2 Samweli 3:1 - BIBLIYA NTAGATIFU OMU MASHI

¹ Entumba yanaciluga bwenêne ekarhî ka bene Saulu na bene Daudi. Ci muli eyôla ntumba Daudi ayisha azibuha, n’owâbo Saulu ajà afunyâla.

2 Samweli 3:1 ပူးပေါင်းရင်းမြစ်များ

Murhondêro 3:15

Nkola naheba enshombo ekarhî kâwe n’omukazi, ekarhî k’iburha lyâwe n’iburha lyâge: oyu âkusinaga irhwe nâwe omukomolere oku kansisira».

2 Samweli 2:17

Entumba yadarhabala bwenêne olwo lusiku. Abneri n’engabo ya bene Israheli banacihimwa na bambali ba Daudi.

2 Samweli 2:28

Yowabu abûha omushekera olubaga lwayimanga; barhacishimbuliraga bene Israheli barhanacikulikizagya okulwa.

2 Samweli 22:44

Wandikuzize omu bugoma bw’olubaga lwâni, wananga mpu onjire mwâmi w’amashanja, olubaga ntayishigi lukola lunkolera.

2 Samweli 3:6

Lolagi ebyabîre amango Saulu alwîsagya Daudi: Abneri acîhà obwâmi Omu mwa Saulu.

2 Samweli 5:10

Daudi ajà azibuha bwenêne la ngasi lusiku, na Nyamuzinda Nnâmahanga w’Emirhwe erhi anali haguma naye.

1 Bâm 14:30

Entambala erhahusagya ekarhî ka Roboami na Yerobwâmi.

1 Bâm 15:16

Entambala erhahusagya ekarhî kâge boshi na Baesha omu kalamo kâge koshi.

1 Bâm 15:32

Entambala erhahusagya ekarhî ka Asa na mwâmi w’Israheli omu kalamo kâbo koshi.

1 Nganîro 11:9

Daudi ajà àbà mudârhi ntyo kulusha, bulya Nyamuzinda w’Israheli àli baguma naye.

1 Nganîro 3:1

Aga go mazîno g’abâna ba Daudi bàburhiragwa e Hebroni. Owa burhanzi, Amnoni, mugala wa Ahinowamu w’e Yizreyeli. Owa kabirhi, Daniyeli, mugala wa Abigayili, w’e Karmeli.

Esteri 6:13

Hamani anacirhondêra ashambâlira mukâge Zereshi n’abîra bâge oku kwo byabîrage ntyôla. Abîra bâge na mukâge Zereshi, banacimubwîra, mpu: «Akabà kobinali Mardokeyo anali w’omu bûko bw’Abayahudi, mîra warhondêraga okucîrhôheza, ntâko wacimujira, okwôla wakaz’ifukamira burhahusa embere zâge».

Esteri 9:4

Mardokeyo ali akola alengerîre oku mwâmi n’irenge lyâge lyanaja lyalumira ngasi cihugo. Bulya obuhashe bw’oyôla Mardokeyo bwajaga bwayûshûka ko nene.

Ayubu 17:9

Ci kwône kurhârhume omushinganyanya aleka enjira yâge, oli wa amaboko mêru kwêru anayûshûla oburhwâli.

Ayubu 8:7

Obwôrhere bwâwe burhanzi wabulola nka busha, omu kubona obôloloke bukulinzire.

Ennanga 18:43

Nabatuntuma nka katulo kayehulwa n’empûsi, nabakandagira nka bajondo b’omu njira.

Ennanga 46:9

Mukanye mubone ebi Nyamuzinda àkozire, muyishe mubone eby’okurhangâza ajijire kuno igulu.

Ennanga 84:7

Hano bayikira akabanda kûmu, bâkahindula nshôko, n’enkuba mpangûka ekabumbe mugisho.

Bagalasiya 5:17

Bulyâla omubiri gurhumvanya n’omûka, n’omûka gurhumvanya n’omubiri; byombi birhabonanakwo, co cinarhuma murhajira ebimulonzize.

Befezi 6:12

Bulya ababisha rhulwîsa gurhali mubiri na mukò, ci Mâmi, n’Amahashe, n’Amarhegesi g’eri igulu ly’omwizimya; rhulwîsa abazimu babî babêra omu cirêre.

Mafulûlo 6:2

Nanacibona eciterusi c’akêru, n’ocidahirekwo erhi afumbasire omuherho. Bamuhêreza ishungwè; agenda ahimire, mpu ashub’ij’ihimana.