2 Bâm 7:15 - BIBLIYA NTAGATIFU OMU MASHI

¹⁵ Banacilîkûla banacihika oku Yordani, bashimâna omulimbwa goshi guyunjwîre mishangi n’ebindi birugu Abanya-Sîriya bajaga bakabulira, emunda bashembukiraga bayâka. Zirya ntumwa zanacigaluka zayishimanyîsa mwâmi.

2 Bâm 7:15 ပူးပေါင်းရင်းမြစ်များ

2 Bâm 7:14

Banaciyanka ngâlè ibiri haguma n’enfarasi, mwâmi anacibarhuma mpu bakulikîre engabo y’e Sîriya, ababwîra erhi: «Mukanye mugendilola».

2 Bâm 7:16

Okubundi olubaga lwahuluka lwagendihâha omu cihando c’Abanya-Sîriya. Omurhemere gw’enshâno y’omûla gwakazifa sikêli nguma na mirhemere ibiri ya ngano konene sikêli nguma nka kulya akanwa ka Nyamubâho kanali kadesire.

Ayubu 2:4

Omushombanyi Shetani, erhi: «Aye! oluhù lufà lundi! Ebi omuntu agwêrhe byoshi anabijahike mpu ly’afungira amagala!

Muhanûzi 3:6

Habà amango g’okulongereza, n’amango g’okuheza; amango g’okubîka, n’ag’okukabulira.

Izaya 10:3

Lêro bici mwânajire olusiku lw’obuhane, amango obuhanya bwarhenga erhali hôfi bwâmmurhindakwo? Emwa ndi mwâyâkire lyo mubona oburhabâle? Ngahi mwabîke obuhirhi bwinyu?

Izaya 2:20

Olwo lusiku, abantu banarhôle enshusho z’amarhale n’amasholo za ba­nyamuzinda bâbo b’obwîhambe, zirya bône batulaga mpu bakâz’iziharâmya, bâzikwêbe amalindye na bakubukubu,

Izaya 22:24

“Ye irenge ly’enyumpa y’îshe lyoshi lyâmananakwo, ababusi n’abâna, n’orhulugu rhutya-rhutya, kurhenga orhubêhè kuhika oku rhubindi rhwa ngasi lubero”.

Izaya 31:7

Nêci, muli olwo lusiku, ngasi muguma âkabulira enshushano zâge z’amarhale n’ensanamu zâge z’amasholo, ezi mwatulaga n’amaboko ginyu manya-byâha”.

Ezekiyeli 18:31

Mulekage ebyâha binyu byoshi mwakazâgingayisamwo munarhôle omurhima muhyâhya n’omûka muhyâhya. Cici cirhumire wâcilongeza olufù, wâni mulala gw’Israheli?

Mateyo 16:26

Bici kwankakwânana omuntu okubà mwâmi w’igulu lyoshi erhi a­nkaheza omûka gwâge?

Bahabraniya 12:1

Co cirhumire nîrhu, obu rhuzungulusirwe n’ecitù cityo c’abahamîrizi, kukwânîne rhurhibe ngasi cihanzo, rhunaleke ebyâha birhuzonzire, rhugende bulibirha, rhuj’ilwa n’oburhwâli eyo ntambala rhurheganyizîbwe.