2 Samweli 3:34 - BIBLIYA NTAGATIFU OMU MASHI

³⁴ Amaboko gâwe ntà kantu kagashwêsire; amagulu gâwe ntà mugufu gwankagaziririnzire. Nka obanzirwe n’ebishungu ntyo kwo wêhe wafîre». Olubaga loshi lwashîba lwamulakira ntyôla.

2 Samweli 3:34 ပူးပေါင်းရင်းမြစ်များ

2 Samweli 1:12

Okubundi bajà omu mishîbo, balaka balakûla, bacîshalisa kuhika bijingo erhi Saulu n’omugala Yônatani bàrhuma, olubaga lwa Nnâmahanga n’enyumpa y’Israheli erhuma ngasi banakumbire oku bwôji bw’engôrho boshi.

2 Samweli 3:33

Mwâmi erhi akola alakira Abneri aderha erhi: «K’omu maboko g’encuku mwo Abneri anankafirîre?

2 Samweli 3:35

Olubaga loshi lwanakanya lwajà emunda Daudi ali mpu lumuseze okuhira akantu omu nda muli ogwo mulegerere. Ci Daudi alahira ibango erhi: «Nyamubâho anjire buligo anabuyûshûle erhi nankaderha nti nalya omugati nîsi erhi okuhira akandi kantu omu nda kuhika bijingo».

Ayubu 24:14

Mucêracêra, omwîsi anazûke, ayîrhe omukenyi n’olagîrîre, buyîra arhabâle akola ajà azimba.

Ezekiyeli 32:16

Gwo mulenge ogwôla, baguyimbe abanyere b’amashanja baguyimbe; baguyimbe, bakola balakira Mîsiri n’omwandu gw’engabo yâge; baguyimbe, kwo adesire Nyakasane Nyamubâho.

Hozeya 6:9

Kula ebishungu bicîfulika, omurhwe gw’abadâhwa gudwîrhe gwayîrha omu njira y’e Sikemi; okuli, olugendo lwâbo nshonyi nkulu.

Bacîranuzi 16:21

Abafilistini bayisha, bamugwârha, banamurhomola amasù n’erhi babà bamamuyandagalana e Gaza, bamushwêka na bacaburhinda babirhi b’omulinga. Ahâbwa omukolo gwa okukazizungulusa ibuye ly’okushwa omwo mpamikwa.