2 Nganîro 15:2 - BIBLIYA NTAGATIFU OMU MASHI

² naye akanya ajà emunda Asa ali anacimubwîra erhi: «Onyumve wâni Asa, kuguma na Yûda yêshi na Benyamini yêshi. Nyamubâho ali haguma na ninyu amango muli haguma naye; nka mwankamulonza, analêka mumubone; ci erhi mwankamujandika naye anamujandika.

2 Nganîro 15:2 ပူးပေါင်းရင်းမြစ်များ

1 Bâm 11:25

Ayôrha mushombanyi w’Israheli omu mango ga Salomoni goshi. Ali agwêrhe akagayo kuli Israheli anaciyîma kuli Edomu.

1 Bâm 18:18

Eliya amushuza erhi: «Arhali nie kaheza muno Israheli ci w’oyu mwen’omulala gwâwe, bulya mwajahisire Nyakasane wanakolera banyamuzinda bw’obwîhambi.

2 Bâm 21:14

Najandika ab’emisigala y’aha mwâni, nanabaleka omu maboko g’abashombanyi bâbo.

1 Nganîro 28:9

“Nâwe wêne, mwâna wâni Salomoni, ocîyigirize okumanya bwinjà Nyamuzinda nakoleraga, omuharâmye n’omurhima muguma n’obukengêre budêkerîre. Bulya nêci Nyakasane anabone kuhika omu ndubi y’omurhima anayîshi enkengêro z’abantu zoshi. Okamulongereza, acikwîyêreka, ci kwône okamuleka, akujahika lwoshi lwoshi”.

2 Nganîro 11:12

Omu ngasi lugo ajà ahiramwo empenzi n’amatumu, azizibuhya bwenêne. Yûda na Benyamini bo bayôsire bâge.

2 Nganîro 12:5

Omulêbi Shemaya ayisha ajà emunda Roboami ali boshi n’abarhambo b’omu Yûda, ajà emunda bali bashûbûzinye omu Yeruzalemu omu kujà kwayaka Shishaki, anacibabwîra, erhi: «Kwo adesire ntyâla Nyamubâho: Mwanjandisire; nâni namamujandika omu maboko ga Shishaki.»

2 Nganîro 13:12

“Loli oku haguma na nîrhu, n’embere zîrhu, eri Nyamuzinda n’abadâhwa bâge, kuguma n’emishekera yashekêrezibwa kuli mwe. Bene Israheli murhahîra mukakoza entambala kuli Nyamubâho, Nyamuzinda wa basho, bulya mwanayabirwa”».

2 Nganîro 13:4

Kurhenga enyanya ly’akarhondo ka Semarayimu, akali omu ntondo ya Efrayimu, Abiya ayimanga aderha erhi: «Onyumve, Yerobwâmi, nâwe Israheli wêshi!

2 Nganîro 15:15

Yûda yêshi ashagaluka n’ecôla ciragâne, bulya bacijizire n’omurhima gwâbo goshi, na kandi bulya balonzize Nyamubâho n’obulonza bwâbo boshi, kandi analeka bamubona: Nyamubâho anacibahà okuhûmûka n’omurhûla boshi n’abantu babali eburhambi boshi.

2 Nganîro 15:4

Ci omu malibuko gâge ashubihindamukira emunda Nyamubâho, Nyamuzinda w’Israheli ali; bamulonza banamubona.

2 Nganîro 20:15

Anaciderha erhi: Yumvi bwinjà bene Yûda mweshi na ninyu bantu b’e Yeruzalemu, nâwe mwâmi Yozafati! Nyamubâho amubwîzire ntyâla: «Murhayôbohe, murhanarhemuke embere z’ogôla mwandu gw’abantu, bulya amatabâro garhali ginyu ci gali ga Nyamuzinda.

2 Nganîro 20:17

Murhaderhe mpu mwalwa muli eyo ntambala ci muyishe mucîyerekane munayimange ahôla, mwabona oku Nyamubâho amuyôkola wâni Yûda na nâwe Yeruzalemu. Murhayôbohaga murhanarhemukaga; irhondo muhuluke mubarhabâlire, na Nyamubâho amuyôkola wâni Yûda na nâwe Yeruzalemu. Murhayôbohaga murhanarhemukaga; irhondo muhuluke mubarhabâlire, na Nyamubâho abà haguma na ninyu.»

2 Nganîro 20:20

Okubundi erhi babà bamazûka sêzisêzi, bahuma enjira egenda ebw’irungu lya Tekowa. Amango bagendaga, Yozafati ali hali bo, anaciderha erhi: «Muyumve bene Yûda na ninyu bantu b’e Yeruzalemu! Mucîhire omu maboko ga Nyamubâho, Nyamuzinda winyu, muzibuhe, mubè ntahuligana; mucîhire omu maboko g’abalêbi bâge, mwanabona oku mwahima.»

