2 Samweli 7:16 - BIBLIYA NTAGATIFU OMU MASHI

¹⁶ “Enyumpa n’obwâmi bwâni byayôrha ho ensiku zoshi embere zâni, n’entebe y’obwâmi bwâwe yasimba ensiku zoshi.”»

2 Samweli 7:16 ပူးပေါင်းရင်းမြစ်များ

Murhondêro 49:10

Ishungwè lirhakarhenga omu mwa Yûda, n’akarhi k’oburhegesi karhakarhenga omu magulu gâge, kuhika nnako ayîshe; ye amashanja goshi ganayumve.

2 Samweli 22:51

Àshobôzize olya ajiraga iragi linjinja, ayêrekana obwinjà bwâge emwa omushîgwa wâge, ye Daudi n’iburha lyâge ensiku zoshi.

2 Samweli 7:13

“Oyo mwâna ye wayîsh’iyûbaka enyumpa oku izîno lyâni, nâni nayîmânika obwâmi bwâge busimbe ensiku zoshi”.

2 Samweli 7:17

Natani anacibwîra Daudi ebyôla binwa byoshi nk’oku anabonekeragwa omu bilôrho.

1 Bâm 2:4

“n’okwôla lyo Nyakasane ayunjuza kalya kanwa kâge ambwîraga, erhi: Bagala bâwe erhi bankacilanga bakânabà n’olugendo lwinjà embere zâni n’omurhima n’iroho lyâbo lyoshi, hanakaz’iyôrha hali ow’omu mulala gwâwe oyîmire oku ntebe ya Israheli”.

1 Bâm 9:5

nayîsh’igwîka entebe y’obwâmi bwâwe omu Israheli e nsiku zoshi nka oku nanalaganyagya sho Daudi amango namubwîraga nti: Wakaz’iyôrha oli n’omukûla oku ntebe y’obwâmi omu Israheli.

2 Bâm 19:34

Nayûbarhira olu lugo lyo nduyôkola, niene ntuma n’omurhumisi wâni Daudi.

2 Bâm 8:19

Ci konene Nyamubâho arhalonzagya okusherêza Yûda erhi mwambali wâge Daudi orhuma nka kulya anamulaganyagya oku ensiku zoshi abà n’akamole omu bâna bâge.

2 Nganîro 6:16

“Bunôla, Yâgirwa Nyamubâho, Nyamuzinda w’Israheli, olangage, oku makwânane g’omurhumisi wâwe Daudi, kulya wamubwîraga erhi: Wakaziyôrha ogwêrhe embere zâni, omwâna oli oku ntebe y’Israheli, casinga bagala bâwe bacîlange omu njira yâbo, omu kushimba bwinjà amarhegeko gâni nk’oku wanagashimbaga.”»

Ayubu 36:7

Ye yeza omushinganyanya, anamudamaze oku ntebe y’obwâmi haguma n’abâmi, omu irenge ly’ensiku n’amango!

Ennanga 45:6

Emyampi yâwe erhahimwa bwôji; wabona oku amashanja gàyisha gal’ikushiga, n’abashomba mwâmi barhibe omurhima.

Ennanga 72:5

Alama nk’izûba, nka mwêzi kurhenga okw’iburha kuj’oku lindi.

Ennanga 89:4

Waderha, erhi: Nanywânîne n’omwîshogwa wâni, nalahirîre mwambali wâni Daudi, nti:

Izaya 9:6

Oburhegesi bwâge bwagandâza n’omurhûla gurhakaciyûrha oku ntebe y’obwâmi bwa Daudi n’omu bwâmi bwâge. Obwâmi bwâge bwayîmangira bunasimikire oku bushinganyanya n’obwimâna kurhenga bunôla kuhika ensiku n’amango. Buzigire bwa Nyakasane Nyamuzinda w’Emirhwe bwâkola ebyôla.

Izaya 9:7

Nyakasane arhumire Yakôbo akanwa, karhinda kuli Israheli.

Yeremiya 17:25

“ago mango, abâmi n’abaluzi bayîmire omu bya Daudi, emihango y’olu lugo yo bagezâmwo abâli omu ngâlè n’abâli oku nfarasi, mwo bagera bône n’abaluzi bâbo, abantu b’emwa Yûda n’abayûbaka omu Yeruzalemu. Olu lugo lwayôrha lulimwo abantu ensiku zoshi”.

Yeremiya 33:17

Bulya Nyakasane adesire erhi, ntà mango ciru n’amaguma Daudi abula omwîmo omu bwâmi bw’Israheli.

Ezekiyeli 37:25

Babere omu cihugo nahâga mwambali wâni Yakôbo, n’omu b’îshe wâbo bayûbakaga, babêramwo boshi n’abâna bâbo, ciru n’abâna bâbo ensiku zoshi na mwambali wâni Daudi âbà ye mwâmi ensiku zoshi.

Daniyeli 2:44

“N’omu mango g’abôla bâmi, Nyamuzinda w’empingu, ayishiyimanza obundi bwâmi bulya burhankacishandwa ciru n’eriguma na oburhegesi bwâbo burhakacihâbwa oku lundi lubaga. Bwavunyungula bunashandâze agôla gandi mârni, nabo bône bwayôrha ensiku n’amango”.

Daniyeli 7:14

Banacimuhà amâmi, amahashe, irenge n’oburhegesi, amashanja goshi n’ebihugo byoshi, n’abantu b’endimi zoshi bakazimurhumikira. O­bwâmi bwâge bwabà bw’ensiku n’amango, bwâmi burhakayûrha, bwâmi burhakakûlwa ciru n’amango maguma.

Mateyo 16:18

Yumva nkubwîre oku oli Ibuye na kuli eryo ibuye nayûbakakwo Ekleziya yâni, n’amâmi g’ekuzimu garhakayihima.

Yowane 12:34

Olubaga lwamushuza, mpu: «Ci rhwayumvîrhe omu Citabu c’Amarhegeko oku Kristu àbâho ensiku zoshi. “Kurhi w’oyo ocidesirage, mpu”: “Kukwânîne Mwene-omuntu ayinamulwe?” “Yerigi ndi oyo Mwene-omuntu?”»

Bahabraniya 1:8

Abwîra Omugala, erhi: Entebe yâwe y’obwâmi, ewe Nyamuzinda, eri y’emyâka n’e­myâka, n’akarhi kâwe k’obwâmi kali ka bushinganyanya.

Mafulûlo 11:15

Okubundi Malahika wa kali-nda abûha omu mushekera; emalunga yabà ecihôgêro c’amazù manênênè, gakaz’iderha, mpu: «Obwâmi bw’igulu bukola buli bwa Nnawîrhu bwoshi na Kristu wâge, anakolaga arhegeka omu myâka n’emyâka!»

1 Samweli 25:28

“Obabalire, nkusengîre yâgirwa obubî bwa mwambalikazi wâwe, bulya okuli, Nyamubâho atugikiza buzibu enyumpa ya Nnawîrhu. Bulya nnawîrhu ali oku matabâro ga Nyamubâho na ntà bubî babona buli muli we omu nsiku zâwe”.