2 Petro 2:10 - BIBLIYA NTAGATIFU OMU MASHI

¹⁰ bwenêne balya bashimba iralà ly’omubiri omu kujira eby’enshonyi banagayaguza obukulu bwa Nyakasane. Ci ebyo bikàkà bicîbonyi birhayôboha okulogorhera ebiremwa b’irenge,

2 Petro 2:10 ပူးပေါင်းရင်းမြစ်များ

Murhondêro 49:6

Omurhima gwâni gurhahîraga gukaja omu ihano lyâbo, bulya bàyisire abantu omu burho bwâbo n’omu bukunizi bwâbo, barhungula empanzi.

2 Samweli 20:1

Ahôla hali muntu muguma w’omurhima mumînya, izîno lyâge ye Sheba mwene Bikiri w’omu bûko bwa Benyamini, anacibûha omushekera ahamagaza erhi: «Ntà bushangire rhwankabà na Daudi, ntâbyo rhushangîra na mwene Yese. Ngasi muguma abêre omu mwâge, bene Israheli weee!»

1 Bâm 12:16

Erhi Israheli yêshi abona oku mwâmi arhamuyumvirhi, olubaga lwanacishuza mwâmi muli ebi binwa: Bici rhufânwa na Daudi? Ntâbyo rhushangîra rhwe na mwene Yese. Bene Israheli, shubiri omu mahêma ginyu! Daudi buno wêne okazâg’ilanga enyumpa yâwe!

Ennanga 12:4

Mâshi Nyamuzinda aherêrekeze ngasi kanwa kaderha obunywesi, ngasi lulimi lulyâlyanya.

Lubungo 22:28

Emyâka yâwe n’omurhobo gw’omu mukenzi gwâwe, orhahîraga okaleka abandi babintangakwo. Okaz’interekêra enfula y’omu bagala bâwe.

Muhanûzi 10:20

Orhahîra okasigira mwâmi enfûlago, ciru akabà omu nkengêro orhahîra, orhahehêreraga omugale, ciru akabà omu lwâwe oli, bulyâla akanyunyi kanahêke emyanzi, n’okubà omwanzi gujira ebyûbi.

Yeremiya 2:31

Eri iburha wâni! Rhangi muyumve akanwa ka Nyamuzinda! Ka kuli Israheli nâbà mpinga erhi ishwa lya mwizimya. Cirhumirage olubaga lwâni luderha: erhi «rhudwîrhe rhwahulahula ci rhurhaje emunda oli»?

Mibalè 15:30

“Cikwônene erhi hankabà owundi, mwene Israheli nîsi erhi cigolo, oyôla akagayisa Nyamubâho n’oluhinzo, akagwe omu lubaga lwâge”.

Luka 11:25

“Erhi amuhika, anashimâna muli muhyajire munabambirwe bwinjà”.

Luka 19:14

Ci abashi bâge erhi bamushomba; bamukulikiza entumwa zaj’iderha, mpu: «Rhurhalonza rhumushige».

Ebijiro 23:5

Naye Paolo anacibashuza, erhi: «Bene wîrhu, ntâl’imanyire oku ye mukulu w’abadâhwa; bulya kuyandisirwe erhi: “Orhahîra okahehêrera omuluzi w’ishanja lyâwe”».

Barom 8:1

Ntà kuciyagiriza abâli muli Yezu Kristu.

1 Bakorinti 6:9

Ka murhamanyiri oku abajira okurhashingânîni barhakayîma omu Bwâmi bwa Nyamuzinda? Mumanye mwankacîrheba! Oli abajira eby’enshonyi, oli abaharâmya ebiremwa, oli abagonyi, oli ab’engeso mbî, oli entazi,

2 Bakorinti 10:3

Omu mubiri rhubà, nêci, ci rhurhalwa kwa mubiri.

Befezi 4:19

Bàcibêrire bacikala-nshonyi, bashimba engeso mbî y’okuhusha, bagwîra okukâjira eby’enshonyi bya ngasi lubero.

Befezi 5:5

Mumanye kwinjà oku ntà mugonyi, ntà mûmaguza, na ntâye ohubira eby’en’igulu, -kwo kuli kufukamîra ebiremwa-, ntâye muli abo boshi wanalabarhe omu Bwâmi bwa Kristu na Nnâmahanga.

Bakolosi 3:5

Kuziga mubabaze ebirumbu by’omubiri gwinyu gw’en’igulu: obugonyi, eby’enshonyi, amasîma mabî, enyifinjo mbî, n’amagene g’eby’en’igulu, kwo kuli nka kufukamira ebiremwa;

1 Batesalonika 4:7

Birhali bya nshonyi Nyamuzinda arhuhamagaliraga, ci butagatîfu.

2 Timoteyo 3:2

bulya abantu bayish’ikacîlongeza bônene, bayish’ihira omurhima gwâbo omu birugu, bayish’ikacikunga bône, bayish’ibà bacîbonyi, bakashobeka abandi busha, bayish’ibà bigamba, bantu barhish’ivuga omunkwa, bayunjulirîne bubî;

Tito 1:7

Bulya, nêci, lungere akwânîne abè muntu mwêru-kwêru, nk’oku bishingânîne omurhindisi w’enyumpa ya Nyamuzinda; arhabâga wa bucîbone erhi wa bukunizi, arhabaga mulalwè erhi mulwî, arhanabaga wa kulonza obunguke bubî;

Bahabraniya 13:4

Obuhya bukengwe na boshi, n’encingo y’obuhya erhabâgakwo izinga; bulya abagonyi n’ebitwamba Nyamuzinda àyabahêke lubanja.

2 Petro 3:3

Kulusha byoshi, mumanye oku omu nsiku nzinda hâyisha abantu basîma okugayaguza abâbo n’okubashekera, bakashimba iralà lyâbo,

Yûda 1:10

Ci bôhe banajâcire ebi barhamanyiri, n’ebi bayishi n’obwôrhere bwâbo bw’ecinya-mubiri kula ensimba zirhajira bukengêre zinayôrha, biri bya kubaherêrekeza.

Yûda 1:16

Babà bantu bakâyôrha bacîduduma, ntà mango basîma, emunda iralà libahesire yo banajà, omu kanwa kâbo nderho za bucîbone zirhengamwo, banakalimîriza abantu mpu babarhôlekwo obunguke.

Yûda 1:18

Ka barhammubwîraga oku omu nsiku nzinda hayish’ibà abantu basîma okugayaguza abâbo, abakashimba iralà ly’obubî bwâbo?

Yûda 1:4

Bulya hali abantu bammushesherîremwo bufunda-funda; balya batwîrîrwe olubanja kurhenga mîra: eyo mihera ekahindula engalo ya Nyamuzinda wîrhu eyijire masîma ga mubiri, ekâhakana Nnâhamwîrhu muguma yêne na Nyakasane Yezu Kristu.

1 Samweli 10:27

Ci kwônene abâli babî, bene Beliali (Shetani mumînya) bakacîduduma, mpu: «Kurhi oyûla ayishirhuyôkola?» Bamugayaguza bwenêne, ciru barhaderhaga mpu bankamurhûla kantu kalebe. Ci yêhe acîhulikirira.