2 Samweli 19:27 - BIBLIYA NTAGATIFU OMU MASHI

²⁷ Anacishuza, erhi: «Yâgirwa mwâmi, Nnawîrhu, mwambali wâwe wantebire bulya mwambali wâwe ali amalahira, erhi: Nkola nagend’ishanira endogomi yâni nanyishonerekwo ngende nshimbe mwâmi bulya mwambali wâwe ali cirema.

2 Samweli 19:27 ပူးပေါင်းရင်းမြစ်များ

2 Samweli 14:17

“Mwambalikazi wâwe anaciderha, erhi: Akanwa ka nnakuno kandêrhere nâni mâshi omurhûla bulya Yâgirwa, mwâmi kw’ali nka malahika wa Lungwè: oyumva aminjà n’amabî. Nyamubâho Nyamuzinda wâwe abè haguma nâwe.”»

2 Samweli 14:20

Nêci nnakuno agwêrhe oburhondekezi buli nka obwa malahika wa Nyakasane omu kumanya ebigera hano igulu lyoshi.»

2 Samweli 16:3

Mwâmi anacidôsa, erhi: «Ngahi mwene winyu ali?» Siba anacishuza, erhi: «Lolà anasigire e Yeruzalemu bulya amâderha erhi: Ene enyumpa y’I­ sraheli yampa obwâmi bwa larha.»

2 Samweli 16:4

Mwâmi anacibwîra Siba, erhi: «Namakoma akagasha waliha, nâni nkaziyôrha nashobôla emwâwe, yâgirwa».

2 Samweli 19:17

Shimeyi mugala wa Gera, munya-Benyamini w’e Bahurimi, akanya ayandagala naye haguma na bene Yûda mpu agend’iyankirira mwâmi Daudi.

2 Samweli 9:13

Mefibali ali ayûbasire aha Yeruzalemu akazâg’ilira oku cîbo ca mwâmi anali alemire amagulu gombi.

2 Samweli 9:3

Mwâmi amudôsa, erhi: «Ka ntà muntu wasigîre w’omu mulala gwa Saulu nkamuyêreka aminjà gali nka aga Nyamubâho». Siba anacishuza mwâmi erhi: «Hacisigîre mwene Yônatani, mwâna walemire amagulu gombi.»

Ennanga 101:5

Omuntu wâshobeke owâbo bwifulikwè, nnamuheze, omuntu ocîbona, n’ogayana ntabakwîrirwa.

Ennanga 15:3

Orhagamba ndi omu lulimi lwâge, Orhajirira wâbo kubî, arhanajacira mulungu wâge.

Lubungo 20:16

Orhahîraga okahamiririza mulungu wâwe obunywesi.

Yeremiya 9:4

Abantu badwîrhe barhebana, barhaderha oku biri bakômerîze olulimi lwâbo okubêsha, bakômerîre amaligo, barhankacigokôla.

1 Samweli 29:9

Akishi ashuza, anabwîra Daudi, erhi: «Oyishi oku omu masù gâni oli mwinjà nka malahika wa Nyamuzinda. Ci kwônene abarhambo b’Abafilistini balahire mpu orhankasôkera oku matabâro haguma nîrhu.