2 Samweli 24:14 - BIBLIYA NTAGATIFU OMU MASHI

¹⁴ Daudi anacishuza Gadi, erhi: «Nêci namarhindibuka wâni! Rhufirage erhi kwo omu maboko ga Nyamubâho, bulya obwonjo bwâge bubà bunji, casinga ntakumbaga omu maboko g’abantu.»

2 Samweli 24:14 ပူးပေါင်းရင်းမြစ်များ

2 Samweli 9:8

Mefibali anayûnamiriza afukama aderha erhi: «Mwambali wâwe aligi muntu muci mpu wangalamira nie nkola ncibêra kabwa?»

2 Bâm 6:15

Omuntu wa Nyamuzinda azûka lubungubungu, ahuluka; sinza oku e­ ngabo nyinji yagosire olugo n’enfarasi n’engâlè. Mwambali wa Elishaʿ anacimubwîra erhi: Yoo! Nnâhamwîrhu, kurhi rhwajira.

1 Nganîro 21:13

Daudi abwîra olya mulêbi Gadi, erhi: «Namârhaganwa bwenêne! Nâleka rhufîre omu maboko ga Nyakasane erhimwo, bulya obwonjo bwâge buli bunji, caziga ntakumbaga omu maboko g’abantu.»

Ennanga 119:156

Nyamwagirwa, olukogo lwâwe lubà lunji, onshobôze akalamo amarhegeko gâwe gadesire.

Ennanga 130:4

Câba aha burhambi bwâwe h’obwonjo bw’ebyâha bushundwa, mpu lyo bakukolera banakukenzire.

Ennanga 130:7

Kulusha omulâlîzi walinga oku lukula ârhanda, Israheli alinge Nyakasane.

Ennanga 145:9

Nyamubâho abà mwinjà kuli boshi, nn’olukogo lwâge luyerekera emikolo yâge.

Ennanga 51:1

Gwârhi omukulu w’abimbiza. Lulanga. Lwa Daudi.

Ennanga 86:15

Cabâ wêhe, Nyamwagirwa, we Nyamuzinda w’obwonjo n’olukogo, we Nn’obwinjà bwoshi, orhalubiraho orhanarhebana.

Ennanga 86:5

Na bulya Yâgirwa we mwinjà, we n’olukogo lushundwakwo; onaluzize obwonjo oku ngasi boshi bakusengera.

Migani 12:10

Entagengwa ebà egendêrîre ebintu byâyo, omurhima gw’enkola-maligo gôhe gubâ mumînya.

Izaya 47:6

Nali nkunirîre olubaga lwâni, naleka bahemula akashambala kâni, nakulikiraga. Wêhe orhabafaga lukogo, ciru n’abashosi wabavondamya n’omuzigo gwâwe!

Izaya 55:7

Omubî aleke okwâge, na nyankola-maligo akabulire enkengêro zâge, agaluke emwa Nyakasane, naye amubabalira, agaluke emwa Nyamuzinda wîrhu, bulya abà wa bwonjo bunji.

Yeremiya 39:17

“Nâkuciza olwo lusiku, kanwa ka Nyakasane, orhanagwe omu nfune z’abantu bakugezizemwo omusisi”,

Ndûlù 3:22

Olukogo lwa Nyakasane lurhacîkwa, obuzigire bwâge burhaheka.

Daniyeli 9:9

Kuli we yâgirwa Nyakasane obwonjo n’olukogo ebwa kubà rhwakugomîre.

Yônà 4:2

Anaciyâkûza, erhi: «Ntarhenga omu iderhero, waliha! K’arhali birya naderhaga erhi nciri omu cihugo cîrhu ebi! Co cànarhumaga ncîlibirhira kuhika e Tarsisi, bulya nalinyôsire mmanyire oku we Nyamuzinda w’obwonjo n’ow’olukogo, orharukûza, we mugale mwimâna, Orhakwîrirwa bubî.

Mikeyo 7:18

Ndi wundi Nyamuzinda akâwe, obabalira amabî, ozaza ecâha, orhabika bukunizi ensiku n’amango ci okunda okufà bwonjo n’okubabalira?

Mikeyo 7:19

Kandi oshubirhufa bwonjo, olabarhe amabî gîrhu, ebyâha bîrhu byoshi obikwêbe emuhengere.

Zakariya 1:15

“cikwône oburhè bunene bungwêrhe erhi mashanja g’obucîbone garhuma. Bulya amango oburhè bwâni bwaciri busungunu kuli Israheli, gohe gashangîra oku kumusherêza”.

Yowane 12:27

Bunôla omurhima gwâni gwamâfuduka. Ku­erhi naderhaga? Larha, oncize kuli aga mango. Càbà co carhumaga mpika muli aga mango.

Bafilipi 1:23

Ntabwîni ciguma nalondôla muli ebyo bibiri: ncîfinjire okucîgendera nj’ibêra na Kristu, kwo kwankanabire kwinjà kulusha.

1 Samweli 13:6

Erhi abantu b’Israheli babona oku ntaho bacîfunyûkira bulya bali erhi bagosirwe enyunda zoshi, barhondêra okucîfulika baguma omu nyâla, abandi omu malumba, abandi omu mabuye, abandi omu nyenga n’abandi omu mîna y’okulega amîshi, abandi omu mahwa.