2 Nganîro 10:19 - BIBLIYA NTAGATIFU OMU MASHI

¹⁹ Ntyo kwo Israheli atwîkaga omulala gwa Daudi kuhika oku lusiku lw’ene.

2 Nganîro 10:19 ပူးပေါင်းရင်းမြစ်များ

2 Nganîro 10:16

Erhi Israheli yêshi abona oku mwâmi arhayumvîrhi, olubaga lwanacishuza mwâmi muli ebîra binwa mpu: «Bici rhufânwa na Daudi? Ntâbyo rhushangîra rhweshi na mwene Yese Owa omu mwâge Israheli! Bunôla wênene okazâgilanga enyumpa yâwe, Daudi!» Israheli acîshubirira omu mwâge.

2 Nganîro 5:9

Emirhamba yali egwêrhe obulî bwakazagirhuma amarhwerwe gâyo gabonekana embere ly’ahôla hantu hatagatîfu; ci kwônene erhakazâg’ibonekana embuga. Omucîmba gwabêra ahôla kuhika oku lw’ene.

Ezra 9:7

Kurhenga amango ga bashakulûza kuhika buno erhi n’omu mabî rhunali na byâha bîrhu byarhumaga rhuhêkwa bujà, rhwanyagwa, rhwabona enshonyi nk’oku binali ene.

Ennanga 89:30

iburha lyâge nâliyôlolosa lihabe ensiku n’amango, n’entebe yâge eyôrhe ehabà ak’ensiku z’oku nkuba.

Ezekiyeli 37:16

Nâwe, wâni mwene omuntu, yanka akarhi oyandike kuli ko erhi: «Kuli Yûda na kuli bene Israheli bacilunzire haguma naye». Yanka akandi karhî oyandike kuli ko erhi: «Kuli Yozefu: kali karhî ka Efrayimu na ngasi bandi ba omu mulala gwa bene Israheli bacilunzire haguma naye».

Yozwe 22:15

Erhi babà bamahika emwa bene Rubeni, emwa bene Gadi na cirya cihimbi ca bene Menashè, banacibabwîra, mpu:

Yozwe 4:9

Yozwè agwîka mabuye ikumi n’abiri halya bantu bali bayimanzire abadâhwa bali badwîrhe omucîmba gw’amalaganyo; ho ganacibà kuhik’ene.