2 Nganîro 19:4 - BIBLIYA NTAGATIFU OMU MASHI

⁴ Yozafati ayûbaka aha Yeruzalemu; ashubijà arhangula olubaga kurhenga e Bersheba kuhika oku ntondo ya Efrayimu, ashubijà abayêrekeza emunda Nyamubâho ali, Nyamuzinda wa b’îshe wâbo.

2 Nganîro 19:4 ပူးပေါင်းရင်းမြစ်များ

Murhondêro 21:14

Abrahamu azûka sêzisêzi, arhôla omugati n’ehibindi hy’amîshi ashanira Hagari, ahira omugala aha lurhugo, abahulusa. Nyamukazi ajà ahabuka omu irungu lya Bersheba.

Murhondêro 21:33

Abrahamu agwîka omurhi gw’etamarisi ahôla Bersheba anashengeraho izîno lya Nyamubâho, Nyamuzinda w’ensiku n’amango.

Malakiya 4:6

Ye wâhindula emirhima y’ababusi eyêrekere abâna bâbo, n’ey’abâna eyêrekere ababusi bâbo, lyo ndekiyishiherêrekeza ecihugo cinyu.

Mateyo 25:16

Ho n’aho, olya wahâbagwa magerha mafundo arhanu, anacigend’igakolêsa, ayungukirakwo gandi arhanu.

Luka 1:17

Yênene amushokolera n’omurhima n’obuzibu bw’Eliya, agalulire abâna emirhima ya b’îshe, n’abagomi âbagalule omu bumanye bw’abashinganyanya, ârheganyize Nyakasane ishanja limâna».

Yozwe 17:15

Yozwè anacibashuza, erhi: «akabà oli lubaga lunji, osôkere emuzirhu, eyo munda otwe yo elyâwe ishwa, ojè omu cihugo c’Abaperezi, n’ec’abà-Refayimi, ebwa kubà entondo y’Efrayimu eri nsungunu kuli we».

Bacîranuzi 19:1

Ago mango Israheli arhabagamwo mwâmi, Hàli Muleviti muguma wayûbakaga oku buzinda bw’entondo y’Efrayimu. Oyo muntu anaciyanka omukazi w’eciherula c’e Betelehemu omu Yûda.

Bacîranuzi 20:1

Bene Israheli banacihuma enjira yâbo kurhenga e Dani, kujà e Bersheba. Bagera omu cihugo ca Galadi; olubaga lwajà omw’ihano nka muntu muguma embere za Nyakasane aha Mispa.