2 Samweli 8:2 - BIBLIYA NTAGATIFU OMU MASHI

² Ahima n’abantu b’e Mowabu, boshi abagwishiza oku idaho anabalambûlira kwo omugozi. Baguma abalambûlirakwo migozi ibirhi, erhi bo bafà abâla, abandi abalambûlirakwo omugozi mugumagumà erhi mwe ntacimuyîrhe mwâlama. Ntyo abôla banya Mowabu bashuba bajà ba Daudi, abagwâsirwe okukamurhûla eby’omushigo.

2 Samweli 8:2 ပူးပေါင်းရင်းမြစ်များ

2 Samweli 12:31

Abantu ba muli eco cihugo, abagwârha mpira, akaz’ibasêza okukôla, baguma bakaz’ibera enshâli, n’ababeza amabuye, n’abandi bakaz’iforhomola amatofali. Ntyo kwo ajirîre ebindi bishagala by’Abamoniti byoshi. Daudi n’abasirika bâge bagalukira e Yeruzalemu.

2 Samweli 8:6

Daudi ayîmika abarhambo n’abasirika omwôla Sîriya y’e Damasko, na ntyo abôla bantu banya-Sîriya bashuba barhumisi bâge banakaz’imurhûla eby’omushigo. Nyamubâho ayimangira Daudi omu majira gâge goshi.

2 Bâm 1:1

Mowabu anacigomera Israheli erhi Ahabu abà amâfà.

2 Bâm 17:3

Salamanasari mwâmi w’e Asîriya, asôka ajimulwîsa, Hozeya amushiga anakamuhongera.

1 Nganîro 18:2

Ahima n’Abamowabiti, bashuba bambali bâge banakazimuvurhira ihôro.

2 Nganîro 26:8

Abanya-Amoni bakazirhûla Uziyahu, n’irenge lyâge lyahika cingana aha muhango gw’e Mîsiri, ebwa kubà ali akola agwêrhe emisî bwenêne.

Ennanga 108:9

Erhi ishwa lya Galadi libà lyâni n’erya Manasè kwo na kwo, Efrayimu yêhe yo mpenzi y’irhwe lyâni na Yûda ye kayundwè wâni.

Ennanga 18:45

Abâna b’abantu b’ihanga bàndimîriza, bakayumva akanwa kâni ho na halya banakajira.

Ennanga 60:10

Mowabu lwo lwôgero ncîkalabiramwo, Edomu yêhe namugera oku lwêru lw’enda, na Filistiya nâmuhima kano kânya.»

Ennanga 60:8

Nyamuzinda erhi ali omu ngombe yâge, erhi: «Nkola nayimuka nj’igaba Siyoni, n’olubanda lwa Sukoti ndugabire bandi».

Ennanga 83:6

Nêci haguma baderhîre, kunywâna banywânîne mpu bakuj’ebulambo.

Izaya 36:16

“Murhayumvagya Hizkiyahu, bulya kwo adesire ntyâla omwâmi w’e Asîriya: Mukome obwîra nâni, munacîlerhe mwene emunda ndi, lyo ngasi muguma muli mwe ahash’ilya oku muzâbîbu gwâge na lyo ngasi muguma muli mwe ahash’ilya oku mulehe gwâge, lyo ngasi muntu ahash’inywa oku mîshi g’omu iriba lyâge”

Mibalè 24:17

Namamubona, ci kwône arhacibà wa buno; namamulâba ci kwône arhacibà nk’oli hôfi. Enyenyêzi yamârhenga muli Yakôbo, akarhi k’obwâmi kamayimanga omu Israheli; kamavunanga emyanganga ya Mowabu, Kamamalîra bene Seti.

1 Samweli 10:27

Ci kwônene abâli babî, bene Beliali (Shetani mumînya) bakacîduduma, mpu: «Kurhi oyûla ayishirhuyôkola?» Bamugayaguza bwenêne, ciru barhaderhaga mpu bankamurhûla kantu kalebe. Ci yêhe acîhulikirira.

1 Samweli 14:47

Nêci Saulu akomeza obwâmi bwâge omu Israheli; arhêra anahima abashombanyi bali bamuzongolosire boshi, ahima Mowabu, Amoni, Edomu, ahima abâmi b’e Soba n'Abafilistini, na ngasi lunda anayêrekeraga loshi erhi anali muhimanyi.

1 Samweli 22:3

Kurhenga aho, Daudi ajà e Mispe emwa bene Mowabu, anacihûna omwâmi w’eyôla Mowabu erhi: «Nkusengîre nâni mâshi waliha, oleke abâla babusi bâni, larha na nyama bajibêra emwâwe kuhika mmanye bici Nyamuzinda annongezize».

1 Samweli 22:4

Anaciyisha abadwîrhe emwa olya mwâmi w’e Mowabu, nabo banacibêra aha mwâge muli agôla mango goshi Daudi anali ahôla hantu hazibuzibu.