2 Bâm 6:17 - BIBLIYA NTAGATIFU OMU MASHI

¹⁷ Elishaʿ ashenga anaciderha erhi: «Nyakasane, obwîkûle amasù gâge, lyo ahashibona». Nyakasane anacibungula amasù g’olya mwambali wa Elishaʿ, anacibona, alangira entondo yoshi eyunjwîre nfarasi n’engâlè z’omuliro eburhambi bwa Elishaʿ.

2 Bâm 6:17 ပူးပေါင်းရင်းမြစ်များ

Murhondêro 21:19

Nyamuzinda arhenza olubwibwi omu masù ga Hagari, alangira iriba. Akanya aj’idôma abumba ehibindi, anaciywesa omugala.

Murhondêro 32:1

Labani azûka sêzi sêzi, ahôbera abâna bâge n’abâli anabagisha. Okubundi Labani agenda ashubira emwâge.

Murhondêro 32:2

Yakôbo naye arhôla enjira yâge, lêro anacirhinda kuli bamalahika ba Nyamuzinda.

Murhondêro 32:3

Erhi ababona, aderha, erhi: «Lwanabâ lugamba lwa Nyamuzinda luno»; n’aho ahayîrika izîno lya Mahanayini.

2 Bâm 2:11

Banacijà balambagira banashambâla, caligumiza babona engâlè y’omuliro n’enfarasi z’omuliro: zababerûla ngasi muguma olwâge lunda, Eliya anacihêkwa emalunga omu karhî k’empûsi ya kalemêra.

Ennanga 104:3

Amalunga we wagakanûlaga nka lukangà, wayûbakira empamikwa zâwe oku nyanya z’amîshi. Ebitù wabijira ngâlè yâwe, byûbi bya bitù oyishakwo.

Ennanga 104:4

Empûsi wazijira ntumwa zâwe n’engulumira bashuba baganda bâwe.

Ennanga 119:18

Ozibûle amasù gâni, mbonemwo obwinjà bw’irhegeko lyâwe.

Ennanga 125:2

Kula Yeruzalemu entondo zimugosire, kwo na Nyamuzinda agosire olubaga lwâge buno n’ensiku zoshi.

Ennanga 34:7

Lâba oku ow’obuligo ashuba ayâkûza, na Nyakasane ayumva amurhenza omu buligo.

Ennanga 68:17

Mwe birhondo by’entuli, cici cirhumire mwayâgalwa n’entondo Nyamuzinda àcîshozire mpu ayûbakekwo? Eyi àcîshozire mpu abêrekwo ensiku zoshi?

Ennanga 91:11

Kulya kubà àkuhizirekwo abaganda bâge, mpu bakulange omu njira zâwe zoshi.

Ennanga 91:15

Ampamagala mmuyumve, akajakw’embaka erhi rhwe naye rhunali, namukulakwozo nnamuhè irenge.

Izaya 42:7

“Lyo ozibûla amasù g’emihûrha, orhenze abashwêke omu mpamikwa n’abali omu ndunduli y’omwizimya obashwêkûle”.

Daniyeli 10:7

Niono Daniyeli niene nabonekîrwe, ci abantu rhwàli rhweshi barhabonekeragwa, ci bàrhungwa n’ecôbà, bacilibirhira, bayâka, bajicîfulika.

Zakariya 1:8

«Ene budufu nakâg’ilôrha. Nabona omuntu oshonyire oku citerusi c’akaduku. Al’iyimanzire ekarhî k’ecishakashaka c’emilukuluku yàl’imezire omu lubanda. Enyuma zâge yali ebindi biterusi, eby’akaduku, eby’akakumbi n’eby’akêru.

Mibalè 22:31

Nyamubâho anacibwîkûla amasù ga Balâmu. Abona olya Malahika wa Nyamubâho, ali afumbasire engôrho nyômole. Afukamiriza akumba bûbi.

Mateyo 26:53

Ka omanyire mpu ntankahûnyire Larha antumire ho n’aho rhutù ikumi na rhubiri rhwa bamalahika?

Ebijiro 26:18

lyo obahûrhûla amasù, barhenge omu mwizimya, bajè ebwa bulangale, baleke okushiga shetani, bashige Nnâmahanga; na ntyo, obuyêmêre banyêmêra burhuma, bababalirwe ebyâha byâbo banashobôle okuyish’iyîma haguma n’abatagatîfu.

Befezi 1:18

Mâshi a­mmumolekere amasù g’omurhima, mubone bulangâlire buci mwahamagalîrwe na buhirhi buci bw’irenge akashambala kâge kammubîkîre omu karhî k’abatagatîfu,

Bahabraniya 1:14

Ka boshi barhali myûka erhegesirwe okujira oburhumisi, erhumirwe bujà-bugo mpu erhabâle abayish’iyîma omu bucire?

Mafulûlo 19:11

Okuhandi nalangîra amalunga gali mîgule, nabona n’eciterusi c’akêru, Owali ocitamîrekwo ye «Mudarhebana», ye na «Mutabêsha», arhanalyâlyanya nk’atwa olubanja na nk’alwa entambala.

Mafulûlo 19:14

Emirhwe y’abalwî b’omu malunga erhi emukunjusirekwo, n’erhi bashonyire oku biterusi byêru, banayambîrhe emyambalo myêru kwêru y’ecitâni.

Mafulûlo 3:7

Malahika w’Ekleziya y’e Filadelfiya omuyandikire, erhi: «Kwo adesire ntyâla Omwimâna, Nn’okuli, oly’ojira akahamikizo ka Daudi: ohamûla olurhankacihamikwa, onahamika olurhankacihamûlwa.