2 Nganîro 22:9 - BIBLIYA NTAGATIFU OMU MASHI

⁹ Alonza Akhaziyasi, bamugwârhira omu Samâriya, omu ali acîfulisire, bayisha bamudwîrhîre Yehu, banacimuyîrha. Okubundi anacimubisha, ebwa kubà amâderha erhi: «Amâbà mugala wa Yozafati, wakazâgilonza Nyamubâho n’omurhima gwâge goshi. Omu mulala gwa Akhaziyasi murhabonekanaga omuntu muzibu olya wankahashiriyîma».

2 Nganîro 22:9 ပူးပေါင်းရင်းမြစ်များ

1 Bâm 13:21

anaciyâkûza olya muntu wa Nyakasane warhengaga e Yûda, erhi: «Oku Nyakasane adesire kw’oku: Bulya orhaciyumvîrhîze izù lya Nyakasane orhanacishimbire irhegeko Nyakasane Nyamuzinda wâwe akuhâga:

1 Bâm 14:13

Israheli yêshi amushîba, banamubisha bulya yêne mwene Yerobwâmi wayîsh’ibishwa omu nshinda oyu, bulya yêne w’omu mulala gwa Yerobwâmi wabonekînemwo ehya nkasimîsa Nyakasane Nyamuzinda w’Israheli.

2 Bâm 9:34

Oku bundi ajà omu nyumpa n’erhi abà amahikamwo, alya ananywa, aderha erhi: «Kanyi mugend’ilola bulya buhanya, munamubishe bulya ali mwâli wa mwâmi».

2 Nganîro 19:3

N’obwo muli we mwabonekîne ebiri binjà, bulya waherêrekize omu cihugo ebyali by’enshusho za Ashera, wanacîhangâna n’omurhima gwâwe okulongereza Nyamuzinda.»

2 Nganîro 21:17

Erhi babà bamasôkera e Yûda, bâyongoberera muli ye, basabunga amagale goshi gabâga omu nyumpa ya mwâmi, kuguma n’abagala, na bakâge, bamusigira mugala muguma yêne, Yowahazi, ye wali murhò omu bagala bâge boshi.

2 Nganîro 21:20

Yorami ali agwêrhe myâka makumi asharhu n’ibirhi erhi abà mwâmi, anagaliyîma myâka munâni aha Yeruzalemu. Acîgendera ci ntâye wamulakîre, bamubisha omu lugo lwa Daudi, ci arhali omu nshinda z’abâmi.

2 Nganîro 21:4

Yorami ayîma omu bwâmi bw’îshe, n’erhi abà akola muzibu, ayîrha bene wâbo boshi n’engôrho, kuguma n’abarhambo baguma baguma b’Israheli.

2 Nganîro 22:8

Na bulyâla Yehu ye wakazitwa emmanja z’omulala gwa Ahabu, ashimâna abarhambo b’e Yûda na bagala ba bene wâbo Akhaziyasi, anacibayîrha.

2 Nganîro 24:25

Abanya-Aramu hayâgaza Yoash, erhi bamurhengaho, bamusiga ayunjwîre bibande, abarhumisi bâge banacimujirira ihano ly’okumuyîrha erhi gulya mukò gwa mwene omudâhwa Yehoyada gurhuma; bamunigira oku ncingo yâge àfa. Bamubisha omu lugo lwa Daudi, ci barhamubishaga omu nshinda z’abâmi.

2 Nganîro 25:27

Amaziyahu erhi babà bamamuyêgûla kuli Nyamubâho, bamujirira ihano ly’okumuyîrha aha Yeruzalemu, anaciyâkira e Lakishi; ci kwônene bamukulikira eyôla Lakishi, bamuyîrhira yo.

2 Nganîro 33:24

Abarhumisi bâge bamujirira irhigi ly’okumuyîrha, banacimuyîrhira omu nyumpa yâge.

Yeremiya 29:13

“Mwannonza munambone bulya mwannonza n’omurhima gwi­nyu gwoshi”.