2 Nganîro 24:10 - BIBLIYA NTAGATIFU OMU MASHI

¹⁰ Abarhambo n’olubaga lwoshi basîma bwenêne, bakaziyîsha badwîrhe banahira omu isanduku balinda baliyunjuza.

2 Nganîro 24:10 ပူးပေါင်းရင်းမြစ်များ

1 Nganîro 29:9

Abo bantu boshi barhûla Nyakasane obuhirhi bwâbo buzira kusêzibwa erhi banasîmire bwenêne, Mwâmi Daudi naye okwo kwamuyunjuza mwishingo.

2 Nganîro 24:11

Erhi amango gabaga gamahika, erhi bahêkaga isanduku emw’abalêbi ba mwâmi, liyisha lidwîrhe n’abaleviti, erhi abôla bankabwîne oku mukola muli nfaranga nyinji, omwandisi wa mwâmi n’omuntu wakazâgirhumwa n’omudâhwa banayishe bahakûle lirya isanduku lyoshi, banashubilirhôla, bagendilishubiza halya linabêra. Ntyo kwo bakazâgijira ngasi mango, na ntyo babona nfaranga nyinji.

2 Nganîro 24:9

Banajà balâlika omu Yûda n’omu Yeruzalemu mpu ngasi muguma akazilerhera Nyamubâho erya mpongano bene Israheli barhegekagwa omu irungu na Mûsa murhumisi wa Nyamubâho.

Izaya 64:5

Rhweshi rhweshi rhukola rhucîbêra nka bantu bahemusire, n’ebijiro bîrhu binjà nka mushangi guzinzire. Rhweshi rhuyûmîrîre nka bijangala, n’amabî gîrhu kuyehûkana garhuyehûkana nka mpûsi.

2 Bakorinti 8:2

Omu malibuko manji babwîne, obushagaluke bwâbo bunene n’obukenyi bwâbo bunji byayunjulirîne, byahinduka buhirhi bwa kurhabâla abandi.

2 Bakorinti 9:7

Ngasi muguma ahâne nk’oku omurhima gwâge gunamubwîzire; arhahânaga nk’oli burhè, nîsi erhi nk’osêzîbwe; bulya Nyamuzinda azigira ohâna anashagalusire.