2 Nganîro 23:8 - BIBLIYA NTAGATIFU OMU MASHI

⁸ Abaleviti na bene Yûda bajira nk’okwôla anarhegekaga omudâhwa Yehoyada. Bakazirhôla ngasi muguma abantu bâge, abâjà omu mukolo n’abarhenga omu mukolo olwa Sabato; ebwa kubà omudâhwa Yehoyada ntà baguma alidesire mpu bagende muli eyôla mirhwe.

2 Nganîro 23:8 ပူးပေါင်းရင်းမြစ်များ

2 Bâm 11:9

Balya basirika banacijira nka kulya banabwîragwa n’omudâhwa Yehoyada. Erhi bâbâga bamagombôlana, ngasi murhambo n’engabo yâge, oku lwa Sabato, banajà emunda omudâhwa Yehoyada ali.

1 Nganîro 9:25

Abandi balanzi bàlamaga omu bishagala byâbo, bàkâgiyishibarhabâla ngasi baguma omu cihe câbo, bajire ogwo mukolo gw’obulanzi mugobe muguma.

2 Nganîro 23:7

“Abaleviti bakazilanga mwâmi empande zoshi, ngasi muguma n’emirasano yâge omu nfune, n’erhi hankajira owajà omu nyumpa banamuyîrhe; munakaziyôrha muli hôfi na mwâmi emunda ajà eyi n’eyi”».

2 Nganîro 23:9

Omudâhwa Yehoyada aha abasirika amatumu, empenzi nnene n’empenzi nsungunu, zarhengaga emwa mwâmi Daudi zanagendibîkwa omu ka-Nyamuzinda.

1 Nganîro 25:25

Owa kal’ikumi na munâni Hanani; ye haguma n’abagala na bene wâbo, bantu ikumi na babirhi.

1 Nganîro 26:26

Shelomiti haguma na bene wâbo bahâbwa omukolo gw’okulanga ebirugu byàlirherekîrwe Nyamuzinda byajiragwa na mwâmi Daudi, n’abakulu b’emilala, n’abarhambo b’abasirika bayîmangira emirhwe y’ebihumbi, erhi magana erhi makumi.