2 Samweli 21:3 - BIBLIYA NTAGATIFU OMU MASHI

³ Daudi anacibwîra abôla bantu b’e Gabaoni erhi: «Bici nankamujirira na bici nankamuhongera lyo rhukûla ogûla mutuko, omu kashambala ka Lungwè?»

2 Samweli 21:3 ပူးပေါင်းရင်းမြစ်များ

2 Samweli 20:19

“Woyo walonza okusherêza omurhundu guli nka muzîre w’omu Israheli. Carhuma walonza okushâba olugo lwa Nyamubâho?”» Yowabu ashuza erhi: «Nanga, nanga, enkengêro za mwene ezôla zije kuli kwâni».

Lubungo 32:30

Lêro erhi buca. Mûsa abwîra olubaga, erhi: «Mwajizire ecâha cinene, ci nkolaga narheremera emunda Nyakasane ali kwankanabà nashobôla obwonjo kw’eco câha cinyu!»

Ben Levi 1:4

Kandi analambûlira okuboko kwâge oku irhwe ly’eyo mpanzi y’okusingônolwa, ebà yamayankirirwa agal’iyêmêrerwa okuyobôlwa.

Yônà 1:11

Bàmudôsa, mpu: «Kurhi rhwakujiraga obwo lyo eyi nyanja erhûla?» Bulya amîshi gàlikola gali gayimukanana kulusha.

Bahabraniya 9:22

Kali ciru Amarhegeko garhegesire hôfi ngasi kantu kashukûlwe n’omukò, na buzira kubulaga omukò, ntà kubabalirwa.

1 Samweli 2:25

“Erhi omuntu ankahemukira owâbo, Lungwè yênene wankabatwîra olubanja, ci erhi ankahemukira Nyamubâho yênene, indi wankamulagira?”» Ci kwônene barhayumvîrhizagya izù ly’Îshe, bulya Lungwè alihizire oku abarhumira ababayîrha.

1 Samweli 26:19

Yâgirwa, mwâmi nnawîrhu, okalonza oyumvagye bunôla ebinwa bya mwambali wâwe: Akabà Nyamubâho okunsunisirekwo, nêci ayankirire e enterekêro y’obuhumule bwinjà. Ci akabà bantu bakunsunikirekwo, mâshi bakahehêrerwa na Nyamubâho obûla bajà bampivulula mpu bamperêrekeze omu kashambala ka Nyamubâho ebwa kuderha mpu ogende ojilolera banyamuzinda b’ahandi.