2 Tesalonika 1:8 - BIBLIYA NTAGATIFU OMU MASHI

⁸ omu ngulumira y’omuliro, mpu ahâne balya barhishi Nyamuzinda barhanayumva Emyanzi y’Akalembe ya Nnawîrhu Yezu.

2 Tesalonika 1:8 ပူးပေါင်းရင်းမြစ်များ

Murhondêro 3:24

Ahimva omuntu anahira bakerubini n’engulumira y’engôrho yalaza ebushoshôkero bw’ishwa ly’amasîma, lyo balanga enjira ejà ebwa murhi gw’obuzîne (lyo bahagalika omuntu arhahume oku murhi gw’obuzîne).

2 Samweli 23:7

Omuntu wayihumakwo anarhôla ecûma nîsi erhi lusarhi lw’itumu ayikwêbe oku cîko esingônoke loshi.

Ennanga 18:44

Wancizize obugoma bw’olubaga, wananyîmika mwâmi w’amashanja, abantu ntàli nyishigi bànshiga.

Ennanga 79:6

Obè by’ohêkakw’oburhè birya bihugo birhalonza okukumanya, galya mashanja garhagashâniza izîno lyâwe.

Ennanga 9:10

Mâshi Nyamuzinda abà lwâkiro lw’abadwîrhe barhindibuzibwa, lwâkiro omu mango g’obulagîrire.

Ennanga 94:1

Yâgirwa Nyamuzinda we cîhôla, Yâgirwa Nnâmahanga we cîhôla kanya.

Lubungo 5:2

Faraoni mwâmi w’e Mîsiri ashuza, erhi: «Ye ndi oyo Nyakasane, lyo nyumva izù lyâge, kurhume naleka Israheli agenda? Ntishi oyo Nyakasane, ntânaleke bene-Israheli nti bagende!»

Izaya 1:19

Mukayêmêra okubà bumvi, mwalya oku minjà g’ecihugo”.

Izaya 1:28

Ci abagoma n’abanya-byâha, haguma bahungumukira! Abagomera Nyakasane bagukumuka.

Izaya 27:11

Amashami nka gamâyuma banagavune, abakazi banayishe, bagadûlike muliro. Kwo binali, olu lubaga lurhajira bukengêre: co cirhumire omulêmi walwo arhalufà bonjo, n’owalubambaga ârhalubabalire.

Izaya 61:2

ndâlike omwâka gw’obwonjo bwa Nyakasane n’olusiku lw’olwihôlo lwa Nyamuzinda wîrhu, ntûlirize abâli omu mishîbo boshi;

Yeremiya 10:25

Orhulire omutula gwâwe oku mashanja garhakuyishi n’oku milala erhagashâniza izù lyâwe. Bulyâla balire Yakôbo bamuyûsa, banashâba aha mwâge.

Yeremiya 9:6

Kwo adesirage ntya, Nyakasane w’Emirhwe: Lâba oku mbahebire omu cibeye nti mbagere kurhi nakacijizire obubî bwâbo?

Daniyeli 7:10

Olwîshi lunene lw’omuliro lwakazihulula embere zâge. Ebihumbi by’ebihumbi by’abantu byakazimukolera, n’abandi mwandu bali bayimanzire embere zâge. Okutwa olubanja kwarhangira n’ebitahu byabùngûlwa.

Sofoniya 1:6

Nâsherêza ngasi bacîkûla kuli Nnâmahanga, abarhamulongereza erhi kumurhînya ciru n’ehitya, abo boshi ntà muguma nâleka.»

Mateyo 25:41

Okubundi anacibwîre abâli ebwa kumosho kwâge nabo, erhi: «Ntengiho, mwe bakagwa, mujè omu muliro gurhazima, gwarheganyizibagwa shetani na bamalahika bâge.

Mateyo 25:46

Okuhandi abo banajà omu malumwa garhahwa, n’abashinganyanya bajè omu buzîne bw’ensiku n’amango.

