2 Timoteyo 2:2 - BIBLIYA NTAGATIFU OMU MASHI

² Birya wayumvagya nakuyigîriza embere za bahamîrizi banji, obibîse abantu bakwânîne okucîkubagirwa, abankahasha nabo okubibwîriza abandi.

2 Timoteyo 2:2 ပူးပေါင်းရင်းမြစ်များ

Ezra 7:10

N’okwo ali ebwa kubà Ezra ali n’obushiru bw’okumanya Akanwa ka Nyamubâho, oku kushimba, n’okuyigîriza omw’Israheli amarhegeko n’engeso z’ecihugo.

Ezra 7:25

Nâwe Ezra, omu kukulikira obwenge Nyamuzinda wâwe akuhizire omu nfune, osinge abatwî b’emmanja, abarhambo barhambula olubaga loshi lunali eyo ishiriza ly’olwîshi, ngasi banamanyire amarhegeko ga Nyamuzinda wâwe, onagayigîrize abarhagayishi.

Nehemiya 7:2

Nahà mulumuna wâni Hanani obuhashe bw’okurhegeka Yeruzalemu, boshi na Hananiya ye wali murhambo w’abakazâg’ilanga olugo, bulya ali muntu mwemêzi n’orhînya Nyamuzinda kulusha bantu banji bwenêne.

Ennanga 101:6

Abemêzi b’eci cihugo bo amasù gâni galikwo, nti bayûbake haguma nâni. Omuntu okerekera omu ntagoma, ye wâbà mwambali wâni.

Migani 13:17

Ntumwa mbî erhuma omuntu ajâkwo obuhanya, entumwa nkana mugisho.

Yeremiya 23:28

Omulêbi ogwêrhe ecilôrho, aganîre! Owayumvîrhe akanwa kâni, aderhe bwinjà akanwa kâni. Bici omusîsi gugânwa n’ihemba? Kanwa ka Nyakasane.

Ben Levi 14:42

Banayanka agandi mabuye bayûbakemwo halya amarhanzi gàli, banashub’ishîga ebindi bidaka oku nyumpa.

Malakiya 2:7

Nêci, guli mukò­lo gwa mudâhwa okuyigîriza abantu bamanye Nyamuzinda, omudâhwa ye abantu bayishikamudôsa amarhegeko bashimba, bulya ye mujà-bugo wa Nyakasane w’Emirhwe.

Mibalè 12:7

“Ci mwambali wâni Mûsa arhali ntyôla; amanyîkîne bwinjà oku ali muntu nkana munôla nyumpa yâni yoshi”.

Mateyo 13:52

Anacibabwîra, erhi: «Co cirhumire ngasi muyigîriza ohindusire mwâna w’Obwâmi bw’empingu, anagererwakwo nnakà okarhenza omu mbîko yâge ebintu bihyâhya n’ebikulùkulù».

Mateyo 24:25

Ninyu mumanyage, mmulêbire byoshi.

Luka 12:42

Nyakasane ashuza, erhi: «Ndi baderha mpu ali mwimangizi mwîkubagirwa na mwîrhonzi, oyu nnawâbo anasigîre aha mbuga, ayish’ihà abâbo Bashi ogwâbo mulengo gw’e­ngano omu mango gakwânîne?

1 Bakorinti 4:2

Nêci, bahûna abarhumisi, kuli kubà nkubagirwa.

2 Bakorinti 2:14

Ci Nyamuzinda ayâgirwe, orhuhimira ngasi mango muli Kristu, olumîza akasûnunu k’obumanye bwâge hoshi hoshi n’omukolo gwîrhu!

2 Bakorinti 3:5

Arhali kuderha mpu oku bwîrhu rhugwêrhe buhashe bwa kuderha mpu kantu kalebe kali kuli rhwe. Nanga! obuhashe bwîrhu kuli Nyamuzinda burhenga.

Bakolosi 1:7

bulya muyigîrizibwa n’Epafra, murhabâzi wîrhu muzigirwa omu mukolo na murhumisi wa Kristu okwânîne okucîkubagirwa.

1 Timoteyo 1:12

Mvuzire Nnawîrhu Kristu omunkwa, owampaga emisî, kulya kubà aci­nyikubagîre, ampamagala mpu mbè mujà-bugo wâge,

1 Timoteyo 1:18

Ly’irhegeko nkuhîre eryo, mwâna wâni Timoteyo; lilingânîne amalêbi bakulêbagakwo. Kukwânîne ago malêbi gakuzibuhye, ly’olwa entambala nyinjà,

1 Timoteyo 4:14

Orhabulaga kwashîbirira enshôkano ekulimwo, erya nshôkano wahâbagwa n’abalêbi, bulya endêko y’abadâhwa ekulambûlirakwo amaboko.

1 Timoteyo 4:6

Omu kurhondêreza bene wîrhu ebyo, wâbà murhumisi nkana wa Kristu Yezu, waleragwa n’ebinwa by’obuyêmêre n’eby’enyigîrizo nyinjà wasêzirekwo.

1 Timoteyo 5:22

Ntâye olambûliragekwo amaboko duba-duba, onamanye wankashangîra ebyâha bya bene. Ocîlange mucêse.

1 Timoteyo 6:12

Olwe bwinjà entambala y’obuyêmêre; ogwârhe obuzîne bw’ensiku n’amango wahamagaliragwa, n’obuwajiriraga obuhamîrizi bwâwe bwinjà bw’obuyêmêre embere za ba-càli-ho banji.

2 Timoteyo 3:10

Ci wêhe wasêzire oku nyigîrizo zâni, oku lugendo lwâni, oku mihigo yâni, oku buyêmêre bwâni, oku buzigire bwâni, oku bulembêdu bwâni,

2 Timoteyo 3:14

Ci w’oyo osêre kw’ebi wayigîrizîbwe wanayêmêra buzira kurhindira. Na­we orhahabiri bandi bakuyigîrizagyabyo,

Bahabraniya 2:17

Okwo kwarhuma acîshushanya n’abalumuna muli byoshi, mpu lyo abà mudâhwa mukulu w’olukogo n’ow’okucîkubagirwa omu biyêrekiîre Nyamuzinda, lyo alyûla ebyâha by’olubaga.

1 Samweli 2:35

“Nayîmika omudâhwa mwemêzi, owakakola nk’oku omurhima gwâni gukunda, na nk’oku muzigira, namuyubakira enyumpa erhakahuligana, naye yênene, akashokolera omushîgwa wâni”.