2 Petro 3:4 - BIBLIYA NTAGATIFU OMU MASHI

⁴ n’okuderha, mpu: «Ngahi cirigi cirya ciragâne c’okuyisha kwâge? Kali balarha mîra bafâga, na byoshi kwo binaciri kulya byàli kurhenga okulemwa kw’igulu!»

2 Petro 3:4 ပူးပေါင်းရင်းမြစ်များ

Murhondêro 19:14

Loti akanya aj’ibwîra abakwi bakazagisheba abâli, erhi: «Yimuki murhenge muli cino cihugo bulya Nyamuzinda alâlire okucishâba»; ci abakwi bamaya mpu kuhalîza.

Muhanûzi 1:9

Okwàli kwo kwanabà, n’okwabîre kwacibà; na ntà kantu kahyâhya hanôla îdako ly’izûba.

Muhanûzi 8:11

Kulya kubà olusiku batwîraga omuntu olubanja arhali lyo anajuha, abantu nabo banakazibà bayunjwîre iralà ly’okujira okubî.

Yeremiya 17:15

Lâba, badwîrhe bambwîra mpu: «Ngahi kaligi akanwa ka Nyakasane? Kabâge!»

Ezekiyeli 11:3

Badwîrhe baderha, mpu: “K’arhali bunôla rhwayûbaka enyumpa? Loli enyûngu n’oku nîrhu rhwe rhuli nyama zirimwo”.

Malakiya 2:17

Mwarharnize Nyakasane n’ebinwa binyu. Ci kwône kurharhuma murhadôsa, mpu: «Bici rhurnurhamyarnwo?» Mumurhamya na kula mukaziderha, mpu: «Omuntu mubî Nyakasane anarnulole bwinjà, mpu bantu ba bene abo bo azigira.» Kandi erhi kula muderha, mpu: «Nyamuzinda w’okujira obushinganyanya ngahi aligi?»

Mateyo 16:27

Ci mumanye oku Mwene-omuntu ayish’iyisha bona bamalahika bâge omu bukuze bw’Îshe: lêro obwo ayish’ilyûla ngasi muguma oku bijiro byâge.

Mateyo 16:28

Mmubwîre okunali: Hali baguma muli abà bayimanzire aha, barhakabona olufù, kuhika babone Mwene-omuntu ayishire omu Bwâmi bwâge».

Mateyo 24:28

Aha omurhumba gwâbè ho n’enyunda zâshubukire.

Mateyo 24:48

Ci oyo mushi mubî erhi ankaderha omu murhima, erhi: «Nnâhamwîrhu arhishiri duba».

Marko 10:6

Ci erhi Nyamuzinda arhondêra okulema, ajizire omulume n’omukazi.

Marko 13:19

“Bulya ezo nsiku zâbà za malibuko garhasâg’iboneka kurhenga Nyamuzinda alema igulu kuhika buno, garhakanaciboneka bundi”.

Luka 12:45

“Kwônene, oyo murhumisi erhi ankaderha emurhima, erhi”: “Nnawîrhu alegamir’igaluka”, “okubundi arhondêre ashûrha abambali n’abà­ mbali-kazi, agwîre okulya, okunywa n’okukalûka”,

Ebijiro 7:60

Okubundi anacifukama, ayâkûza n’izù linene, erhi: «Nyakasane, orhabahôlaga eci câha!» n’erhi ayûs’iderha ako kanwa, anacirhengamwo omûka.

1 Batesalonika 2:19

Bundi bulangâlire buci rhugwêrhe, gandi masîma maci rhwâbone, lindi ishungwè lihi lyârhulêrhere irenge embere za Nnawîrhu Yezu olusiku âgaluka, aha nyuma zinyu?

2 Petro 3:12

omu kulinga n’omu kucîfinja okuyisha kw’Olusiku lwa Nyamuzinda, olusiku amalunga gâgulumire ganasingônoke, n’ebiremwa bijonge n’idûrhu!

Mafulûlo 3:14

Malahika w’Ekleziya y’e Laodiceya omuyandikire, erhi: «Kwo adesire ntyâla Nêci-ntyo,'omuhamîrizi w’okuli na mwîkubagirwa, imerero ly’ebiremwa bya Nyamuzinda.