“bulya niene nâmmuhe akanwa n’obumanye abashombanyi binyu barhankahash’ilahira erhi okuhima”.

Luka 24:45

Obwo abalangaza obukengêre lyo bayumva Amandiko.

Luka 9:44

«Lolagi mwêhe ebinwa mwabîka emurhima gwinyu: Mwene-omuntu akwânîne ahânwe omu maboko g’abantu».

Yowane 14:26

“Ci Omurhulirizi, Mûka Mutagatîfu, Larha ârhuma oku izîno lyâni, ye wayish’immuyigîriza byoshi anammukengêze ebinammubwîzire byoshi.

Yowane 16:13

“Irhondo olya Mûka w’okuli ayisha, ammuyigîriza okuli kwoshi; bulya arhali byâge anaderhe, ci ayish’iderha ngasi ebi ayumvîrhe byoshi, n’ebyaciyîsha, ayish’immubwîrabyo”.

Ebijiro 7:10

Amulîkûza omu malibuko gâge goshi, amujira murhonyi na mushinganyanya omu masù ga Faraoni mwâmi w’e Mîsiri, mwâmi w’e Mîsiri, naye amujira murhegesi w’e Mîsiri n’ow’aha mwâge hoshi.

1 Bakorinti 12:8

Baguma bàhîrwe na Mûka iderha ly’obushinganya, n’abandi bashobôla iderha ly’obumanye muli oyôla Mûka muguma yêne.

Lushika 32:29

Nka bali bantu barhimanya bakanayumvîrhe, bakanabwîne bwinjà kurhi bazinda bali.

Lushika 4:39

Okwaninage omanye ene onakazikurhimanya omu murhima gwâwe: Nyamubâho, ye Nyamuzinda oku nkuba enyanya na hano nshi oku igulu, yêne ntà wundi.

Bafilipi 4:8

Ceci, bene wîrhu, ngasi biri by’okuli, ngasi biri nkana, ngasi bishingânîne, ngasi bicîre, ngasi bikwânîne okuzigirwa n’okukengwa, ngasi nkômedu nyinjà na ngasi kantu kakwânîne okukuzibwa, ebyôla byo mushîbirirage.

Bakolosi 1:9

Co cirhumire, kurhenga lulya lusiku rhwayumvagyamwo ogwo mwanzi, rhurhahusa okummusengerera n’okushenga Nyamuzinda nti ammushobôze okumanya kwinjà obulonza bwâge, omu bushinganyanya bwoshi n’omu bumanye bwa Mûka Mutagatîfu.

1 Timoteyo 4:15

Okwo okunanîrize omu murhima; ocîshwêkerekwo wêshi wêshi, lyo boshi babona oku odwîrhe wajà embere.

2 Timoteyo 2:6

Omuhinzi orhama n’omukolo ye kwânîne okurhang’ihâbwa ecigabi câge c’emyâka.

2 Timoteyo 2:8

Okakengêra Yezu Kristu wafûkaga omu bafù, w’omu bûko bwa Daudi, nka kulya nyigîriza omu Myanzi yâni y’Akalembe.

Bahabraniya 12:3

Nêci, mukengêre ninyu oyo walemberaga ago mababale àbabazibagwa n’abanya-byâha goshi, lyo mulek’irhà omurhima erhi kubula emisî kurhuma.

Bahabraniya 13:7

Mukengêre abakulu binyu babayigîriza akanwa ka Nyamuzinda; mulole obuzinda bw’obuzîne bwâbo munashimbe olwiganyo lw’obuyêmêre bwâbo.

Bahabraniya 3:1

Ntyo, bene wîrhu batagatîfu, mwe mushangîre enshôkano y’empingu, mulolekwo Yezu, ye mujà-bugo ye na mudâhwa mukulu w’obuyêmêre bwîrhu.

Bahabraniya 7:4

Mulolage oku ali mukulu oyo shakulûza wîrhu Abrahamu àrhûlaga ecigabi ca kali ikumi c’ebintu binjinjà àshokôlaga abâmi!

Yakôbo 1:5

Obuzire obushinganyanya muli mwe, abushenge Nnâmahanga, oshobôza boshi burhagera na buzira karhinda; abuhâbwa.

Yakôbo 3:15

Obushinganyanya bwa bene obwo arhali enyanya buhubuka; ci buli bw’en’igulu, buli bwa ngeso mbî, buli bwa kuli shetani,

Yakôbo 3:17

Obushinyanya bw’enyanya bwôhe, burhanzi bubà bucêse kandi bubà bwa murhûla, bubà bwa lukogo, butûla, buyunjwîre bwonjo n’emburho nyinjà, burhajira kabôlo, burhanalyâliha.

1 Yowane 5:20

Kandi rhuyishi oku Mugala wa Nyamuzinda ayishire, n’oku a­rhushobôzize obukengêre bw’okumanya Nn’okuli. N’oyo Nn’okuli rhuli muli ye, omu Mugala Yezu Kristu: Ye Nyamuzinda w’okuli, ye na Buzîne bw’ensiku n’amango.