2 Samweli 1:11 - BIBLIYA NTAGATIFU OMU MASHI

¹¹ Daudi ayanka emyamhalo yâge ayisharhangula, n’abambali nabo kwo na kuguma.

2 Samweli 1:11 ပူးပေါင်းရင်းမြစ်များ

Murhondêro 37:29

Rubeni, erhi ashubira ebwa iriba, abona oku Yozefu arhacirimwo. Abêra emyambalo yâge,

Murhondêro 37:34

Yakôbo anacibera omwambalo gwâge, akenyera sunzu ajà omu mishîbo y’omugala nsiku zirhali nyi.

Murhondêro 44:13

Banacisharhula enyambalo yâbo ngasi muguma ashub’ibarhuza endogomi yâge, bashubira omu lugo.

2 Samweli 13:19

Tamari, aguka akatulo, acîyôlerakwo omu irhwe, abêra kalya kanzo kinjinja al’iyambîrhe, ahira okuboko oku irhwe, agend’abanda endûlù.

2 Samweli 13:31

Mwâmi ayimuka abêra emyambalo yâge, anagwîshira oku idaho. Abarhambo bâge bo­shi bayimuka babêra emyambalo yâbo.

2 Samweli 3:31

Okubundi obwo, Daudi anacibwîra Yowabu n’olubaga lwanali boshi naye, erhi: «Musharhule emyambalo yinyu, muyambale sunzu, mushîbe Abneri». Mwâmi Daudi anaciyunamiriza omugongo.

2 Bâm 5:7

Erhi oyo mwâmi w’Israheli ayusisoma agôla maruba asharhula emyambalo yâge, anaciderha erhi: «Ka ndigi Nyamuzinda owankayîrha anacize, obûla antumire oyu muntu mpu mubuke olushomyo? Yumvi bwinjà, ka murhabwîni oku mbaka ezi oyu muntu alindonzakwo»?

2 Nganîro 34:27

“kulya kubà omurhima gwâwe gwa babîre, na nâwe wêne wacîrhôhize embere za Nyamuzinda omu kuyumva e byôla binwa byaderhagwa kuli ahôla hantu na oku bantu bahayûbaka, kulya kubà wacîrhôhize embere zâni, wanasharhangula emyambalo yâwe, wanalakira emunda ndi, nâni nakuyumvîrhîze, Nyamubâho okudesire”.

Ezra 9:3

Erhi nyumva ntyo, na sharhangula emyambalo yâni n’ecishûli câni, nacîmanyula emviri okw’irhwe, n’obwânwa, natamala nieshi n’omutula.

Esteri 4:1

Erhi anayumva oku kwo byalâlîrwe ntyôla, Mardokeyo asharhula emyambalo yâge ayambala sunzu, anacilabika oluvù. Okubundi anacikanya omu lugo loshi ajà abanda endûlù,

Yeremiya 36:24

Cikwône, ôli mwâmi yêne, ôli abambali omu kuyumva ebyo binwa byoshi ntâye warhemusire erhi aderhe mpu abêra emyambalo yâge.

Yoweli 2:13

Arhali myambalo yinyu yo musharhulage, ci murhima gwinyu gwo mu­kwânîne okuhindula. Nêci, galuki emwa Nyakasane bulya ali mwonjo na mwinjà, analegame omu kukaliha, ci mubidu omu kuhâna obwonjo, arhanakwirirwa mabî.

Ebijiro 14:14

Erhi zikuyumva, entumwa Barnaba na Paolo basharhula emyambalo yazo, zalibirhira omu kâgarhî k’olubaga, zayâma; mpu:

Barom 12:15

Mukâshagaluka n’abashagalusire, munalake haguma n’abà­laka.

Yozwe 7:6

Yozwè anacisharhangula emyambalo yâge, afukamiriza, akamalanga kahuma oku idaho embere ly’omucîmba gw’amalaganyo, kuhika bijingo, ajira ntyo ye n’abagula ba bene Israheli, banacicihira oluvù oku irhwe lyâbo.