2 Timoteyo 1:5 - BIBLIYA NTAGATIFU OMU MASHI

⁵ Nnankakengêra obuyêmêre bw’okunali bukubâmwo, bulya buyêmêre bwabâga burhanzi muli nyakakulu Loyidi na muli nyoko Ewuniki; ntahabiri oku bwo n’obwo bukulimwo nâwe.

2 Timoteyo 1:5 ပူးပေါင်းရင်းမြစ်များ

Ennanga 17:1

Musengero. Gwa Daudi. Yâgirwa Nyamuzinda, oyumvîrhize omwêru-kwêru, oyumve endûlù yâni; orhege okurhwiri, oyumvîrhize omusengero gwâni gwahubuka omu kanwa karhalyalyanya.

Ennanga 18:44

Wancizize obugoma bw’olubaga, wananyîmika mwâmi w’amashanja, abantu ntàli nyishigi bànshiga.

Ennanga 22:10

Arhali wundi wankûlaga omu nda ya nyâmà, ci wêne, wandera n’omurhûla erhi ndi oku ibêre

Ennanga 66:3

Mubwîre Nnâmahanga, mpu: «Emikolo yâwe eri ya kurhangâza!» mpu: «Okuluga kw’obuhashe bwâwe, kunarhume abashombanyi bâwe bayish’ikushiga.»

Ennanga 77:6

Ndwîrhage nagerêreza ensiku zàgezire, nkengêre emyâka yali burhanzi, ntanye-ntanye!

Ennanga 81:15

Kano kanya nali nakabya abashombanyi bâge, nali nabakubûlira okuboko kwâni niene.

Ennanga 86:16

Ndolakwo obwonjo bukugwârhe; oshobôze mwambali wâwe obuzibu bwâwe, onacize mugala wa mwambali-kazi wâwe.

Yeremiya 3:10

Na kulusha aho, omulumuna Yûda w’ecirala, arhaderhaga mpu ashubira emwâni n’omurhima gwoshi, ci n’obulyâlya; yekudesire Nyamubâho.

Yowane 1:47

Erhi Yezu abona Natanaeli amujaho, anaciderha, erhi: «Y’oyu ye Mwisraheli w’okuli, orhabamwo bulenzi».

Ebijiro 16:1

Okubandi, ahika e Derba n’e Listra. Yali omuganda, izîno lyâge Timoteyo. Nnina àli Muyahudi mwemêzi, ci îshe àli mugereki.

Ebijiro 26:26

Mwâmi ntâco ahabire muli byo; kwo kunarhumire mbiderha buzira bwôba, bulya mmanyire oku ntâco ciri cifulike kuli ye, kulya kubà ntà kantu kajizirwe bufundafunda muli byo.

Barom 14:14

Mmanyire, nna­nyêmîre muli Nyakasane oku ntà kantu kahumânya omu bwôrhere bwâko; ci obwîne oku kantu kalebe kali kabî, oyo kanamuhumânya.

Barom 14:5

Hali omanya mpu olusiku lurhashusha lundi; haligi n’owundi omanya mpu ensiku zoshi ziri kuguma. Ngasi muguma ashimbe oku abwîne omu irhwe lyâge.

Barom 15:14

Nâni niene mmanyire kwinjà, bene wîrhu, oku mw’oyo muyunjwîre nkengêro nyinjà, oku muyunjwîre ngasi bumanye, n’oku muhashire okukâhanûlana mwêne na nnene.

Barom 4:21

bulya àli amanyire buzira karhinda emurhima oku Nyamuzinda agwêrhe obuhashe bw’okuyunjuza eciragâne câge.

Barom 8:38

Nêci, mmanyire kwinjà oku ciru olufù erhi buzîne, ciru bamalahika erhi amâmi, ciru gano mango erhi amango gâyi­sha, ciru amahashe,

2 Bakorinti 6:6

omu bucêse bw’omurhima, omu bumanye, omu kulembera amalibuko, omu butûdu, muli Mûka Mutagatîfu, n’omu buzigire bw’okunali;

1 Timoteyo 1:5

Omu kurhegeka ntyo, kulonza nnonzize okulêrha obuzigire burhenga omu murhima gucîre, n’omu nkengêro nkana, n’omu buyêmêre burhalimwo bulyâlya.

1 Timoteyo 4:6

Omu kurhondêreza bene wîrhu ebyo, wâbà murhumisi nkana wa Kristu Yezu, waleragwa n’ebinwa by’obuyêmêre n’eby’enyigîrizo nyinjà wasêzirekwo.

2 Timoteyo 1:12

Yo erhumire ndi muli aga malibuko; ci ntakubêra nshonyi, bulyâla mmanyire ndi nahiziremwo obulangâlire bwâni, nnanyishi bwinjinjà oku agwêrhe obuhashe bw’okulanga omuhako gwâni kuhika lulya Lusiku.

2 Timoteyo 3:15

n’oku kurhenga eburhò bwâwe erhi oyishi Amandiko Matagatîfu; ganahash’ikuhà obushinganyanya buhisa oku bucire n’oburhabâle bw’obuyêmêre bubà muli Kristu Yezu.

Bahabraniya 11:13

Abo boshi omu buyêmêre bàfîre, buzira okubona ebi bàlaganyibagwa, ci bàbilangirîre kulî bànabilamusa, bànahamîriza oku bali bigolo na bagenzi en’igulu.

Bahabraniya 6:9

Ci mwêhe, bîra bâni, ciru rhukaderha ntyo, rhumanyire oku muli omu bwôrhere bwinjà kulusha n’obukwânîne obucire.

1 Petro 1:22

Erhi muyêmêra okushimba okuli, mwacêsize emirhima yinyu, mpu lyo muzigirana nk’abalondana buzira bulyâlya. Nêci muzigirane n’omurhima gucîre na burharhama,