Yowane 3:19

“Nalwo olubanja lw’olu: obulangashane bwayishire en’igulu, n’abantu ba­gal’isîma omwizimya ahâli h’obulangashane, bulya ebijiro byâbo byàli bibî”.

Yowane 8:19

Banacimudôsa, mpu: «Sho, ngahi abà?» Yezu abashuza, erhi: «Murhanyishi, murhishi na Larha; mucimmanyaga, mwankamanyire na Larha».

Ebijiro 6:7

Akanwa ka Nnâmahanga kalanda, n’abaganda bayûshûka bwenêne omu Yeruzalemu; ciru n’abadâhwa banji bàshimba obuyêmêre.

Barom 1:28

Bulya barhalonzagya okumanya kwinjà Nnâmahanga, Nnâmahanga naye àbakabulîre omu murhima gwâbo guhûsire n’omu bijiro birhakwânîni.

Barom 1:5

ye warhushobôzagya enshôkano anarhujira ntumwa, mpu rhuyigîrize abantu b’amashanja goshi okumuyêmêra n’okumuyumva, lyo izîno lyâge lijà irenge;

Barom 10:16

Ci kwône arhali boshi bayankirîre Emyanzi y’Akalembe. Izaya akudesire, erhi: Yâgirwa, ndi wayêmîre obugo bwîrhu?

Barom 15:18

Bulya ntâko nakahalîzize okuderha ebi Yezu Kristu arhanjirisagya mpu lyo abapagani bayumva, omu nderho n’omu bijiro,

Barom 16:26

Ci lêro buno likola limanyîkîne, n’oku bulonza bwa Nnâmahanga oyôrha abâho emyâka n’emyâka, oku burhabâle bw’amandiko g’abalêbi, lyahisire omu mashanja goshi mpu balimanye, lyo bashimba enjira y’obuyêmêre.

Barom 6:16

Ka murhishi oku erhi mwankacîhâna bujà emwa lebè, mpu mumurhumikire, mwanabà bajà b’olya murhumikira; akabà câha, cimmulêrhere olufù, n’akabà bumvi, bummulêrhere obushinganyanya.

1 Bakorinti 15:34

Murhenge omu balalwe nk’oku bikwânîne, murhanacihîra mukajira ebyâha; bulya muli mwe hali abarhishi Nyamuzinda. Nkudesire nti e­nshonyi zimmugwârhe.

2 Bakorinti 10:5

na ngasi bucîbone buderha mpu bwacîgererakwo okumanya Nyamuzinda, na ngasi bukengêre rhubugwârha mpira nti bushige Kristu.

Bagalasiya 3:1

Yâga we, banyamerhe b’e Galasiya! Lêro ndi wammugeresire mweki we! Ka n’amasù ginyu murhabonaga nammuyigîriza Yezu Kristu wabambagwa oku musalaba?

Bagalasiya 4:8

Galya mango murhàl’imuj’imanya Nyamuzinda, mwakâg’igashâniza abazimu, n’obwo abo bazimu barhankaba bo Nyamuzinda.

Lushika 32:35

Olwihôlo n’oluhembo biri byâni, amango okugulu kwâbo kwarhereza. Bulyâl’olusiku lwâbo lw’okuhanyagala luli hôfi; nehi babîkîrwe hiyishire buhena.

Lushika 4:11

Mwanacishegera obwo, mpu muyimange oku burhambi bw’entondo, ago mango erhi ntondo edwîrhe yagulumira kuhika omu nkuba karhî, omu mwizimya gw’ebitù n’omu milazô.

