2 Samweli 12:13 - BIBLIYA NTAGATIFU OMU MASHI

¹³ Daudi abwîra Natani, erhi: «Najirîre Nyakasane ecâha!» Naye Natani abwîra Daudi, erhi: «Oku bwâge, Nyakasane akubabalire ecâha câwe, orhacife.

2 Samweli 12:13 ပူးပေါင်းရင်းမြစ်များ

Murhondêro 39:9

Yênene arhagwêrhi buhashe kundusha mw’eno nyumpa. Ntâco ampanzize kwo aha nyuma zâwe bulya oli mukâge. Kurhi nankajiraga obubî bungana aho n’okuhemukira Nyamuzinda?»

2 Samweli 24:10

Ci Daudi erhi abà amaganja abantu ntyôla, ayumva omurhima gwadûrha, anacibwîra Nyamubâho, erhi: «Najizire ecâha cinene mw’ebi bijiro. Ci Yâgirwa Nnâmahanga nkusengîre ombabalire obwo bubî bwâni bulya isirhe likulu lyandimwo.»

2 Samweli 24:17

Erhi Daudi abona oyôla malahika wajàga ayîrha abantu anacibwîra Nyakasane erhi: «Mâshi k’orhabwîni oku nie najirisize ecâha, nie najiraga agâla mabî ci abôla buli busô, bubî buci bajizire? Okuboko kwâwe kubâge nie kujakwo n’oku nyumpa yâni.»

1 Bâm 13:4

Erhi mwâmi ayumva akôla kanwa omuntu wa Nyakasane akazâg’ihamagaliza oluhêro lw’e Beteli, alambûla okuboko al’idekerize oku luhêro, anaciderha erhi: «Gwârhi ye!» Kulya kuboko amulambuliraga kwanaciyuma, ciru arhacihashaga okukushubiza emunda ali.

1 Bâm 21:20

Ahabu anacibwîra Eliya, erhi: «Nêci wamanangwâsagya bulya wâni mushombanyi wâni!» Eliya, erhi: «Namakugwasa bulya wacîguzize ene ojira okugalugalu embere za Nyakasane.

1 Bâm 22:8

Omwâmi w’Israheli anacishuza Yozafati erhi: «Haciri omuntu rhwankahash’idôsa ebya Nyakasane; cikwônene ntahimwa kumushomba bulya arhalêba bintu binjà kuli nie, ci ngasi mango bibî byônene. Ye Mikayehu, mugala wa Yimula». Yozafati anaciderha erhi: «Mwâmi amanye arhaderhaga ntyôla.»

2 Bâm 1:9

Anacirhuma emunda ali omurhambo w’abantu makumi arhanu haguma n’abantu bâge mpu bajè emunda Eliya alamire oku ntondo mpu bagendimubwîra mpu: «Wâni muntu wa Nyamuzinda, mwâmi adesire mpu oyandagale»!

1 Nganîro 21:8

Daudi abwîra Nyakasane, erhi: «Najizire ecâha cinene! Waliha, mâshi, obabalire mwambali wâwe eco câha, bulya najizire nka musirhe!»

2 Nganîro 16:10

Asa akunirira olya mulêbi, amuhira omu mpamikwa ebwa kubà ali agwêrhe oburhè bunene kuli ye erhi ebyôla binwa byâge birhuma. Na muli agôla mango Asa arhindibuza bantu baguma omu lubaga.

2 Nganîro 25:16

Oku acidwîrhe amudesa, Amaziyahu amushuza erhi: «Ka rhwakujizire muhanûzi wa mwâmi? Rhenga aha! Wankahuma bakuyîrha?» Olya mulêbi erhi akola agenda aderha erhi: «Manyire oku Nyamuzinda anarhozire omuhigo gwa okukuherêrekeza, kulya kubà wajizire kwa bene okwôla orhanayumvîrhe ihano lyâni.»

Ayubu 33:27

Omuntu anaj’ayîmba embere z’abandi bantu, erhi: «Nalinjizire okubî, nalimbuzire obushinganyanya, Yêhe arhangaluliraga nk’oku obubî bwâni bwalishingânîne».

Ennanga 103:12

Nka kulya ebushoshôkero eri kuli n’ebuzikiro, kwo Nnâmahanga ahirika kuli ebyâha bîrhu.

Ennanga 51:16

Ondîkûze oku buhane bw’omukò, Nyakasane Muyôkozi wâni, olulimi lwâni lukayimba oburhondekezi bwâwe.

Ennanga 51:4

Omu lukogo lwâwe lunji, ozâze ecâha câni.

