2 Samweli 14:14 - BIBLIYA NTAGATIFU OMU MASHI

¹⁴ Ntâye orhakafà, omuntu kwo ayôrha nka kula babulagira amîshi oku idaho barhanacigarhôle. Nyamuzinda arhazûsa owafîre: Yâgirwa oyêmêrere oyo mukagwa Absalomu arhenge eyo munda abâ, agaluke hano mwâwe.»

2 Samweli 14:14 ပူးပေါင်းရင်းမြစ်များ

2 Samweli 11:25

Ago mango Daudi abwîra erya ntumwa, erhi: «Yumvagya oku wayîsh’ibwîra Yowabu: “Mpu omanye okwo kurhakufudusagya. Oku matabâro, engôrho eyôrha ekuba baguma na baguma olunda n’olundi. Ocîhangâne, olwîse olwo lugo, onaluherêrekeze. Ntyo wanamujira bushiru”».

2 Samweli 14:15

«Akabà nyishire bunôla nd’ibwîra mwâmi nnâhamwîrhu ebyôla binwa; kunali kubà bulya olubaga lwageziremwo omusisi. Mwambalikazi wâwe anaciderha erhi: Nkola najibwîra nnakuno okûla nkaba hali amango ankajira oku mwambalikazi wâge amubwîra.

1 Bâm 11:39

Obûko bwa Daudi nabubonêsa nshonyi erhi okwo kurhuma cikwône kurhabè kwa ensiku zoshi.»

Ayubu 14:14

Omuntu nk’amâfà, k’ankacishubilama? Omu nsiku zâni zoshi nakola, erhi nandwîrhe nâlingûza kuhika ba ntenze.

Ayubu 30:23

Nêci mmanyire oku okola onyêrekîze ebwa lufù, era munda abantu boshi bashimânana.

Ayubu 34:15

Ngasi ciremwa coshi cànkahubire, n’omuntu ashubire omu katulo.

Ayubu 34:19

Arhishi baluzi, arhanajira kabôlo ekarhî k’omugaraganda n’entagengwa, bulya boshi buli bulenga bw’enfune zâge.

Ennanga 22:14

Zidwîrhe zanyânira emalanga, nka ntale yatula yanabinja mpu ndîbwe.

Ennanga 22:15

Namâbulajika nka mîshi, namâjonjolekana orhuvuha. Omurhima gwâni gwamâjonga nka nsinde, gwamâhirigirha omu nda.

Ennanga 58:7

Nnâmahanga mâshi, ohungumule eyo mihera amîno gayiri ekanwa, oshangule ebijigo by’ezo mpangaza, mâshi Nyakasane.

Ennanga 77:8

Nti: «Nyamuzinda kàli warhulekêrîrage obwo? Orhakanacirhubabalira bundi?

Ennanga 79:3

Omukò gwâbo gwabulagîrwe nka mîshi oku burhambi bwa Yeruzalemu, lêrhaga ciru omuntu wankababisha.

Ennanga 90:10

Emyâka yîrhu yoshi haguma, gali makumi gali nda, na nk’omuntu alamirage bwenêne, gali makumi galimunani, ciru minji muli yo ganali malibuko n’obulagîrire, bulya kano kanya erhi yamâgera, kano kanya erhi kamâkala.

Ennanga 90:3

We rhegeka abantu mpu bashubire omu budaka, mpu: «Galuki mwe muburhwa n’abantu mwe.»

Lubungo 21:13

Ci erhi akabà arhâli alâlîre okumuyîrha, bulya Nyamuzinda walilonzize okumuhira omu maboko gâge, nanamuyêreka aha akwânîne okuyâkira.

Muhanûzi 9:5

Abazîne bamanyire ciru oku kufâ bafâ, abafîre bôhe barhamanyiri cici; barhacigwêrhi luhembo, bulyâla ntâye ocibakengîre.

Ndûlù 3:31

Bulya Nyakasane arhabà wa kukabulira omuntu omu nsiku zoshi.

Ezekiyeli 18:23

Ka nâkasima omubî âfè, -kwo adesire Nyakasane Nyamubâho, kali nsîma aleke olugendo lwâge lubî, alame?

Ben Levi 26:40

Lyoki bayish’ikacîyunjuza obubî bwa b’îshe wâbo n’obwabo bônene, muli okwo kungomera, ciru n’okucîhindula kuli nie

Mibalè 35:15

“Ezo ngo ndarhu zaba hantu ha kuyâkirwamwo kuli bene Israheli, oku muntu w’ecigolo n’oku ngasi wundi oyûbasire ekarhî kinyu, lyo ngasi muntu wanayisire owundi muntu buzira luhinzo ahashibona aha ayâkira”.

Mibalè 35:25

lwanafumya olya mwîsi kuli olya mwihôzi w’omukò, lwanamushubiza muli lulya lugo ashuba ayâkire; anabêra eyo kuhika aha kufà kw’omudâhwa mukulu, olya washîgagwa amavurha mimâna.

Mibalè 35:28

bulya omwîsi kukwânîne abêre omu lugo lw’okuyâkirwamwo, kuhik’aha kufà kw’omudâhwa mukulu. N’enyuma ly’okufà kw’omudâhwa mukulu, anahasha okushubira erya munda akashambala kâge kali.

Mateyo 22:16

Banacirhuma abaganda bâbo n’Abaherodi mpu bamubwîre, mpu: «Muyigîriza, rhuyishi oku oderha okuli n’oku enjira ya Nyamuzinda onayiyigîrize nka oku enali, orhanajira kabôlo kuli ndi, bulya orhalola ola ye ndi omu bantu.

Ebijiro 10:34

Okuhandi, Petro anacirhondêra okubabwîra erhi: «Nêci, kwo binali, lêro nabwînage oku Nyakasane arhajira kabôlo.

Barom 2:11

bulya Nyamuzinda arhajira kabôlo.

Lushika 10:17

Bulya Nyamubâho, Nyamuzinda wâwe ye Nyamuzinda wa banyamuzinda, ye Nyakasane wa banyakasane, ye Nyamuzinda olushire, Nyamuzinda muhimanyi na wa kurhînywa, arhajira kabôlo kuli ndi arhanalonza luhembo luci.

Bahabraniya 9:27

Na bulya abantu liguma lyône bafà, n’enyuma ly’aho batwîrwe olubanja,

1 Petro 1:17

Na kulya kubà oyu muderha mpu ye Sho arhajira kabôlo, ci anatwîre ngasi muntu nk’oku ebijiro byâge binashingânîne, muyôrhe murhînya amango muciri eno ihanga.