2 Samweli 20:19 - BIBLIYA NTAGATIFU OMU MASHI

¹⁹ “Woyo walonza okusherêza omurhundu guli nka muzîre w’omu Israheli. Carhuma walonza okushâba olugo lwa Nyamubâho?”» Yowabu ashuza erhi: «Nanga, nanga, enkengêro za mwene ezôla zije kuli kwâni».

2 Samweli 20:19 ပူးပေါင်းရင်းမြစ်များ

Murhondêro 18:23

Abrahamu ayegêra, aderha, erhi: «Kàli onakolaga waherêrekeza omushinganyanya haguma n’enkola-maligo?

2 Samweli 14:16

“Nêci nnakuno ayumve okwôla, lyo alîkûza mwambalikazi wâge omu maboko g’abantu balonza okurhukûla nie na mugala wâni omu kashambala k’abâna ba Nyamuzinda”.

2 Samweli 17:16

Kusiga murhumage buno buno entumwa emwa Daudi ecimubwîra erhi: Orhacumbikaga omw’irungu obudufu bw’ene ci oyikire erhi kwo lyo mwâmi n’abambali bale­k’iherêrekera.»

2 Samweli 20:18

Olya mukazi anacimubwîra, erhi: «Obwâli burhanzi bakazâg’iderha mpu: “Orhangigend’idôsa embuko ya Abeli na Dani erhi enkômedu y’olubaga lw’Israheli yahwîre”.

2 Samweli 20:20

«Ntâl’ishâba ntanali sherêza. Okwôla ntakulikwo.

2 Samweli 21:3

Daudi anacibwîra abôla bantu b’e Gabaoni erhi: «Bici nankamujirira na bici nankamuhongera lyo rhukûla ogûla mutuko, omu kashambala ka Lungwè?»

1 Bâm 8:53

Bulya wêne walushomôrholaga ekarhî k’agandi mashanja mpu lubè lubaga lwâwe, mpu lubè birugu byâwe nka kulya wêne wanaderhaga omu kanwa ka mwambali wâwe Mûsa galya mango wakulaga ba larha e Mîsiri, Yâgirwa Nyakasane.

Ennanga 106:5

Lyo nyumva nâni omwîshingo gw’enshâgi zâwe, nshagaluke n’enshagadu y’olubaga lwâwe, nnancîtakîre haguma n’omwîmo gwâwe.

Ennanga 124:3

singa bàrhumizire bagumagumà. Bulyâla bayisha barhudwîrhekwo omutula,

Ennanga 33:12

Ishanja lishizire Nyamuzinda liri ly’iragi, lwo lulya lubaga yêne acîshogaga mpu lubè lwâge lwa mwîmo.

Ennanga 78:71

Amuhamagala erhi ayisha atunda ba-lubuzè, amuhamagala mpu ayâbule Yakôbo, lwo lubaga lwago, na Israheli, gwo mwîmo gwâge.

Yeremiya 51:34

Nabukondonozori mwâmi w’e Babiloni ammirangusize anyûsa, ansiga mûmu nka nambi erhalikwo ciru bisigaliza. Ammirangusa nka njo­ka, àbumba enda yâge embere ànkabulire.

Yeremiya 51:44

Nyakasane amanyîsize, erhi: «Namâhana Beli, nyamuzinda w’e Babî­loni; namushaza ngasi byoshi adwîrhe amirangusa. Amashanja gahusa okukazija emwâge? Ecôgo ca Babiloni cahongosire.

Ndûlù 2:16

Abashombanyi bâwe boshi badwîrhe bakushanyangulira, bakugurhe amîno baderhe, mpu: «Rhwamâmuherêrekeza! Lwo lulya lusiku rhwakagicîfinja kurhenga mîra olu. Lwahisirage lêro nîrhu, rhwalubwînagel»

Ndûlù 2:2

Nyakasane amirangusize omwîmo gwa Yakôbo gwoshi buzira lukogo. Omu bukunizi bwâge, anahongwîre ebishagala bizibubizibu bya Yûda byoshi, obwâmi n’ababurhegeka boshi ahemwîre, abirhimba oku idaho.

Ndûlù 2:5

Nyakasane anacîjizire nka mushombanyi wîrhu, amirangusize Israheli oku caligumiza haguma n’enyumpa zâge nyinjinjà zoshi, ebyôgo byâge abihebire oku idaho, ajà alumîza oburhè hoshi hoshi omu lubaga lw’e Yûda.

Mibalè 16:32

idaho lyayashamya akanwa kalyo, lyanacibamirangusa n’emilala yâbo, kuguma na bene Korè boshi n’ebintu byâbo byoshi.

Mibalè 26:10

Obudaka bwanaciyashama bwabamirangusa (na Korè, galya mango omurhwe gwâge gwafaga, go mango omuliro gwamiragusagya bantu magana abirhi na makumi arhanu. Babà lwîganyo oku bandi.

1 Bakorinti 15:54

Ci amango ogu mubiri gubola gwabà gwamâyambala obuhashe bw’okurhabola n’ogu mubiri gufà guyambala obuhashe bw’okurhafà, ly’olu luderho lw’Amandiko lwayunjula: Olufù lwahimirwe, lwamirwa n’irenge.

2 Bakorinti 5:4

Nêci, oku rhunaciri mw’eci cihando, erhi omu mulenge rhunali n’omu malibuko; kulya kubà rhurhalonza okuhogolwa ogwo mwambalo, ci rhuguyambalîre oku nyanya y’ogundi, mpu omubiri gwîrhu gw’olufù guhinduke buzîne.

Lushika 20:10

Amango wamayegera olugo mpu olurhêre, onarhangilurhega omurhûla.

Lushika 32:9

Nyamubâho yêhe, ogwâge mwanya, lunali olubaga lwâge, na Yakôbo co câge cigabi.

1 Timoteyo 2:2

abâmi n’abarhegesi boshi, lyo rhubona akalamo k’omurhûla buzira kavulindi, omu bukombêdu n’omu bugula.

Bacîranuzi 5:7

Omu Israheli erhi ntà barhambo, ntâye ciru n’omuguma, kuhika nayîma niono Debora, nayimanga nie nina w’Israheli.

1 Samweli 10:1

Samweli ayanka ecihakabiro c’amavurha, agadubulira Saulu okw’irhwe, amuhôbera amubwîra, erhi: «Ka Nyamubâho arhamakushîga mpu obè Mwâmi w’olubaga lwâge, Israheli? We wakaz’itwîra olubaga lwa Nyamubâho emmanja n’okulurhenza omu maboko g’abashombanyi bâlwo. Lolaga ecimanyîso Nyamubâho ayêrekinemwo oku akushizire mpu obè mwâmi w’olubaga lwâge.

1 Samweli 26:19

Yâgirwa, mwâmi nnawîrhu, okalonza oyumvagye bunôla ebinwa bya mwambali wâwe: Akabà Nyamubâho okunsunisirekwo, nêci ayankirire e enterekêro y’obuhumule bwinjà. Ci akabà bantu bakunsunikirekwo, mâshi bakahehêrerwa na Nyamubâho obûla bajà bampivulula mpu bamperêrekeze omu kashambala ka Nyamubâho ebwa kuderha mpu ogende ojilolera banyamuzinda b’ahandi.