Ennanga 51:6

Wêne nagomire, Nyamwagirwa, ebiri bibî omu masù gâwe nabijizire. Ntyo oli murhondekezi omu bucîranuzi bwâwe, oli mutwî w’emmanja mwimâna.

Lubungo 9:27

Faraoni mwâmi w’e Mîsiri ahamagala Mûsa na Aroni, ababwîra, erhi: «Lêro, nabwinage oku nabîhire; Nyakasane ye mushinganyanya, nie mubî rhwe n’olubaga lwâni.

Migani 25:12

Ehigondo hy’amasholo n’enjuma y’amasholo gacîre, kwo binali nka kanwa k’omurhimanya wakalihira okurhwiri kwayumva.

Migani 28:13

Omuntu ofulika amabî gâge kuyabirwa anayabirwa, ci omuntu ocîshobeka akanagaleka kubabalirwa anababalirwa,

Izaya 38:17

Alà oku amarhabi gâni gamâhinduka murhûla! We walanzire obuzîne bwâni bulêk’irhogera omu nyênga, erhi ojugucira ebyâha byâni byoshi enyuma z’omugongo gwâwe.

Izaya 43:24

Ntarhumaga waheza ebirugu byâwe omu kugula omugavu, orhananyîgusagya n’amashushi g’enterekêro zâwe. Ci nie wajizire mujà wâwe n’ebyâha byâwe, wanantamya n’amabî gâwe.

Izaya 44:22

Nazazize amabî gâwe nka lwikungu, n’ebyâha byâwe nka citù. Shubira emunda ndi, bulya nie nakuyôkolaga.

Ndûlù 3:32

Bulya ciru ankamubabaza, kurharhuma arhamubabalira omu lukogo lwâge lunene.

Ben Levi 20:10

Erhi omulume ankagona na mukà mulungu wâge, oyo mulume n’oyo mukazi bombi bananigwe.

Ben Levi 24:17

Owankashûrha owundi muntu kuhika okufà, olya wamushûrhaga kuhika naye ayîrhwe.

Zakariya 3:4

Malahika àrhegeka abàlimulusize mpu bamuhogole eyo myambalo. Okubundi anacibwîra Yozwè, erhi: «Namàkurhenzakwo obubî bwâwe, nnankolaga nâkuyambika emyambalo y’olusiku lukulu.»

Mateyo 14:10

Anacirhuma mpu bagend’itwa Yowane irhwe mulya àli ashwêkîrwe.

Luka 15:21

“Omugala amubwîra, erhi”: “Larha, nabihîre Nyamuzinda nâwe, ntacishingânîni nderhwe mugala wâwe”».

Luka 18:13

“Olya muvurhîsa yêhe aj’icîbêrera erhali hôfi, arhanaderhaga ciru mpu agalamire enyanya, ci akacîkomamba ecifuba, erhi”: “Yâgirwa Nnâmahanga, onfè bwonjo nie munya-byâha!”

Ebijiro 2:37

Ako kanwa kabahika oku murhima; banacibwîra Petro n’ezindi Ntumwa, mpu: «Bene wîrhu, kurhi rhwâjiraga?»

Bahabraniya 9:26

Bicibâga ntyo, ànkababazîbwe kanji kurhenga okulemwa kw’igulu. Ci mwo zino nsiku nzinda lyo àcîyêrekîne liguma kwa lwoshi, mpu aherêrekeze ecâha n’enterekêro yâge.

1 Yowane 1:7

Ci erhi rhwankalambagira omu bulangashane nk’oku yêne ali omu bulangashane, obwo erhi rhuli omu cinyabuguma rhwêne na rhwêne, n’omukò gw’Omugala Yezu gwanarhuyêza, gushuke ebyâha bîrhu byoshi.

Mafulûlo 1:5

na Yezu Kristu, muhamîrizi w’okucîkubagirwa, Nfula y’abafîre, na Mwâmi mukulu w’abâmi b’igulu. Ayâgirwe mâshi Oyo orhuzigira anashuka ebyâha bîrhu omu mukò gwâge,

1 Samweli 15:20

Saulu anacishuza Samweli erhi: «Nêci mâshi nayumvîrhîze izù lya Nyamubâho, nanakulikîre enjira yâge anantumagamwo yoshi. Nayishire ndwîrhe Agagi ye mwâmi wa bene Amaleki, Israheli nanabalambika nk’oku byanali birhegesirwe.

1 Samweli 15:30

Oku bundi Saulu aderha, erhi: «Najizire ecâha! Ci kwônene nkusengirage, onkengêsagye nâni embere z’abagula b’olubaga lwâni na embere za Israheli; ogaluke rhugende rhwembi ngendiharâmya Nyamubâho, Nyamuzinda wâwe».