2 Tesalonika 3:14 - BIBLIYA NTAGATIFU OMU MASHI

¹⁴ Akabà hali orhalonz’iyumva enyigîrizo zirimwo agâla maruba, mumumanyîrire, muleke okukâjà ah’ali, ly’enshonyi zimûmye.

2 Tesalonika 3:14 ပူးပေါင်းရင်းမြစ်များ

Ezra 9:6

nanaciderha, nti: Yâgirwa Nyamubâho, niono nyunjwîre mungo na mutula birhankarhuma nacîshomya nti ngalamire emunda oli, bulya amabî gîrhu gayûshûsire, garhaluka olugero, na ntyo obubî bwîrhu bwarhaluka amalunga.

Ennanga 83:16

Orhang’ibanikakwo omulaba gwâwe ntyo, n’empûsi yâwe erhang’ibakanga.

Migani 5:13

erhi ntayumvagya izù lyàbakazagimbwiriza, n’abàkazaginyigîriza ntabayumvirhizagya;

Yeremiya 3:3

Enkuba mpangûka erhacihangûkaga, n’enkuba nzinda erhacibonekaga. Amasù gâwe gakola gayôrha nka ga mbaraga, garhacibamwo lugwegwe.

Yeremiya 6:15

Enshonyi z’ebijiro byâbo zâbabumba; ci ciru barhacibà nshonyi barhabà lugwegwe oku masù. Mwo bânahirimira omu karhî k’abâhirima, kusârhala basârhala olusiku nâbarhandûla Yekudesire Nyakasane.

Sofoniya 3:2

Ntà mango càyumvîrhe ebinwa bya Nyakasane, ntà mango càyemire ihano, ntà mango càcîkubagire Nnâmahanga, ntà mango càyâkîre muli Nyamuzinda waco.

Mibalè 12:14

Nyamubâho anacibwîra Mûsa, erhi: «Îshe acimukayiraga ebusù arhankageza nsiku nda erhi ayunjwîre nshonyi? Ayôrhe nsiku nda muyungule embuga ly’ecihando; enyuma z’ahôla banashubimuyankirira omwôla cihando.»

Mateyo 18:17

Akabà arhabayumvîrhi, obwîre Ekleziya. Akabà arhumvîrhi Ekleziya, omulole nka mupagani erhi mukage.

Barom 16:17

Mmuhûnyire, bene wîrhu, nti mucîlange kwa bala bakâlonza okummushâbira n’okummusârhaza, n’obwo arhali ntyo kwo mwayigîrizibwe; abo mu­bayâke.

1 Bakorinti 4:14

Ntayandisiri ebyo nti mmubonêse nshonyi, ci kuderha nti mmukalihire kulya omuntu akalihira abâna bâge bazigirwa.

1 Bakorinti 5:11

Nammuyandikîre nti mumanye mwa­nkakômera ngasi yêshi oderhwa mwene wîrhu akabà ali mumaguza, nîsi erhi akabà azigira ebirugu by’en’igulu, erhi aharâmya ebiremwa, akabà asîma okujâcirana, nîsi erhi akabà abà mulalwè erhi cishungu; omuntu wa bene oyo, ciru mumanye mwankalira haguma naye.

1 Bakorinti 5:9

Omu maruba, erhi nyandika nti mumanye mwankashangîra n’abarhaba nshonyi,

2 Bakorinti 10:6

Na hano obumvi bwinyu bubà bwimâna, rhulingûzize okuhana ngasi yêshi waciderhe mpu arhenguha.

2 Bakorinti 2:9

N’erhi nyandika, kwàli kuderha nti mmurhangule, nnandole erhi obumvi bwinyu burhali bwa bihimbi.

2 Bakorinti 7:15

N’obuzigire bwâge kuli mwe bukola bulushisize, akakengêra obumvi bwinyu mweshi, n’oku mwamuyankiriraga munayôbohire munadwîrhe mwageramwo omusisi.

Lushika 16:12

Okazikengera oku wali mujà e Mîsiri: olange onakulikire aga marhegeko.

Bafilipi 2:12

Ntyo, bîra bâni, kulyâla muyôrha munyumva, kwo munyumvagye, arhali amango ndi ekarhî kinyu lyône, ci bwenêne buno ntahali; mushibirire obucire bwinyu erhi munayôbohire munadwîrhe mwageramwo omusisi.

Bakolosi 4:16

Aga maruba hano muyûs’igasoma, mugend’igasomêkeza n’omu Ekleziya y’e Laodiceya. Ninyu kwo na kuguma, muhûne ag’e Laodiceya, mugasome.

1 Batesalonika 4:8

Na ntyo owagayaguza ago marhegeko, erhi arhali muntu agayaguzize, ci Nyamuzinda yêne, owammushobôzagya Omûka gwâge Mutagatîfu.

2 Tesalonika 3:6

Rhummurhegesire, bene wîrhu, oku izîno lya Nyakasane Yezu Kristu, nti muyâke ngasi mwene wîrhu ôbà mwôlo n’orhashimba emigenzo rhwammusigiraga.

Tito 2:8

oluderho lwâwe lubè luderho nkana n’olw’okuli, ly’abashombanyi, hano babula eci bankarhushobeka, e­nshonyi zibagwârha.

Tito 3:10

Naye nyantwâzakwâge, okamukalihira liguma erhi kabiri, onamuyâke.

Filemoni 1:21

Nkuyandikîre n’obulangalire nti wanyumva, nnamanyire oku wajira ciru n’ebilushire ebi mpûnyire.

Bahabraniya 13:17

Mukâyumva abakulu binyu munabakenge, bulya bo balanga emyûka yinyu, bànayish’iyidôsibwa. Kukwânîne bajire ogwo mukolo n’obushagaluke, ci arhali n’oburhè, bulya okwo kurhankammulêrhera bunguke.

2 Yowane 1:10

Erhi hankajira owammuyishira arhanadwîrhi ezi nyigîrizo, murhamuyankiriraga aha mwinyu, munamanye mwankamulamusa.