2 Nganîro 31:3 - BIBLIYA NTAGATIFU OMU MASHI

³ Ayanka omu bintu byâge, ecigabi ca mwâmi cakazâgihûnwa oku nterekêro z’ensirîra, oku nterekêro z’ensirîra z’esêzi na bijingo n’oku nterekêro za Sabato, ez’omwêzi n’ez’ensiku nkulu nk’oku binayandisirwe omu burhegesi bwa Nyamubâho.

2 Nganîro 31:3 ပူးပေါင်းရင်းမြစ်များ

1 Nganîro 26:26

Shelomiti haguma na bene wâbo bahâbwa omukolo gw’okulanga ebirugu byàlirherekîrwe Nyamuzinda byajiragwa na mwâmi Daudi, n’abakulu b’emilala, n’abarhambo b’abasirika bayîmangira emirhwe y’ebihumbi, erhi magana erhi makumi.

2 Nganîro 30:24

Ebwa kubà Yezekiyahu, mwâmi w’e Yûda ali amâhà olubaga mpanzi cihumbi, bihumbi nda bya bibuzi, n’abarhambo bala bayîrha empanzi cihumbi, bihumbi ikumi bya bibuzi n’abadâhwa banji bali bamacicêsa.

2 Nganîro 35:7

Yoshiyahu aha abantu b’olubaga oku bishwêkwa binyinyi, abâna-buzi n’abanahene; omubalè gwâbyo byàli bihumbi makumi asharhu, byoshi byoshi mpu birherekêrwe Basâka okwôla byanali ahôla byoshi oku binali bihumbi makumi asharhu, na nkâfu bihumbi bisharhu, ebyôla byoshi byarhengaga oku bintu bya mwâmi.

Ezekiyeli 45:17

Ci mwâmi ye âbà n’omukolo gw’enterekêro z’ensirîra, ez’enkalangè, ez’embulage oku nsiku nkulu, oku kubaluka kw’emyêzi n’oku nsiku za Sabato, n’oku nsiku nkulu zoshi za bene Israheli, ye wâkajira eby’enterekêro oku câha, eby’enterekêro y’enkalangè, eby’ensirîra n’ebya enterekêro z’okuvuga omunkwa, omu kuhûna okuyôbôlwa kwa bene Israheli.

Mibalè 28:1

Nyamubâho anacishambâza Mûsa amubwîra, erhi:

Mibalè 29:29

Oku lusiku lwa kali ndarhu, mwanarherekêra mpanzi ntôrhò munâni, ngandabuzi ibirhi na bâna-buzi ikumi na bâni ba mwâka muguma barhanagwêrhi ishembo;