2 Nganîro 9:1 - BIBLIYA NTAGATIFU OMU MASHI

¹ Omwâmikazi w’e Saba erhi ayumva kurhi Salomoni ajire irenge, ayisha naye alirhangula Salomoni n’e migani, ajà e Yeruzalemu, ali alusîbwe n’omuzinzi gw’abantu banji, n’engamiya zàli zidwîrhe obukù, amasholo mwandu, amabuye g’engulo ndârhi. Ajà aha mwa Salomoni, anacibwîra Salomoni ngasi ebi anali agwêrhe oku murhima gwâge byoshi.

2 Nganîro 9:1 ပူးပေါင်းရင်းမြစ်များ

Murhondêro 10:28

Obali, Abimayeli na Sheba.

Murhondêro 10:7

Bene Kushi bo: Seba, Havila, Sabata, Rama na Sabuteka. Bene Rama bo: Sheba na Dedani.

Murhondêro 25:3

Yokisani aburha Sheba, na Dedani. Nabo bene Dedani: Basurimi na Baletusimi na Baleumi.

2 Nganîro 1:1

Salomoni, mugala wa Daudi, ajà azibuha bwenêne omu bwâmi bwâge; Nyamubâho Nyamuzinda wâge ali haguma naye, anamuheka irenge bwenêne.

2 Nganîro 1:12

wahâbwa oburhimanya n’obumanye. Nanakuhà n’obugale, n’ebirugu n’irenge kulya kurhalisigibonekana emwa omwâmi ciru n’omuguma, embere zâwe, n’okurhakacibonekana emwa omwâmi ciru n’omuguma enyuma zâwe.

2 Nganîro 9:2

Salomoni akazimuhà amashuzo oku binwa byâge byoshi, ntà cinwa ciru n’eciguma cahuzire Salomoni, eci arhashuzagya kwo bwinjà.

2 Nganîro 9:9

Mwamikazi aha Salomoni talenta igana na makumi abirhi za masholo, omwandu gw’amakù n’ogwa amabuye g’engulo ndârhi. Harhasâgibonekana amakù manji ntyo agali nk’aga oyôla mwamikazi w’e Saba ahâga mwâmi Salomoni.

Ennanga 142:2

Izù linene nâyakûzamwo Nyakasane, Izù linene nâyingingamwo Nyamwagirwa.

Ennanga 49:4

Akanwa kâni binwa bya bugula kaderha, n’omurhima gwâni bya burhimanya gwakengêra.

Ennanga 72:10

Abâmi b’omu Tarsisi n’ab’omu birhwa bâmurhûla entûlo, abâmi b’e Saba n’ab’e Seba bamusholôlera.

Ennanga 72:15

Kulama âlama, bakaz’imurhûla amarhale g’e Buharâbu, bakaz’imusengera burhahusa, bamugishe ensiku n’amango.

Ennanga 78:2

Nkola nabumbûla akanwa, nkola nâtwa emigani, nkola nâbasa agàli mahwe kurhenga mîra.

Migani 1:6

amanyiyumva ebinwa bizibu n’emigani, ebinwa by’abarhimanya n’emigani yâbo.

Izaya 60:6

Amasò g’engamiya gakuzunguluka, kuguma n’orhunina rhw’engamiya z’e Madiyani n’ez’Efa. Abarhenga e Saba boshi bayisha bakudwîrhîre amasholo n’enshangi, banayishe bayimba irenge lya Nyakasane.

Mateyo 12:34

“Ewani, eri iburha lya cibugusha, ka mwa­nkahash’iderha aminjà n’obwo muli babî? Kali omuntu arhaderha ecirhamuli omu murhima!”

Mateyo 12:42

“Omwâmikazi w’e Saba ayish’ijà lubanja n’ogu mulala, agubonêse nshonyi, bulya arhenzire e­mwâge kulî, emunda igulu lihekera, mpu agend’iyumva obushinganyanya bwa Salomoni, n’olushire Salomoni, y’ono oli hano!”»

Mateyo 13:11

Abashuza anababwîra, erhi: «Mwêhe mwahîrwe okumanya amahwe gw’Obwâmi bw’empingu, ci abà bôhe barhakuhâbagwa.

Mateyo 13:35

Mpu lyo kuyunjula okwaderhagwa n’omulêbi, erhi: Omu kanwa kâni mwakarhenga emigani, kakafulûla ebyàfulisirwe kurhenga okulemwa kw’igulu.

Mateyo 2:11

Bajà omu nyumpa, barhimâna omwâna bo na nnina Mariya; banacifukama, baharâmya. Bashanûla emihako yâbo, banacimurhûla obuhirhi bwâbo: amasholo, enshangi n’obukù.

Luka 11:31

Omwâmi-kazi w’Ebulyo ayish’ijà lubanja n’eri iburha, aliyagîrize, bulya arhengaga e­nyuma y’ebihugo mpu ayish’iyumva obushinganya bwa Salomoni; n’olushire Salomoni, y’ono oli hano!

1 Samweli 1:15

Ana amushuza erhi: «Nanga arhali ntyo, waliha, niono ndi mukazi obabîre e murhima, ntanywiri mamvu nîsi erhi ngasi kantu kalalusa, ci kwônene ndwîrhe nadubulira omurhima gwâni embere za Nyakasane.