2 Nganîro 24:20

Omûka gwa Nyamuzinda gwanacija muli Zakariya, mugala w’omudâhwa Yehoyada, anaciyisha ajà embere z’olubaga aderha erhi: «Ntyâla kwo Nyamuzinda adesire: Cirhuma mukazivuna amarhegeko ga Nyamubâho, na ntyo mubula kuyôloloka? Kulya kubà mwajandisire Nyamubâho, naye amamujandika.»

2 Nganîro 26:5

Acîhangana okulongereza Nyamubâho, amango ga Zekariyahu, ye wakazâgimuyigîriza oku arhînya Nyamuzinda na muli agôla mango akazâgilongereza Nyamubâho, Nyamuzinda amuhà okuyôloloka.

2 Nganîro 32:8

Ye, ayîshirirhabâlwa n’okuboko kw’abantu, ci rhwono Nyamubâho yêne ye warhuhêka omu kulwa kwîrhu». Olubaga lwacîkubagira bwenêne ebyôla binwa bya Yezekiyahu mwâmi w’e Buyahudi.

2 Nganîro 33:11

Lêro Nyamubâho anaciyisha abarhumire abarhambo n’engabo y’abalwî ba mwâmi w’e Asîriya, bagwârha Menashè n’ebyûma by’amîno-mîno n’erhi babà bamâmushwêka na ba caburhinda babirhi b’ecûma c’omulinga bamuhêka e Babiloni.

2 Nganîro 33:12

Erhi abà akola ali omu malibuko, arhondêra okushenga Nyamubâho, Nyamuzinda wâge acîrhôhereza embere za Nyamubâho Nyamuzinda wa b’îshe.

2 Nganîro 34:3

Omu mwâka gwa kali munâni kurhenga ali mwâmi, erhi abà akola ali mwâna wabona, arhangira okukazilongereza Nyamubâho, Nyamuzinda w’îshe Daudi, n’omu mwâka gwa kali ikumi na kabirhi arhondêra okukazirhenza ngasi hyanali hibî omu Yûda n’omu Yeruzalemu; arhenzamwo empêrero z’ahantu h’enyanya omu birhondo, enshanga, ensanamu zabinjagwa n’ezatulagwa.

Ezra 8:22

Bulya nakabwîne enshonyi z’okuhûna mwâmi nti arhurhumire engabo y’abasirika na banyakulwîra oku nfarasi mpu bajè barhucinga oku bashombayi bîrhu amango rhunali omu kubalama koshi, n’obwo rhwàli rhwamabwîra mwâmi oku: Okuboko kwa Nyamuzinda kulanga ebintu bya ngasi boshi banamulongereza, cikône emisî na obukunizi bwâge bunahonere oku bamulekêrera.

Ennanga 34:4

Mungwâse rhukuze Nyakasane, rhunagwâsanye izîno lyâge rhulihire enyanya.

Ennanga 53:2

Omuhwinja anaderhe, erhi: «Nyamuzinda arhahabà!» Bàhabusire, bàjizire eby’okugayîsa, ntâye ojira aminjà.

Izaya 45:19

Ntaderhaga bwifulikwè, omu hantu h’omu cihugo c’omwizimya, Ntabwîraga obûko bwa Yakôbo, nti: «Munongeze aharhankabonekana bici! Nie Nyakasane, nie nderha ebishingânîne, nie mmanyîsa eby’okuli!»

Izaya 51:1

Muyumvîrhize, mwe mushimba obushinganyanya, mwe mulongereza Nyakasane. Lolêrezi ibuye mwarhengagamwo n’enyenga mwakulagwâmwo.

Izaya 7:13

Lêro Yeshayahu amubwîra, erhi: «Yumvagi, wâni bene Daudi! Ka mubwînage oku okurhamya abantu kuli kunyi, obûla mwalonza okurhamya Nnawîrhu Nyamuzinda?

Yeremiya 2:17

K’orhabwîne okwo ene okola watwîka Nyakasane, Nyamuzinda wâwe?

Amosi 5:14

Mulonze aminjà, muleke amabî, lyo mulama, na ntyo Nyakasane Nyamuzinda w’Emirhwe âbà haguma ninyu, kulya munaderha.

Zakariya 1:3

“Nyakasane w’Emirhwe adesire ntya: Mugaluke emunda ndi -Nyakasane okudesire - nâni nâshubira emunda muli”.

Mibalè 14:42

Murhasôkeraga eyôla bulya Nyamubâho arhali ekarhî kinyu! Mumanye mwene mwarhuma mugendihimwa n’abashombanyi binyu.

Mibalè 14:43

Bulya omunya-Maleki na omunya-Kanâni bali embere zinyu, mwahungumukira eyôla n’engôrho ebwa kubà mwacîberwîre kuli Nyamubâho; Nyamubâho arhâbè haguma ninyu.»

Mateyo 13:9

Ogwêrhe amarhwîri g’okuyumva, ayumve!».

