2 Nganîro 7:22 - BIBLIYA NTAGATIFU OMU MASHI

²² Kandi banamushuza mpu: «ali ebwa kubà balekerire Nyamubâho, Nyamuzinda wa b’îshe wâbo, owabarhenzagya omu cihugo c’e Mîsiri, bagendicîshwêkera oku bandi ba nyamuzinda, bakazibafukamira, banakazibakolera, co carhumire abahirakwo amabî mangana aha».

2 Nganîro 7:22 ပူးပေါင်းရင်းမြစ်များ

2 Nganîro 36:17

Okuhandi, Nyamubâho abayinamulira omwâmi w’e Kaldeya, anigûza n’engôrho emisole yâbo yoshi, omu ka-Nyamuzinda wâbo arhababaliraga ndi, oli omwânarhabana oli omwânanyere, oli abashosi, oli abalume bakola bagwêrhe emvi; Nyamubâho ahira byoshi omu maboko gâge.

Yeremiya 1:16

Naderha ebinwa by’okutwa olubanja lwâbo, ebiyêrekîre amaligo gâbo goshi bulyâla bàndekerîre bagendigashâniza banyamuzinda b’emwa bene, bagendiharâmya obushanja bw’enfune zâbo.

Yeremiya 16:11

Ago mango ânabashuze erhi: Basho bantwîsire, kanwa ka Nyamubâho, bakulikira ba­ndi ba nyamuzinda b’obwîhambi, babakolera banabaharâmya. Niehe bantwîka n’irhegeko lyâni barhalikulikiraga.

Yeremiya 22:5

Ci erhi mwakabà murhayumvîrhi ebi binwa, niene ncîlahîre, kanwa ka Nyakasane, eyi nyumpa y’obwâmi yashâbwa.

Ezekiyeli 14:23

“Abôla bantu banakurhûliriza, nka wamânabona olugendo lwâbo n’ebijiro byâbo, na kandi okanamanya oku arhali busha najiriraga Yeruzalemu okwôla koshi namujirîre, kwo adesire Nyakasane Nyamubâho”».

Daniyeli 9:12

Ayûkirize ebinwa byâge ebi aderhaga kuli rhwe n’oku bakulu bîrhu bakazâg’irhurhegeka, omu kurhubabaza n’obuhanya bunene, bulya burhasâg’ibonekana bundi idako ly’amalunga, obuhanya buli nk’obûla bwayishiraga Yeruzalemu.