2 Samweli 20:1 - BIBLIYA NTAGATIFU OMU MASHI

¹ Ahôla hali muntu muguma w’omurhima mumînya, izîno lyâge ye Sheba mwene Bikiri w’omu bûko bwa Benyamini, anacibûha omushekera ahamagaza erhi: «Ntà bushangire rhwankabà na Daudi, ntâbyo rhushangîra na mwene Yese. Ngasi muguma abêre omu mwâge, bene Israheli weee!»

2 Samweli 20:1 ပူးပေါင်းရင်းမြစ်များ

Murhondêro 46:21

Bene Benyamini: Bela, Bekeri, Asibeli, Gera, Naamani, Ekî, Roshi, Mupimi, Hupimu na Aredi.

2 Samweli 15:10

Absalomu arhuma entumwa omu mashanja goshi ga bene Israheli mpu aj’ibwîra abantu mpu: «Mango mukâyumva omushekera gwabûhwa munakaderha mpu Absalomu amâyîma mwâmi aha Hebroni».

2 Samweli 16:11

Daudi anacibwîra Abishayi n’abandi bambali boshi, erhi: «Ka murhabwîni oku omwâna niene naburhaga oyûla wampivulula mpu anyîrhe; kw’oyôla akujire, oyûla mwene Benyamini akuleke? Leki ye ampeherere bulya Nyamubâho ho wamurhumaga.

2 Samweli 16:7

Agôla mango Shimeyi akazâg’ibanda amabuye nahehêrera, akaderha erhi: «Rhenga kunôla, rhenga kunôla wâni mwîsi w’abantu!

2 Samweli 18:17

Bayanka Absalomu bamukwêba omu mwîna munene omu muzirhu, banamulundikakwo ecirundo cinene c’amabuye. Nabo bene Israheli bakûla omulindi bayâkira ngasi muguma omu mwâge.

2 Samweli 20:2

Bene Israheli boshi bacîyegûla kuli Daudi banacishimbira Sheba mwene Bikiri. Ci bene Yûda bôhe banacisêra kuli mwâmi wâbo kurhenga oku Yordani kuhika aha Yeruzalemu.

2 Samweli 20:22

Olya mukazi aj’irhondêreza olubaga birya binwa binjà, banacitwa irhwe lya Sheba mwene Bikiri, balikweba Yowabu. Naye abûha omushekera, bacîyegûla kuli lulya lugo ngasi muguma ashubira aha mwâge. Yowabu naye ashubira e Yeruzalemu emunda mwâmi ali.

2 Samweli 23:6

Abantu b’encuku, bo bene Beliali kwo bali boshi nka mishûgi mikabulire erhashamarhwa na nfune.

1 Bâm 12:16

Erhi Israheli yêshi abona oku mwâmi arhamuyumvirhi, olubaga lwanacishuza mwâmi muli ebi binwa: Bici rhufânwa na Daudi? Ntâbyo rhushangîra rhwe na mwene Yese. Bene Israheli, shubiri omu mahêma ginyu! Daudi buno wêne okazâg’ilanga enyumpa yâwe!

1 Bâm 21:10

“Embere zâge muhebeyo bantu babirhi bayish’ihamîriza baderhe, mpu: Wajâcîre Nyamuzinda na mwâmi! Buzinda bw’aho, mwanamulêrha emuhanda, mumubande amabuye, afè!”»

2 Nganîro 10:16

Erhi Israheli yêshi abona oku mwâmi arhayumvîrhi, olubaga lwanacishuza mwâmi muli ebîra binwa mpu: «Bici rhufânwa na Daudi? Ntâbyo rhushangîra rhweshi na mwene Yese Owa omu mwâge Israheli! Bunôla wênene okazâgilanga enyumpa yâwe, Daudi!» Israheli acîshubirira omu mwâge.

2 Nganîro 10:6

Mwâmi Roboami anacidôsa ihano emwa abashosi bayôrhaga babà boshi n’îshe Salomoni, amango anacirimwo omûka, abadôsa erhi: «Bici mumpanwire nayishishuza olûla lugaba?»

Ennanga 17:13

Baduka Nyakasane, omujeyo, omushûrhe oku idaho; n’engôrho yâwe olîkûze obuzîne bwâni omu maboko g’Omuhera.

Ennanga 34:19

Nyakasane arhabà kuli n’emirhima eri burhè, emirhima ecîyunjuzize yo acungula.

Migani 25:8

orhabihêkaga duba-duba aha kagombe, bulya kurhi okolaga wajira obwo, erhi owinyu ankakuyâgîriza?

Migani 26:21

Omuntu mukunizi kw’azûsa akadali kulîra, amakala gazûsa omuliro, kulîra bahira enshâli oku cîko.

Marko 3:24

Erhi obwâmi bwankacigomera bwônene, obwo bwâmi burhankaciyimanga.

Luka 19:14

Ci abashi bâge erhi bamushomba; bamukulikiza entumwa zaj’iderha, mpu: «Rhurhalonza rhumushige».

Luka 19:27

Nabo abashombanyi bâni bàlahiraga mpu ntabè nnawâbo, mubandêrhere, munabanigire omu malanga gâni».

Yowane 13:8

Petro, erhi: «Nanga, ntà mango wankanshuka amagulu!» Yezu amushuza, erhi: «Nkaba ntakushusiri, orhakacishangîra nâni».

Lushika 13:13

“Erhi wakayumva baderha mpu murhundu muguma mw’erya Nyamubâho, Nyamuzinda wâwe àkuhâga mpu obêremo”,

Bacîranuzi 19:22

Erhi babà bakola badwîrhe basîmîsa omurhima gwâbo, alà oku abalume b’omu lugo, bene Beliali, bagorha erya nyumpa, babasa olumvi, banacibwîra olya mushosi, ye wali nn’enyumpa, mpu: «Hulusa olya muntu wajâga hano i mwâwe, nîrhu rhumumanye.»

Bacîranuzi 3:27

Oku anahika ntya, ayirukira abûha omushekera mulya ntondo y’Efrayimu. Bene Israheli bayandagala naye kulya ntondo, yêne abalongolana.

RUTI 2:3

Olya mukazi akanya ajà akundêza omu ishwa liguma enyuma z’abasârûzi. Ci oku iragi linjà, ishwa arhindagamwo lyàli lya Bwozi, w’omu mulala gwa Elimeleki.

1 Samweli 13:2

Saulu anacicîshoga bantu bihumbi bisharhu omu bene Israheli: Bihumbi bibirhi byakazagibêra boshi naye aha Mikimasi n’oku ntondo ya Beteli, n’abandi ba cihumbi bàbâga boshi na Yonatani aha Gibeya emwa bene Benyamini. Abandi basigalaga omu lubaga abarhuma ngasi baguma omu mwabâbwè.

1 Samweli 2:12

Bene Eli byàli byâbi, birhakengaga Nyakasane.

1 Samweli 30:22

Abantu bali bagwêrhe omurhima mubî guli nka gwa bene Beliyali, muli balya banali bagenzire boshi naye bajà omu kanwa baderha mpu: «Bulya barhali haguma nîrhu, rhurhabahè akantu muli ebîra bîntu rhwamarhêsa; okuleka ngasi muguma na mukâge n’abâna bâge. Babarhôle bagende».