2 Bâm 3:14 - BIBLIYA NTAGATIFU OMU MASHI

¹⁴ Elishaʿ anacishuza erhi: «Alame Nyakasane oyu nyimangîre embere zâge! Nka ntali mbabalire Yozafati, mwâmi w’e Yûda, ntankakushibirîre ntankanakulozirekwo.

2 Bâm 3:14 ပူးပေါင်းရင်းမြစ်များ

1 Bâm 17:1

Eliya w’e Tishibiti omu Galadi abwîra Ahabu erhi: «Nyakasane Nyamuzinda w’Israheli, oyu nkolera, ye ndahîre. Mw’eyi myâka yoshi, harhabà lumè, harhabè nkuba nka ntacikuderha.»

1 Bâm 18:15

Eliya amushuza erhi: «Alame Nyakasane Nyamuzinda w’Emirhwe, oyûla nkolera bwaca bwâyira, en’ene naciyêreka Ahabu.»

1 Bâm 21:20

Ahabu anacibwîra Eliya, erhi: «Nêci wamanangwâsagya bulya wâni mushombanyi wâni!» Eliya, erhi: «Namakugwasa bulya wacîguzize ene ojira okugalugalu embere za Nyakasane.

2 Bâm 5:16

Elishaʿ anacimushuza erhi: «Alame Nyakasane oyûla nyimanzire embere zâge! ntâyêmêre»! Anacimusêza bwenêne ci nyamulêbi acîlahirira.

Ennanga 15:4

Anagayaguze omuherêra, akenge abarhînya Nyamuzinda. Ebi acîgashiraga, arhankacibigashûla, ciru ankahona;

Yeremiya 1:18

Lâba oku niene nkuyimanzize ene nka murhundu muyûbakire, nka mutungo gwa cûma na nka côgo ca marhale, omu masù g’eci cihugo coshi: abâmi ba Yûda n’abaluzi bâge, abadâhwa bâge n’olubaga lw’ecihugo.

Mateyo 22:16

Banacirhuma abaganda bâbo n’Abaherodi mpu bamubwîre, mpu: «Muyigîriza, rhuyishi oku oderha okuli n’oku enjira ya Nyamuzinda onayiyigîrize nka oku enali, orhanajira kabôlo kuli ndi, bulya orhalola ola ye ndi omu bantu.