2 Nganîro 20:1 - BIBLIYA NTAGATIFU OMU MASHI

¹ Enyuma ly’ahôla, bene Mowabu, na bene Amoni, boshi n’abantu b’A moniti, bayisha barhabâlîre Yozafati mpu bayish’imulwîsa.

2 Nganîro 20:1 ပူးပေါင်းရင်းမြစ်များ

1 Nganîro 4:41

Abo bene Simoni rhudesire amazîno gâbo, bàhikaga eyo munda omu nsiku Hezekiyahu mwâmi w’e Yûda. Balwîsa bene eco cihugo, Abanya-Maoni, bajà babakundulira amahêma banabuganyire. Babaherêrekeza lwoshi kuhika ensiku z’ene. Bacîbêrera ahâli hâbo, bulya yali olwâbûko lwinjà lw’ebibuzi.

2 Nganîro 14:8

Zerahi, we Kushi, arhêra eco cihugo n'omurhwe gw'abalwi mulioni muguma gwa bantu n'engâlè magana asharhu z'amatabâro, agenda kuhika e Maresha.

2 Nganîro 19:11

“Loli oku omurhambo winyu ali Amariyahu, ye mudâhwa mukulu, mucîranuzi oku ngasi binayêrekîre Nyamubâho byoshi, na Zebadiyahu, mugala wa Ismaeli, murhambo w’omulala gwa Yûda, abà mucîranuzi oku ngasi binayêrekîre mwâmi byoshi. Mugwêrhe embere zinyu abaleviti, bo bakazikola n’okuyandika ebya omu k’emmanja. Murhwâlihe munakole na Nyamubâho abè haguma na ninyu!”»

2 Nganîro 19:2

Yehu, mugala wa Hanani, mulêbi, ahuluka ajà emunda ali, anacibwîra mwâmi Yozafati erhi: «Ka bagwâsirwe okurhabâla omubî, ka osîma aba shomba Nyamubâho? Okwôla kwarhumire wacîlerhera obukunizi bwa Nyamubâho.

2 Nganîro 19:5

Ahira abacîranuzi omu cihugo coshi, omu ngo nzibu zoshi za Yûda n’oku ngasi lugo.

2 Nganîro 20:10

“Bunôla, alaga oku bene Amoni, bene Mowabu, abayûbakaga omu ntondo ya Seyiri, emwa balya bantu wahanzagya kwo Israheli mpu arhajaga e mwâbo erhi arhenga e Mîsiri, ci arhenga olunda lw’emwâbo buzira kubayîrha; alaga oku bakola barhuyîshîre”.

2 Nganîro 26:7

Nyamuzinda amurhabâla oku Bafilistini, oku Baharâbu bayûbakaga aha Guri-Baali n’oku Banya-Maoni.

2 Nganîro 32:1

Erhi ebyôla bintu n’ebijiro by’okushubilumûla obwîkubagirwa bwâbo bibà byamahwa, Senakeribu, mwâmi w’e Asîriya ayisha arhabâlîre omu Yûda, atwa ecirâlo oku burhambi bw’engo nzibu-zibu, omu kulonza okuzinyaga.

Izaya 16:6

Rhwayumvîrhe emyanzi y’obucîbone bwa Mowabu, mpu arhahimwa kucîbona; rhwayumva emyanzi y’omuhimbo gwâge, n’obucîbone bwâge, n’omumino gwâge, n’ey’obucîtîme bwâge.

Izaya 7:1

Oku ngoma ya Ahazi, mwene Yotami, mwene Uziyahu, mwâmi w’e Yudeya, Rasoni, mwâmi w’e Aramu, bo na Pekahi, mwene Remalyahu, mwâmi w’Israheli, banayisha barhabâlîre Yeruzalemu mpu bamulwîse, ci bayabirwa.

Yeremiya 10:24

Orhuhane Yâgirwa, cikwône omu lugero lwinjà buzira mungo, rhwakanahungumuka rhweshi.

Yeremiya 49:1

Kuli bene Amoni. Ntya kwo Nyakasane adesire: Ka Israheli arhajira bâna? K’abula omwîmo? Carhumaga Milkomu ayîma e Gadi n’ishanja lyâge liyûbasire omu bishagala?

Mafulûlo 3:19

Niehe abansîma bo nkalihira, bo nampana. Omalage obushiru onacîyunjuze!