2 Samweli 23:5 - BIBLIYA NTAGATIFU OMU MASHI

⁵ Nêci, enyumpa yâni edêkerîre omu masù ga Nyamuzinda. Bulya ampîre endagâno yâge y’ensiku n’amango, eri nungêdu enalanzirwe bwinjà; k’arhali ye mêza obucire bwâni n’oburhabâle bwâge?

2 Samweli 23:5 ပူးပေါင်းရင်းမြစ်များ

Murhondêro 9:16

Mango omuherho gukabà guli omu citù, nanagubona, nankengêre erya ndagâno y’ensiku n’amango eri ekarhî ka Nyamuzinda n’ebiyîsa omûka byoshi, rhuderhe ngasi mubiri gubà oku igulu».

2 Samweli 12:10

“Kurhenga ene engôrho erhakacileka enyumpa yâwe, bulya wangayaguzize, na bulya wayansire mukà Uriya w’e Hiti wamujira mukâwe”.

2 Samweli 13:14

Cikwône Amnoni arhalonzagya okumuyumva, amusêgereza, amuhima misî, amuyanka.

2 Samweli 13:28

Absalomu akomêreza abambali, erhi: «Mulange bwinjà! Hano Amnoni ajamwo orukara, muyumva namubwîra, nti: “Torhagi Amnoni, munamuyîrhe, murhayôbohaga. Kali niene mmubwizireko? Munakujire buzira bwôba, muyêrekane oburhwâli bwinyu”».

2 Samweli 18:14

Yowabu anacishuza erhi: «Ntalonza ombonêse nshonyi ntyôla.» Anaciyanka matumu asharhu agagwîka omu murhima gwa Absalomu, erhi Absalomu anacizîne ci ahangarhanyire mulya murhi.

2 Samweli 7:12

“Mango ensiku zâwe zaheka, na hano oshanga bashakulûza bâwe ekuzimu obûko bwâwe nabuhêka enyanya, n’obwâmi bwâwe nabuyîmika bwinjà, omwâna w’enda yâwe mutugike omu bwâmi bwâge”.

2 Samweli 7:18

Daudi anaj’ishenga Nyamubâho, anaciderha, erhi: «Yâgirwa niono ndigi muntu muci, n’omulala gwâni guligi muci obôla wandaganya okungana aha.

1 Bâm 1:5

Lêro Adoniyasi, mugala wa Hagiti erhi obucîbone bubà bwamamujamwo, akaderha, erhi: «Nie nâbè mwâmi». Anacilonza engâlè n’ebiterusi, na bantu makumi arhanu birongôzi byâge.

1 Bâm 11:38

Okayumva oku nayîsh’ikurhegeka kwoshi okashimba enjira zâni, okakajira ebishingânîne omu masù gâni, omu kushimba amarhegeko n’obulonza bwâni aka mwambali wâni Daudi, lyoki nayîsh’iyôrha nâwe, nanyîsh’ikuyûbakira enyumpa nkomokomo nka kulya nayiyûbakiraga Daudi. Nayîsh’ikuhà Israheli.

1 Bâm 12:14

Abashuza omu kushimba lirya ihano ly’abâna b’emisole erhi: «Larha al’izidohize omushigo gwinyu, nâni nayûshûla obuzirho bwâgo, larha akazâg’ibahanûla n’eminyuli niono namuhanûla n’ebyûma by’endobo.»

Ennanga 111:9

Arhumira olubaga lwâge owalucungula, àjizire endagâno yâge ebè ya nsiku n’amango, izîno lyâge liri limâna liri na lya kukengwa.

Ennanga 119:81

Omurhima gwâni guyûmîrîre gwalinga oburhabâle bwâwe, akanwa kâwe ko ncîkubagîre.

Ennanga 27:4

Kantu kaguma konene nsengîre Nnawîrhu, kanali k’aka: nti mbêre nâni omu bwâmi bwa Nyakasane ensiku zoshi z’obuzîne bwâni, lyo ncîshingira oburhonyi bwa Nyakasane, ndole n’oku ndâro yâge.

Ennanga 62:2

Okurhûla kw’omurhima gwâni anali muli Nnâmahanga mwône okucira kwâni erhi ye.

