2 Nganîro 32:13 - BIBLIYA NTAGATIFU OMU MASHI

¹³ “Ka murhamanyiri ebi ba larha na nâni rhwakolîre embaga z’omu bihugo? Ka banyamuzinda ba ebyôla bihugo bahashire okuyôkola okunali, ebyôla bihugo omu nfune zâni?”

2 Nganîro 32:13 ပူးပေါင်းရင်းမြစ်များ

2 Bâm 15:29

Agôla mango Pekahe ali mwâmi w’Israheli, Tiglati-Pileseri mwâmi w’e Asîriya ayisha arhabîre, anaciyanka Iyoni, arhôla na Abel-Bet-Maaka, arhôla Yanowaha, ahirakwo Kedeshi, Hasori, na Gileyadi, kuguma na Galileya n’e cihugo ca Nefutali, abâli bagwâsirwe mpira abajana e Sîriya.

2 Nganîro 32:14

“Ndi, omu ba nyamuzinda b’ebyôla bihugo balarha baherêrekezagya, ndi muli bo wayishire okuyôkola olubaga lwâge omu kuboko kwâni, lyo oyôla nyamuzinda winyu ahasha naye okubayôkola omu kuboko kwâni?”

2 Nganîro 32:19

Ebi bakazigiderha kuli Nyamuzinda wa Yeruzalemu, byàli bya kumugerera oku banyamuzinda b’ezindi mbaga za hanôla igulu, abajiragwa n’okuboko kw’omuntu.

Izaya 10:14

Nka kula bagwârhira akanyunyi omu lwôgo, enfune zâni zanyazire obuhirhi bw’amashanja, na nka kula barhôlogola amaji majandike, nashamasire igulu lyoshi. Ntà cûbi cahinyize, ntà mulomo gwabumbirwe mpu gwavigîra.»

Yeremiya 10:16

«Mwanya gwa Yakôbo» yêhe arhali ntyo: bulya ye kabumba kabumbaga byoshi Israheli lyo ishanja mwîmo gwâge. Izîno lyâge ye Nyakasane w’Emirhwe.

Daniyeli 4:30

Muli akwôla kasanzi ebyaderhagwa kuli Nabukondonozori byanacibà; anacilibirhwakwo omu karhî k’abantu, anacikazilya olubala nka nkâfu n’omubiri gwâge gwakaziloba n’olumè lw’oku nkuba, emviri zàmuli oku irhwe zashalama nka mashala g’oku byûbi by’enyunda n’enyûnu zâge zalihûka nka za rhunyunyi.

Daniyeli 5:19

N’obwôla bukulu amuhâga bwarhuma embaga, amashanja, n’abà ngasi ndi­mi bàkazigeramwo omusisi embere zâge; akazâgiyîrha oyu analonzize, analamye oyu analonzize; akazâgikuza oyu alonzize ananyage oyu analonzize.

Ebijiro 19:26

“Ci mwene mubwîne munadwîrhe mwayumva oku arhali e Efezi yône, ci na hôfi omu Aziya yoshi, oyu Paolo arhebire anahindula emirhima y’abantu barhali banyi, ababwîra mpu banyamuzinda bajiragwa n’amaboko g’abantu barhali ba­nyamuzinda”.

1 Bakorinti 8:4

Kuziga oku gw’enyama zarherekîrwe abazimu, rhumanye oku enshushano y’omuzimu erhali cici en’igulu, na ntà wundi Nyamuzinda kuleka olya muguma.