Lushika 20:1

Amango warhabâla mpu okola wajilwîsa abashombanyi bâwe, erhi wakabona enfarasi na ngâlè mwandu, na bantu banji kukulusha, orhayôbohaga bulya Nyamubâho, Nyamuzinda wâwe ali haguma nâwe, Ye wakuyinamulaga, akurhenza omu cihugo c’e Mîsiri.

Lushika 31:17

“Olwo lusiku lwonênè omungo gwâni gwabadubukirakwo, nâbalekêrera nambafulike obusù bwâni. Bâlîbwa n’amagala: malibuko manji na maganya manji gâbarhindakwo; kwo aderha olwo lusiku”, erhi: “K’arhakanabà obûla Nyamuzinda wâni arhali omu karhî kâni kwo kurhumire agâla mahanya gantindakwo?”

Lushika 4:29

Wabà oli eyo munda onalongereze Nyamubâho Nyamuzinda wâwe, wanamubona erhi wakamulonza n’omurhima gwâwe gwoshi n’omûkâ gwâwe gwoshi.

Bahabraniya 10:38

Ci omushinganya alama n’obuyêmêre, n’erhi ankashubira nyuma, omurhima gwâni gurhankacimubâkwo.

Bahabraniya 12:25

Mumanye mwankabula kwayumvirhiza izù ly’Oyo waderha. Bulya, akabà balya bàlahiraga okuyumva izù ly’oyu wabahanûlaga en’igulu bàrhafumaga obuhane, kuziga rhwêhe ntâkwo rhwankafuma, erhi rhwakagomera Oyo odwîrhe warhuhanûla kurhenga empingu.

Yakôbo 4:8

Yêgeri Nyamuzinda, naye a­mmuyegerera. Kalabi enfune zinyu, mwe banya-byâha; cêsi emirhima yinyu, ezi nderhera-habiri.

Yozwe 22:31

Pinhasi, mugala w’omudâhwa Eleazari, anacibwîra bene Rubeni na bene Gadi na bene Menashè, erhi: «Rhukolaga rhumanyire ene oku Nyakasane ali haguma nîrhu, bulya murhajizire obugoma embere za Nyakasane, mwayôkola ntyo bene Israheli oku bukunizi bwa Nyakasane».

Yozwe 24:20

Mukaleka Nyakasane, mukagenda okukolera abandi ba-nyamuzinda b’embuga, yêhe anacihindula kuli mwe, anabahenyera amabî, abaherêrekeze, ciru akabà alirhanziribajirira aminjà».

Mafulûlo 2:11

Ogwêrhe amarhwîri ayumve oku Mûka a­bwîzire Ekleziya: «Owânahime, olufù lwa kabiri lurhamujire kurhi».

Mafulûlo 2:17

Ogwcerhe amarhwîri ayumve oku Mûka abwîzire Ekleziya: «Owânahime, nâmuhè amâna gafulisirwe, nnamuhè ehibuye hyêru hiyandisirwekwo izîno lihyâhya, n’eryo izîno ntà wundi oliyishi aha nyuma ly’olihâbirwe».

Mafulûlo 2:29

Ogwêrhe amarhwîri ayumve oku Mûka abwîzire Ekleziya!

Mafulûlo 2:7

Ogwêrhe amarhwîri ayumve oku Mûka abwîzire Ekleziya: «Owânahime, nayamulîse oku murhi gw’obuzîne bubà omu hantu h’amasîma ga Nyamuzinda».

Mafulûlo 3:13

Ogwêrhe amarhwîri ayumve oku Mûka abwîzire Ekleziya!

Mafulûlo 3:22

«Ogwêrhe amarhwîri ayumve oku Mûka abwîzire Ekleziya!»

Mafulûlo 3:6

ogwêrhe amarhwîri ayumve oku Mûka abwîzire Ekleziya!

Bacîranuzi 10:13

Ci kwônene mwêhe mwagalindeka mwagendikolera abandi banyamuzinda, okwo kwarhuma ntà­ bayôkole lêro.

Bacîranuzi 9:7

Banacimanyîsa Yotami oku kwo byabîre ntyo; naye akanya, ajà oku ntondo Garizîmi, anacihamagaza, ayâma bwenêne aderha erhi: «Muyumve mwe­shi mwe barhambo b’e Sikemi! na Nyamubâho naye anyumve!»

1 Samweli 12:14

Mukarhînya Nyamubâho, munamukolere, mukanayumwa izù lyâge, n’akabà murhacicîhindwiri oku kanwa ka Nyamubâho, na kandi mwoyo, haguma n’oyo mwâmi winyu, erhi mwakashimba Nyamubâho, Nyamuzinda winyu, kuli kwinjà.

1 Samweli 12:15

Ci kwônene erhi mwakabula kushimba izù lya Nyamubâho, okuboko kwâge kwanamugombya nka kula kwagombagya ababusi binyu.