Ennanga 89:3

Wadesire bulya, erhi: «Olukogo lwâni luli luyimânike ensiku n’amango», nêci wayimânisire oburhabêsha bwâwe emalunga.

Izaya 11:1

Ihaji lyarhenga oku cikundukundu ca Yese, ishami limerêra lyamera oku mizî yâge,

Izaya 27:6

Omu nsiku zâyisha, Yakôbo amerakwo emizl, Israheli ayâsa obwâso anajekwo amashami. anayunjuze igulu malehe gâge.

Izaya 4:2

Olwo lusiku, emburho Nyakasane ameza yâbà bukuze n’irenge, n’e­myâka yayêra omu cihugo yâbà mulimbo na bulangashane bw’amâhûngà gasigîre omu Israheli.

Izaya 54:10

Nêci, ciru entondo zakâcîyêgûla n’orhurhondo rhudundagane, obuzigire bwâni ntà mango bwankakulîkirira, n’endagâno yâni y’omurhûla ntà mango yankadundagana, kwo adesire Nyakasane okuli lukogo.

Izaya 55:3

Murhege okurhwiri munayishe emunda ndi; muyumvîrhize lyo mubona akalamo! Nafundika endagâno y’ensiku n’amango haguma ninyu, yo mihigo erhakahingûlwa nalaganyagya Daudi.

Izaya 61:8

Nêci, nie ono Nyakasane, bushinganyanya ntonya, ci ntakwîrirwa obushambo n’obulyâlya. Nkola nâbahà empyûlo y’okunali, nnanjire rhweshi nabo endagâno y’ensiku n’amango.

Izaya 7:14

Nyakasane yêne akolaga ammuhà ecimanyîso. Alagîco: Omwâna-nyere mubikira amâbà izîmi, amâburha omugala, amânamuyîrika izîno lya Emanûweli.

Yeremiya 32:40

“Nashubisêza rhweshi nabo amalaganyo garhakahwa, nâbashimbulira, njè nabahugûla, bakazirhînya enjira mbî, bakulikîre ezâni nâbayêreka”.

Yeremiya 33:21

lyo n’amalaganyo gâni na Daudi gahwa, lyo hânabule n’owayîma oku ntebe yâge, obwôla lyo n’amalaganyo najizire na bene Levi gahwa, lyo habulike abadâhwa bakazirhûla e­nterekêro omu maboko gâni.

Ezekiyeli 37:26

Nâjira endagâno y’omurhûla rhweshi nabo, yâbà ndagâno y’ensiku n’amango nâbadêkereza nambaluze, nampire endâro yâni ekarhî kâbo ensiku zoshi.

Amosi 9:11

«Mw’olwo lusiku, nazimbôla enyumpa y’omushambûkiza ya Daudi, nâfukâza emirhule, nârhenza ebigûkà.

Ebijiro 13:34

Nêci, àmufûsize omu bafù na ntâko ankacishub’ibola. Ali erhi akudesire, erhi: Nammuhè enshôkano ntagatîfu nalaganyagya Daudi omu ndagâno erhankahemuka.

Bahabraniya 13:20

Nyamuzinda w’omurhûla, wafûlaga omu bafù Nnawîrhu Yezu, ye Lungere mukulu w’ebibuzi, erhi nterekêro y’omukò gwâge gw’endagâno y’ensiku n’amango erhuma,

Bahabraniya 6:19

Obwo bulangâlire rhubugwêrhe nka mutungo gutunga omurhima gwîrhu; mutungo gw’okunali na muzibu guhika omu lusîka.

1 Samweli 2:35

“Nayîmika omudâhwa mwemêzi, owakakola nk’oku omurhima gwâni gukunda, na nk’oku muzigira, namuyubakira enyumpa erhakahuligana, naye yênene, akashokolera omushîgwa wâni”.

1 Samweli 25:28

“Obabalire, nkusengîre yâgirwa obubî bwa mwambalikazi wâwe, bulya okuli, Nyamubâho atugikiza buzibu enyumpa ya Nnawîrhu. Bulya nnawîrhu ali oku matabâro ga Nyamubâho na ntà bubî babona buli muli we omu nsiku zâwe”.