2 Nganîro 7:1 - BIBLIYA NTAGATIFU OMU MASHI

¹ Erhi Salomoni ayûsa okushenga, omuliro gwamanuka emalunga gwasingônola enterekêro y’ensirîra n’ezindi nterekêro, n’irenge lya Nyamuzinda lyayunjula enyumpa yoshi.

2 Nganîro 7:1 ပူးပေါင်းရင်းမြစ်များ

Murhondêro 15:17

Izûba lyabîrage lyamazika n’obudufu erhi bwamarumbâna, lolà oku ecibêye c’omugî n’ecimole n’omuliro byàgera ekarhî ka zirya nyama mberange.

1 Bâm 18:24

“Mujageho mushenge oyo muzimu winyu, nâni nashenga Nyakasane: owankahâna ishuzo ly’omuliro, erhi ye na Nyamuzinda w’okuli”». Olubaga lwoshi lwashuza mpu: «Kuli kwinjà okwo.»

1 Bâm 18:38

Okubundi omuliro gwa Nyakasane gwamanuka, gwasingônola erya mbâgwa n’enshâli, gwayumya na galya mîshi goshi gali Omu mubunda.

1 Bâm 9:1

Erhi Salomoni ayûsa okuyûbaka aka-Nyamuzinda n’obwâmi bwâge na ngasi yindi myûbako yoshi, Salomoni ali alâlîre okuyûbakisa;

1 Nganîro 21:26

Aho Daudi ayûbakiraho Nyakasane oluhêrero, ahirakwo enterekêro z’okusingônolwa n’enterekêro z’omurhûla. Okubundi ashenga Nyakasane, naye àmushuza omu kumanula omuliro emalunga gwayîshisingônola zirya nterekêro oku luhêrero.

Ennanga 26:8

Yâgirwa ntahimwa kurhonya eciriba c’enyumpa yâwe, n’ahantu irenge lyâwe lihanda.

Lubungo 19:18

Entondo ya Sînayi yakaz’itumbûka mugî, bulya Nyakasane ali ayandagalirekwo omu ngulumira y’omuliro; omugî gw’ogwo muliro gwakâtumbûka nka mugî gw’itanuru, n’entondo yoshi yadirhimana bwenêne bwenêne.

Lubungo 29:43

Aho ho nakazishimânana na Bene Israheli, n’ahôla hantu irenge lyâni lyahajira hatagatîfu.

Izaya 65:24

Niene nâkaz’ibashuza embere bampamagale; bâkaz'ibà barhaciyûsa okuderha erhi mîra nabayumvîrhizagya.

Ezekiyeli 43:5

Okubundi Mûka anacinyêhûkana, ampêka omu ka-Nyamuzinda omu bululi bw’omu ndalâlà, na lolà oku irenge lya Nyamubâho lyàli liyunjwîre enyumpa.

Ezekiyeli 44:4

Ashubimpêka ebwa muhango guli olunda lw’emwênè embere z’enyumpa; nanacikazilola, nasinza oku irenge lya Nyamubâho lyamâyunjulira enyumpa; nanacikumba bûbi.

Daniyeli 9:20

Oku ncidwîrhe naderha ntyâla, ndwîrhe nashenga omu kuhûna obwonjo oku bubî bwâni n’oku bubî bw’olubaga lwâni Israheli, oku ncidwîrhe nadêkereza ensengero zânî embere za Nyamubâho Nyamuzinda wâni, erhi eyo ntondo ntagatîfu ya Nyamuzinda wâni erhuma;

Malakiya 3:4

Nabwo oburherekêre bwa Yûda n’obwa Yeruzalemu, bukâsimîsa Nyakasane nka kulya byàli omu nsiku za mîra, omu myâka yàgezire.

Ebijiro 4:31

Erhi babà badwîrhe bashenga, aha bâli hageramwo omusisi: boshi banaciyunjula Mûka Mutagatîfu, banarhondêra okuyigîriza akanwa ka Nnâmahanga buzira bwôba.

Mafulûlo 21:23

Eco cishagala ntabulagîrire bw’izûba nîsi erhi bw’omwêzi byacimolekera, bulya irenge lya Nyamuzinda bwo bulangashane bwâco, n’Omwâna-buzi ko kamole kâco.

Bacîranuzi 6:21

Malahika wa Nyakasane alambûla akarhi kâge, irhwêrhwè lyâko lyahika kuli zirya nyama na kuli erya migati erhalimwo lwango. Omuliro gwanaciyâka muli lirya ibuye gwasingônola erya nyama n’erya migati erhalimwo lwango, na malahika wa Nyakasane ahirigirha embere zâge.