2 Samweli 18:19 - BIBLIYA NTAGATIFU OMU MASHI

¹⁹ Ahimasi mugala wa Sadoki aderha erhi: «Nkola nalibirha ngend’ibwîra mwâmi ogu mwanzi mwinjà oku Nyamubâho anamukuzize omu bashombanyi bâge».

2 Samweli 18:19 ပူးပေါင်းရင်းမြစ်များ

2 Samweli 15:27

Mwâmi ashub’ibwîra omudâhwa Sadoki, erhi: «Yâga, we na Abiyatari, shubiri omu lugo n’omurhûla, mwe­ shi na mugala wâwe Ahimasi na Yehonatani mugala wa Abiyatari, mugaluke mweshi na bala bâna bâwe eku banali babirhi.

2 Samweli 15:36

“Lolà ciru okubali eyo na bagala bâbo, Ahimasi mugala wa Sadoki na Yehonatani mugala wa Abiyatari. Mujire abâla bâna bakampisakwo nâni emyanzi munayumvîrhe.”»

2 Samweli 17:17

Yehonatani na Ahimasi bali balangûza ah’iriba lya Fuloni. Mujàkazi muguma akaz’ibalerhera emyanzi, nabo banayihisakwo Daudi bulya barhankacîyêrekîne bakola bajà omu lugo.

2 Samweli 18:20

Yowabu ashuza erhi: «Arhali we wagend’ij’imanyîsa omwanzi mwinjà ene; wacigumanyisa agandi mango, ci ene ntà mwanzi mwinjà wakamanyisa bulya mwene mwâmi anafîre».

2 Samweli 18:23

Ahimasi ashubiriza aderha, erhi: «Oku byakaba bikube ci ndibisire.» Naye erhi: «Libirhaga.» Ahimasi akula omulindi, atwikanya omu njira y’omu kabanda, arhaluka olya muntu w’e Kushi.

2 Samweli 18:31

Muli akôla kasanzi, olya munya-Kushi anaciyisha naye. Aderha, erhi: «Yâgirwa Nnakuno Nnâhamwîrhu oyumve guno mwanzi: Ene Nyamubâho anayêrekîne obushinganyanya kuli we emwa balya boshi balibakola bakuhizirekwo amatumu.»

Ennanga 10:14

Wêne obwîne, walolêrîze amalibuko n’emirenge, mpu ohiyankirire omu nfune zâwe, omukenyi we acîkubagira, we lwâkiro lw’enfûzi.

Ennanga 10:18

Mpu lyo otwîra enfûzi n’odwîrhe arhindibuzibwa olubanja, lyo n’omuntu warhengaga omu bidaka alekikâlibuza abandi n’ebihamba.

Ennanga 7:6

Akabà najizire ntyo, omwanzi anyandukekwo anangwanyanye, andabarhe n’obûla bwâni anabushandâze omu budaka!

Ennanga 9:16

Amashanja g’abapagani garhogîre omu nyenga bàhumbaga, omurhego bàrhegaga okugulu kwâbo kwagwârhwamwo.

Ennanga 9:4

Bulya abashombanyi bâni bayâsire, bashubira nyuma, bajâjâbire banahungumuka embere zâwe.

Yeremiya 51:31

Entumwa zajà zabugânana, zikûzire omulindi zâgendibwîra mwâmi, w’e Babiloni oku ecihugo cagwâsirwe empande zoshi,

Barom 12:19

Murhakâg’icihôla mwenene, bîra bâni, ci muleke obukunizi bwa Nyamuzinda bwône buyish’icihôla, bulya kuyandisirwe, mpu: Okucîhôla kuli kwâni! Niene nayîsh’ilyûla ngasi muntu nk’oku akwânîne. Nyakasane okudesire.