2 Bâm 5:1 - BIBLIYA NTAGATIFU OMU MASHI

¹ Nahamani murhambo mukulu w’engabo z’abasirika ba mwâmi w’e Sîriya, abâga murhonyi bwenêne emwa nawâbo, muntu mugale na wa kukengwa, bulya ye Nyakasane acizagyamwo abantu b’e Sîriya; ali mulume wa ntwâli ci konene erhi anali wa lushomyo,

2 Bâm 5:1 ပူးပေါင်းရင်းမြစ်များ

2 Samweli 3:29

“Mâshi ogwo mukò guyandagalîre oku irhwe lya Yowabu n’oku mulala gw’îshe goshi, mâshi! Irhondo omu mwa Yowabu murhacibulikanaga owalwâla omushunzi, olushomyo, n’abakenyi bagedera oku karhi bajà bahûnahûna, bagukumuke n’engôrho nîsi erhi n’ishali.”»

2 Bâm 4:8

Lusiku luguma Elishaʿ anacigera e Shunemi, eyôla munda yàbâga omukazi w’omuhirhi, nyamukazi anacimusêza mpu ajirya aha mwâge; na ngasi mango erhi acigeraga anajiliraho.

2 Bâm 5:2

Cigabi ciguma c’abantu b’e Sîriya banacikanya bagendinyaga, erhi bashûbûka, bayisha badwîrhe mpira hinyere higuma hy’omu cihugo c’Israheli, ehyo hinyere hyagendikakolera mukà Nahamani.

2 Bâm 5:27

Ci kwône olushomyo lwa Nahamani lukola lwakujakwo we n’obûko bwâwe ensiku zoshi. Gehazi erhi amurhengaho ali akola ayunjwîre lushomyo, mwêru mwêru nka lubula.

2 Bâm 7:3

Muli agôla mango aha muhango hali balwâla bâni ba lushomyo, banacibwîrana mpu: «Carhuma rhubêra aha kuhika aha kufà kwîrhu.

Esteri 10:3

Bulya Omuyahudi Mardokeyo ali akola wa burhanzi enyuma za mwâmi Asuerusi; ali muntu mukulu omu masù g'Abayahudi, ali asîmirwe na bene wâbo mwandu, akazâg’ilonza aminjà g’olubaga lwâge loshi na ngasi mango ebi nwa byâge byàbâga bya murhûla oku ishanja lyâge. 3 (a) Mardokeyo anaciderha, erhi: Nyamuzinda yêne wajiraga ebyôla byoshi! 3 (b) Bulya nkakengera ecilôrho nabwîne kuli okwôla, nambone oku ntà ci nwa ciru n’eciguma cagezire cirhanabaga oku calitwîrîrwe. 3 (c) Ciru n’iriba lisungunu lyabaga lwîshi lunene, ciru n’akamole kamoleka, ciru n’izûba, ciru n’amîshi manji. Olwo lwîshi lunene ye Esteri wayankagwa na mwâmi, anajirwa mwamikazi. 3 (d) Empangaza ibirhi zàli nie rhweshi na Hamani. 3 (e) Amashanja galimwo balya boshi bashûbûzanyagya mpu baherêrekeze Abayahudi. 3 (f) N’olubaga lwâni ye Israheli walakiraga emunda Nyamuzinda ali anayôkoka. Nêci Nyakasane acizize olubaga lwâge na nîrhu rhwêne arhuyôkola muli agôla malibuko. Nnâmahanga ajizire ebisômerîne n’ebirhangâzo binji birhasâg’ibo nekana bundi omu gandi mashanja. 3 (g) Co carhumaga arheganya njira ibirhi: njira nguma oku lubaga lwâge n’eyindi oku gandi mashanja goshi. 3 (h) Ebyôla byanabîre omu mango gâbyo nk’oku Nnâmahanga anali alâlîre oku mashanja goshi. 3 (i) Lêro Nyakasane anaciyîbuka olubaga lwâge n’omwîmo gwâge agutwîra olubanja. 3 (j) N’ezôla nsiku ibirhi olw’ikumi na kani n’olwa kal’ikumi na karhanu z’ogwo mwêzi gw’Adari, zaba nsiku z’okushûbûzanya, z’obusîme, na z’omwîshingo munene embere za Nyamuzinda, oku ngasi bûko bwâbo na ngasi mango omu Israheli lwo lubaga lwâge. 3 (k) Omu mwâka gwa kani kurhenga Ptolemeyo ali mwâmi boshi na Kleopatri, Dositeyo, muntu wakazâg’iciderha mpu ali mudâhwa w’omu bûko bwa Levi kuguma boshi n’omugala Ptolemeyo, banaciyisha badwîrhe agâla maruba gashambîre oku Purimu; banaciderha mpu gali maruba g’okunali, mpu gayandikagwa na Lisimako mugala wa Ptolemeyo w’e Yeruzalemu.

Esteri 9:4

Mardokeyo ali akola alengerîre oku mwâmi n’irenge lyâge lyanaja lyalumira ngasi cihugo. Bulya obuhashe bw’oyôla Mardokeyo bwajaga bwayûshûka ko nene.

Lubungo 11:3

Nyakasane arhabâla olubaga okurhona emwa Abanya-Mîsiri. Na kulusha, Mûsa yêne ali muntu mukulu bwenêne omu cihugo c’e Mîsiri, omu masù ga bambali ba Faraoni mwâmi w’e Mîsiri n’omu masù g’olubaga.

Migani 21:31

Olusiku lw'okulwa, abantu biterusi barheganya, ci kwône Nyamuzinda ye boshi banasengera mpu abahimire.

Luka 4:27

Na bashomyo banji bâli omu Israheli amango g’omulêbi Elizeyo; ntâye ciru n’o­muguma wafumizwe muli bo, ci Nahamani yêne w’e Sîriya».

Yowane 19:11

Yezu amushuza, erhi: «Ntà buhashe wankambwînekwo, acibâga orhabuhâbagwa kurhenga enyanya. Co cirhumire ecâha c’owampânaga omu maboko gâwe cilushire ecâwe».

Barom 15:18

Bulya ntâko nakahalîzize okuderha ebi Yezu Kristu arhanjirisagya mpu lyo abapagani bayumva, omu nderho n’omu bijiro,

2 Bakorinti 12:7

Lyo n’obukulu bw’ebyo banfulûliraga burhag’irhuma nacîbona, bampeba akababo omu mubiri, kali nka ntumwa ya Shetani ekaz’intimba ebifundo.

Lushika 2:37

Ecihugo ca bene Amoni côki arhahikagakwo, kwo kuderha amarhambirhambi g’omugezi gwa Yaboki n’emirhundu y’oku ntondo, na ngasi hindi Nyamubâho, Nyamuzinda wîrhu àli àhanzize.