2 Samweli 7:22 - BIBLIYA NTAGATIFU OMU MASHI

²² Kuli okwôla oganze, yâgirwa Nyamubâho, bulya ntâye oli akâwe na ntà wundi Nyamuzinda aha nyuma zâwe, omu kulola ebi rhwanayumvîrhe n’amarhwîri gîrhu.

2 Samweli 7:22 ပူးပေါင်းရင်းမြစ်များ

2 Samweli 22:32

Bulya ndi wundi Nyamuzinda okuleka Nyamubâho, ndi wundi ibuye Nyamwegemerwa kulusha Nyamuzinda wîrhu?

1 Bâm 8:23

«Yâgirwa Nyakasane Nyamuzinda w’Israheli, ntà wundi Nyamuzinda wankabà nka we, abè omu malunga, abè hanôla igulu: welanga bwinjà ebi walagânanaga mweshi n’abarhumisi bâwe bakushimba n’omurhima gwâbo goshi.

1 Nganîro 16:25

Bulya Nyakasane ali mukulu, anakwânîne ajè irenge. Akwânîne ayôbohwe kulusha abandi banyamuzinda boshi.

2 Nganîro 2:5

Ci ntâye wankacîshomya mpu amuyûbakira enyumpa, oyu empingu n’empingu z’empingu zirhankahashilûmira? Nâni niene ndigi muntu muci wankahashimuyûbakira enyumpa, nka kurhali kuderha mpu rhubone aha rhwakazitumbûkiza enterekêro zîrhu emunda ali?

Ennanga 135:5

Niehe mmanyire oku Nyamubâho ali mukulu, Nnawîrhu Nnâmahanga alushire banyamuzinda boshi.

Ennanga 145:3

Nnâmahanga ali w’izîno anali wa kukengwa bwenêne, obukulu bwâge burhankayumvûbwa.

Ennanga 44:1

Gwârhi omukulu w’abimbiza. Lwimbo lwa Nyigîrizo. Lwa bene Korè.

Ennanga 48:1

Lwimbo. Lulanga. Lwa bene Korè.

Ennanga 86:10

Bulya we munênênè we nakola ebirhangaza: wêne we Nyamuzinda.

Ennanga 86:8

Abazimu barhalimwo okuhisirekwo, Nyakasane, na ntà mulenga ohisire okw’ikola lyâwe.

Ennanga 89:6

Amalunga gadwîrhe gayimba ebisômerîne byâwe, n’oburhabêsha bwâwe budwîrhe bwayimbwa omu ndêko y’abatagatîfu.

Ennanga 89:8

Omu ndêko y’abatagatîfu, Nyamuzinda arhajìbwa omw’irhwe,

Ennanga 96:4

Bulya Nyakasane arhali ntindi, anakwânîne aj’irenge, akwânîne ayôbohwe kulusha abandi ba nyamuzinda boshi.

Lubungo 10:2

lyo oyîsh’ikuganîrira mugala wâwe na mwinjikulu wâwe na kurhi nalibuzagya Abanya-Mîsiri na kurhi najiraga ebirhangâzo byâni emwâbo. Ntyo mwanamanya oku niene nie Nyakasane.»

Lubungo 15:11

Wundi Nyamuzinda ohi oli nka We, Yâgirwa? Ndi oli akâwe, we cilangashane c’obwimâna, murhînywa omu bijiro byâwe, mujizi w’ebirhangâzo?

Lubungo 8:10

Bàbilundika birundo-birundo, ecihugo coshi cayunjula kabayo.

Lubungo 8:6

Aderha, erhi: «Irhondo.» Mûsa àmushubiza, erhi: «Najira nk’okwo onadesire: Lyo omanya oku ntà wundi oli aka Nyakasane, Nyamuzinda wîrhu,

Lubungo 9:14

Bulya lêro nkola narhuma amahanya gâni goshi kuli we, kuli bambali bâwe n’oku lubaga lwâwe lyo omanya oku ntâye oli akâni omu igulu lyoshi.

Izaya 40:18

Ndi mwankagererakwo Nyamuzinda? Nshusho nci mwankamulinganyanyizâkwo?

Izaya 40:25

Ndi wankangererakwo, olya rhuyûmânîne? Kwo adôsize Omutagatîfu.

Izaya 45:18

Bulyâla kwo adesire ntyâla Nyakasane, owalemaga amalunga, Nyamuzinda wabumbaga anajira igulu, ye wanaliyimanzagya. Arhalilemaga mpu liyôrhe bwêrûlè, ci àlibumba mpu baliyûbakemo. Nie Nyakasane, ntà wundi!

Izaya 45:22

Muyêrekerage emunda ndi, lyo mucira mwe bihugo byoshi by’en’igulu! Bulya nie Nyamuzinda, ntà wundi!

Izaya 45:5

Nie Nyakasane, ntà wundi, kuleka nie, ntà wundi nyamuzinda! Nakuyîmisire, n’obwo orhanyîshi,

Ezekiyeli 36:22

Co carhuma wâbwîra omulala gwa bene Israheli, erhi: Ntya kwo adesire Nyakasane Nyamubâho: Arhali we orhumire najira aga minjà ntya, wâni mulala gw’Israheli, ci izîno lyâni litagatîfu lirhumire eri wahemuliraga mw’agâla mashanja walijire emwâbo.

Ezekiyeli 36:32

Arhali mwe mwarhuma najira agôla minjà, kwo adesire Nyakasane Nyamubâho, mumanye bwinjà, mufe nshonyi, mugwârhwe n’enshonyi wâni mulala gw’Israheli.

Daniyeli 2:45

“Byâbà nka kulya wanabonaga ibuye lyahona lyône oku ntondo buzira kuboko kulijûcire, kandi lyavungunyula ecûma, omulinga, amarhale n’amasholo. Nyamuzinda ye mukulu kulusha byoshi amamanyisa mwâmi ebyayishiyisha omu gandi mango; ecôla cilôrho ciri c’okunali n’amahugûlo gali mimâna.”»

Mikeyo 7:18

Ndi wundi Nyamuzinda akâwe, obabalira amabî, ozaza ecâha, orhabika bukunizi ensiku n’amango ci okunda okufà bwonjo n’okubabalira?

Lushika 3:24

«Nti Yâgirwa Nyamubâho, warhondîre okuyêreka mwambali wâwe obukulu bwâwe n’obuhashe bw’okuboko kwâwe; woyo, ntà w’emalunga erhi w’enigulu wakakuhikakwo oku ikola n’oku bijiro bilushîne,

Lushika 32:39

Mulolage oku niono, niono ndi ye, n’oku ntà wundi oli Nyamuzinda haguma nâni. Niene nie nyîrha nie nanciza, amango namashûrha, niene nanfumya, (na ntâye wakakûla owundi omu nfune zâni).

Lushika 4:35

We wahirwe okubona ebyo byoshi kuderha mpu omanye oku Nyamubâho ye Nyamuzinda w’okuli na ntà wundi aha nyuma zâge.

Lushika 4:39

Okwaninage omanye ene onakazikurhimanya omu murhima gwâwe: Nyamubâho, ye Nyamuzinda oku nkuba enyanya na hano nshi oku igulu, yêne ntà wundi.

1 Samweli 2:2

Ntà mwimâna aka Nyamubâho, na ntà muntu oli nka ye, na nt’ibuye lizibu aka Nyamubâho.