2 Samweli 4:4 - BIBLIYA NTAGATIFU OMU MASHI

⁴ Yônatani ali agwêrhe omwânarhabana wajàga ahegera amagulu gombi. Ali akola agwêrhe myâka irhanu ali muburhe amango hayîsh’igiderha oku Saulu na Yônatani bafirîre aha Yizreeli. Omukazi wakâg’i mulera anacimurhôla mpu akola amuyâkana, emunda aciribirhiraga omu kuyâka nyamwâna akulumba analemala; izîno lyâge ye wali Mefibali.

2 Samweli 4:4 ပူးပေါင်းရင်းမြစ်များ

2 Samweli 21:7

Ci mwâmi ababalira Mefibali mwene Yônatani, mugala wa Saulu erhi cihango cabali kwo cirhuma, embere za Nyamubâho, ekarhî ka Daudi na Yônatani, mugala wa Saulu.

2 Samweli 9:13

Mefibali ali ayûbasire aha Yeruzalemu akazâg’ilira oku cîbo ca mwâmi anali alemire amagulu gombi.

2 Samweli 9:3

Mwâmi amudôsa, erhi: «Ka ntà muntu wasigîre w’omu mulala gwa Saulu nkamuyêreka aminjà gali nka aga Nyamubâho». Siba anacishuza mwâmi erhi: «Hacisigîre mwene Yônatani, mwâna walemire amagulu gombi.»

2 Samweli 9:6

Erhi ahika hali mwâmi Daudi, Mefibali, mugala wa Yônatani mwene Saulu olya mwâna yêshi afukama afukamiriza. Daudi anacimuyakûza, erhi: «Mefibali!» Naye ashuza erhi: «Yâgirwa niono mwambali wâwe.»

1 Bâm 11:17

Hadadi abafulumukamwo, boshi na banya-Edomiti baguma, bali bambali b’îshe, ayâkira e Mîsiri. Agôla mango Hadadi aciri mwâna wa musole.

1 Nganîro 8:34

Mugala wa Yônatani ye Merib­ Ba’ali aburha Mika.

1 Nganîro 9:40

Mugala wa Yônatani ye Meribaali; Meribaali anaciburha Mika.

1 Samweli 29:1

Abafilistini bashubûgiza engabo zâbo zoshi aha Afeki, naye Israheli erhi ahanzirage aha iriba lya Yizreeli.

1 Samweli 29:11

Daudi boshi n’abambali bazûka lwifusèfusè, mpu lyo hano bunacânûla ntya, bahasha okugaluka omu cihugo c’Abafalistini; nabo balya Bafilistini basôkera aha Yizreeli.