Lushika 4:30

Omu maganya gâwe, ebi binwa byakuhikakwo, cikwône omu nsiku nzinda washubîrira Nyamubâho, Nyamuzinda wâwe, onayumvîrhize izù lyâge

Lushika 5:5

Nâni ago mango erhi nyimanzire aha karhî ka Nyamubâho na ninyu, nti mmumanyîse ebinwa byâge, mwâli muyôbohire omuliro kwarhuma murhasôkera oku ntondo. Aderha obwo, erhi:

1 Batesalonika 4:5

arhacicîrîkiriraga omu kuhêkwa n’amîru mabî ak’abapagani barhishi Nyamuzinda.

Bahabraniya 10:27

na ntà kundi kucisigîre okurhali kutwîrwa olubanja lukali n’okukwêbwa omu ngulumira y’omuliro, yàyish’isingônola abagoma.

Bahabraniya 10:30

Nêci, rhurhahabiri olya waderhaga, erhi: Okucîhôla kuli kwâni n’okuhâna oluhembo kuli kwâni! na kandi, erhi: Nyakasane àyish’itwîra olubaga lwâge olubanja.

Bahabraniya 11:8

Buyêmêre bwarhumaga Abrahamu ayumva izù lya Nnâmahanga lyàmubwîraga mpu agende, ajè omu cihugo ali ayish’iyîmamwo. Agenda arhanamanyiri aha ajà.

Bahabraniya 12:29

Bulya Nyamuzinda wîrhu abà ngulumira ya muliro.

Bahabraniya 2:3

kurhi rhwêki rhwankahash’ifuma, erhi rhwankagaya obucire bungana obwo? Obwo bucire, burhanzi bwamanyisîbwe na Nyakasane, nabo ababuyumvîrhe babuhamîriza muli rhwe.

Bahabraniya 5:9

N’erhi àyûs’ibà mwimâna, àhinduka imerero ly’obucire bw’ensiku n’amango kuli balya boshi bamuyumva,

1 Petro 1:2

Mwe Nyamuzinda Îshe acîshogaga omu bumanye bwâge, anammucêsa na Mûka Mutagatîfu, mpu lyo muyumva Yezu Kristu munashahizibwe n’omukò gwâge: kuli mwe enshôkano n’omurhûla munji!

1 Petro 3:6

Ntyo kwo Sara akâg’iyumva Abrahamu, akamuderha nnâhamwâbo. Ninyu muli bâli bâge akabà mujira aminjà buzira kuyôboha cici.

1 Petro 4:17

Bulya amango gahisire, n’olubanja lwârhangirira oku nyumpa ya Nyamuzinda. N’akabà rhwe lwârhangirirekwo, balya barhayêmêra Emyanzi y’Akale­mbè kurhi obuzinda bwâbo bwâbe wâni!

2 Petro 3:7

Nago amalunga n’igulu biriho buno, olwo luderho lwo lunabilanga muhako, lubibîkîre omuliro oku lusiku lw’olubanja n’olw’okuherêrekera kw’abantu babî.

Yûda 1:7

Sodomo na Gomora n’ebishagala by’eburhambi kwo na kwo: nabo bagwîra okuhusha n’okushimba ebiremwa birhali bya bwôrhere buguma n’obwâbo, bahinduka lwîganyo lw’obuhane bw’omuliro gw’ensiku n’amango.

Mafulûlo 20:10

Naye Shetani, erya Ndyâlya yakazâg’ibashumika, àjugucirwa omu cîna c’omuliro n’ecibiriti, ashangamwo olya w’eciryanyi bo na liryâla irumbi mpu mulêbi. Omwôla mwo bayôrha balibukira bwacà bwayira omu myâka n’emyâka.

Mafulûlo 21:8

Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».

Mafulûlo 6:10

Banaciyâkûza n’izù linene, mpu: «Mâshi Nyamwagirwa, Mwimâna na Nn’okuli, kuhika mangaci wayôrha orhatwîri olubanja orhanahôziri omukò gwîrhu oku bantu b’igulu?»

1 Samweli 2:12

Bene Eli byàli byâbi, birhakengaga Nyakasane.