2 Samweli 7:23 - BIBLIYA NTAGATIFU OMU MASHI

²³ Ndi oli nka olubaga lwâwe, ndi oli nka Israheli yâgirwa, ishanja liguma toro eri alijirîremwo eby’okurhangâza, bunguke bw’igulu burhuma. Wakungusha embere z’olwo lubaga warhenzagya e Mîsiri, amashanja na banyamuzinda bâbo bw’obwîhambi.

2 Samweli 7:23 ပူးပေါင်းရင်းမြစ်များ

2 Samweli 7:24

Nêci yâgirwa wasinzire wêne olubaga lwâwe Israheli mpu luyôrhe lwâwe ensiku zoshi, mpu na nâwe, yâgirwa Nyamubâho, oyôrhe ôbà Nyamuzinda walo.

1 Nganîro 17:21

“Kwo na kwo ntà lundi lubaga bano igulu luli nk’olubaga lw’Israheli. Wayishire walulikûza, lwône lwône, omu bujà bw’e Mîsiri, mpu olujire lubaga lwâwe. Wacîjisize irenge n’ebijiro binene by’okujugumya washandabanyamwo amashanja embere z’olubaga lwâwe”.

Nehemiya 1:10

“Bali bambali bâwe na lubaga lwâwe wêne wacungulaga n’obuhashe bwâwe bw’Ogala-byoshi”.

Ennanga 106:22

Owakolaga ebingana halya omu cihugo ca Kamu, anajirira eby’okurhangâza aha Nyanja Ndukula,

Ennanga 111:9

Arhumira olubaga lwâge owalucungula, àjizire endagâno yâge ebè ya nsiku n’amango, izîno lyâge liri limâna liri na lya kukengwa.

Ennanga 145:6

Abantu bakaz’iganîra obuhashe bwâwe bujugumya. nâni nkazibaganîrira obukulu bwâwe.

Ennanga 147:20

Ntà lindi ishanja Nnâmahanga ajirîre okungan’aho, ntà lindi ishanja lyamanyire ecimubà emurhima.

Ennanga 40:5

Ali w’iragi omuntu ocîkubagira Nyakasane, omuntu orhayêrekera emunda abagashâniza ebiremwa bali, n’emunda abanywesi bali.

Ennanga 44:3

Wêne erhi ôbà wamâhulusa amashanja n’okuboko kwâwe, wabayanka bôhe wàbagwika butûdu; walasa amashanja wabashagalusa bôhe.

Ennanga 65:5

Omuntu ocîshoga okanamuhêka, erhi muny’iragi, omu côgo câwe aj’ibêra. Rhwalya rhuyigurhe ebinja by’omu mwâwe, rhuyigurhe obwimâna bw’engombe yâwe.

Ennanga 66:3

Mubwîre Nnâmahanga, mpu: «Emikolo yâwe eri ya kurhangâza!» mpu: «Okuluga kw’obuhashe bwâwe, kunarhume abashombanyi bâwe bayish’ikushiga.»

Lubungo 12:12

“Mw’obwo budufu nâgera omu cihugo c’e Mîsiri, njè nanigûza ngasi lubere lw’omu Mîsiri, lubè lwa muntu erhi lwa cintu. Nafendûla banyamuzinda b’obwîhambe b’omu Mîsiri boshi. Nie Nyakasane”.

Lubungo 33:16

Bicigi bankacimanyirakwo oku niono rhwe n’olubaga lwâwe, rhurhonyire omu masù gâwe? K’arhali kugenda haguma nîrhu oku kwarhuma, n’okubona niono n’olubaga lwâwe rhurhashushini n’agandi mashanja gabà hano igulu?»

Lubungo 6:7

Nammuyankirira nka lubaga lwâni, nâni mbè Nyamuzinda winyu. Mwamanya oku nie Nyakasane, Nyamuzinda winyu, ommukûzire omu mikolo midârhi y’e Mîsiri.

Lubungo 9:15

Ncilekêrerage okuboko kwâni, singa nakuyisire n’ecâhirà we n’olubaga lwâwe, wali wahirigirha omu igulu.

Lubungo 9:16

Ci alaga ecàrhumire nakuleka: nti nkuyêreke obuhashe bwâni lyo bamanyîsa izîno lyâni omu igulu lyoshi.

Yeremiya 32:20

We wajiraga ebisômerîne, wayêrekana n’ebirhangâzo e Mîsiri, na kuhika ene omu Israheli, n’ahandi hoshi. Kuhika ene ntâye orhakuyîshi, na ntâye orhakurhînya.

Yeremiya 32:21

Warhenza bene Israheli omu bujà bw’e Mîsiri, wabayêreka ebirhankaderhwa erhi olambûla okuboko kwâwe bagwârhwa n’ecôbà bwenêne.

Ezekiyeli 20:9

Ci nashubikengêra izîno lyâni, najira kulya kwankarhuma lirhankahemuka omu masù g’agôla mashanja bâli bayûbasire ekarhî kâbo, bulya nali mbabwizire oku nahêka olubaga lwâni erhi banadwîrhe babona, ndurhenze omu cihugo c’e Mîsiri.

Mibalè 6:27

“Ntyo kwo bâkazihira izîno lyâni kuli bene Israheli, nâni nanabagisha.”»

Befezi 1:6

oku bukuze bw’irenge ly’engalo yâge arhushobôzagya muli Omugala Muzigirwa.

Lushika 10:21

Ye irenge lyâwe, ye Nyamuzinda wâwe, ye wakujiriraga birya binene na bidârhi amasù gâwe gàbonaga.

Lushika 15:15

Okaz’ikengêra oku wali mujà e Misirina Nyamubâho, Nyamuzinda wâwe akucungula. Co cirhumire nkuhà eryôla irhegeko ene.

Lushika 33:29

Wamajira iragi wâni Israheli! Ndi oli akâwe, we lubaga lwayôkolagwa na Nyamubâho ye mpenzi y’oburhabâle bwâwe, ye na ngôrho y’irenge lyâwe Abashombanyi bâwe bakushishashisha na nâwe wêne okazigera enyanya zâbo.

Lushika 9:26

Nashenga Nyamubâho namubwîra nti: «Yâgirwa Nyamubâho, omanye wankasherêza olubaga lwâwe n’omwîmo gwâwe wêne walîkûzagya n’obuhashe bwâwe, ogu wanarhenzagya wêne e Mîsiri n’okuboko kuzibu.

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.

Yozwe 7:9

“Abanya-Kanâni bakolaga bakumanya, abandi bayûbaka omu cihugo coshi buzinda bakolaga bayishirhugorha, barhuyîrhe, izîno lîrhu lihirigirhe bano igulu. Na buzinda kurhi okolaga wayishijirira izîno lyâwe ly’ogala byoshi?”»

1 Petro 2:9

Ci mwêhe muli ishanja lîshogwa, muli badâhwa b’ebwâmi, muli mulala Mutagatîfu, muli lubaga lurhôle Nyamuzinda acungulaga mpu mukâyimba ebirhangâzo by’olya wammukûlaga omu mwizimya, ammuhama­gala mpu mujè omu bulangashane bwâge bw’okusômeza;

Mafulûlo 5:9

Erhi banadwîrhe bayimba olwimbo luhyâhya, mpu: «Nêci, okwânîne oyanke eci citabu onahamûle orhuhamikizo rhwâco, bulya wanizirwe, warhucungwîre n’omukò gwâwe, warhuhà Nyamuzinda, rhwe b’omu ngasi mulala, n’omu ngasi lulimi luderhwa, n’omu ngasi ishanja, n’omu ngasi cihugo,