2 Bâm 25:4 - BIBLIYA NTAGATIFU OMU MASHI

⁴ Bahumba omwîna omu lugo, engabo y’abalwî yoshi yasheshereramwo yayâka: budufu yagera omu muhango gw’ekarhî ka byôgo bibiri olu nda lw’ishwa lya mwâmi, erhi n’engabo y’Abakaldeya enagosire ecihugo. Mwâmi agera omu njira y’e Araba.

2 Bâm 25:4 ပူးပေါင်းရင်းမြစ်များ

2 Bâm 25:5

Ci konene eyôla ngabo y’abanya-Kaldeya yanacishimba mwâmi, yamugwârhira omu kabanda ka Yeriko, engabo yâge yoshi yayâka yamusiga yênene.

2 Nganîro 32:5

Yezekiyahu ajamwo oburhwâli, arhondêra okushubija ayûbaka olukûta lwàli lwamaja lwahongoka, anashakâla n’enkingi zoshi; ayûbaka n’olundi lukûta eburhambi bw’olugo, anacizibuhya Milo omu lugo lwa Daudi; atulîsa emirasano mwandu n’empenzi.

Nehemiya 3:15

Shalunu, mugala wa Kalohoze, murhambo w’ecihugo ca Mispa, ashakûlula omuhango gw’Iriba, agubwîkira, ahirakwo enyumvi, orhukomyo n’emirirango. Ashub’iyûbaka olukûta lw’iriba lya Silowè, hôfi n’obusâni bwa mwâmi, kuhika oku mashonezo gayandagalire ebwa lugo lwa Daudi.

Izaya 22:11

Mwanaciyûbaka ecibîkiro ekarhî k’enkûta zombi, mpu lyo mushâhulizamwo amîshi g’eciyanja ca mîra. Ci murhaciderhaga mpu mwayêrekeza amasù emw’olya okola ebyo byoshi, olya wabirheganyagya kurhenga mîra, murhamubonaga.

Izaya 22:3

Abarhambo b’abasirika bâwe bacîyâkîre boshi caligumiza, bagwârhwa n’abafôla emiherho; abantu bâwe boshi bàbagwârhîre mpira haguma bâli bakola mpu bayâkira kulî.

Yeremiya 32:4

Ciru na Sedekyahu, mwâmi w’e Yûda arhashugunuke bene Kalideya, ahimwa banamugwârhe mpira bamuhêke agendisamba emalanga ga mwâmi w’e Babiloni ye nene, bakazilolana omu masù, amushuze n’ebi amudôsa byoshi.

Yeremiya 34:3

“Nâwe orhafume bulyâla bakugwârha mpira bakugwâse omu ikumi ly’eminwe yâge. Okazilâba mwâmi w’e Babiloni omu masù naye akazikuderhêza mâsi-mâsi. Buzinda bakujâne e Babiloni”.

Yeremiya 38:18

Ci erhi wakanabà orhahulusiri okaciheka emwa abarhambo ba mwâmi w’e Babiloni olu lugo erhi lwamanagwa omu nfune za abantu b’e Sîriya, bo bânaludûlika muliro, nâwe wêne orhafulumuke omu nfune zâbo».

Yeremiya 4:17

bagosire Yeruzalemu nka balanzi b’ishwa, kulya kubà angomîre, Kanwa ka Nyakasane.

Yeremiya 4:29

Omu kuyumva ecihôgêro c’abâli oku nfarasi n’abafumbasire emiherho, ecihugo coshi càyâsire: bayâkire oku mashaka, bàshona n’oku mabuye; Ntà lugo lusigîremwo omuntu.

Yeremiya 44:30

“Ntya kwo Nyakasane adesire: Loli oku nâhana Faraoni mwâmi w’e Mîsiri Hofra, mwâmi w’e Mîsiri, nâmuheba omu nfune z’abashombanyi bâge n’eza halya barhamumirira marhî, nka kulya nahânaga Sedekyahu, mwâmi w’e Yûda, omu nfune za Nabukondonozori. mwâmi w’e Babiloni, mushombanyi wâge, arhàmulongezagya kalamo”».

Yeremiya 5:10

Musôkere oku nyanya mushâbe, mukondagule muhebe oku idaho. Emizâbîbu muyishugule bulyâla erhali ya Nyamuzinda.

Ndûlù 1:3

Yûda amâhêkwa ihanga lya bene mpu alibuzibwe n’okulembera obujà: Ayûbasire ekarhî k’entakembûlwa, ntà bushagaluke agwêrhe. Abakagimulibuza boshi bàmugwanyanyize bamugwârhira omu maganya gâge.

Ndûlù 1:6

Siyoni amâbona oku ebyakagirhuma aj’irenge byagenda. Abarhambo bâge bakola bali nka rhushafu rhwabuzire akahasi rhwakera, rhulya rhwajà rhwayâka omuhivi rhurhanacigwêrhi misî ya kulibirha.

Ezekiyeli 12:12

“N’omuluzi obali mwo abarhula omuzigo gwâge aha lurhugo, agende omu mwizimya, agere omu lukûta barhulaga mpu ho bagera, acibwîkira obusù lyo arhagibona ecihugo, n’amasù gâge”.

Ezekiyeli 12:14

“Na balya boshi bamulamusize, balya boshi bakazâg’imulanga, emirhwe yâge yoshi nâyishandabanya balumîre mpande zoshi, na mbayomolere engôrho omu nyuma zâbo”.

Ezekiyeli 12:4

Oshane ebikunga byâwe nka muntu mukâge, owagenda mâshi erhi banabona. W’oyo, wânahuluka bijingo erhi banadwîrhe bakubona, nka kula abakage banagenda.

Ezekiyeli 33:21

Omu mwâka gwa kal’ikumi na kabirhi kurhenga rhuli rhuhêsirwe bujà, omu mwêzi gwa kal’ikumi na kabirhi, omu nskiku irhanu z’omwêzi, omuntu wayishaga ayâka kurhenga e Yeruzalemu ayisha ambwîra, erhi: «Olugo lwa­nyazirwe!»

Ben Levi 26:17

Nammuyâsa obusù bwâni, munakaz’ihimwa n’abashombanyi binyu n’abammushomba babà bo bakammurhegeka, mugal’ikaz’iyaka n’obwo ntâye omurhezire.

Ben Levi 26:36

Amahungâ gankasigalamwo, nagahira goshi ecôbà emurhima, omu cihugo c’abashombanyi binyu: omusâgasa gw’ehyâsi gwône gurhume bakûla omulindi, balindimuke nka abayâka engôrho, bajè bakulumba n’obwo ntâye obashimbire.

Zakariya 8:19

«Mmubwîzire nti okucîshalisa kw’omwêzi gwa karhanu, okw’ogwa kali nda n’okw’ogwa kal’ikumi, kurhenga ene kukola kwahinduka nsiku nkulu ziyunjwîre masîma n’omwîshingo oku lubaga lwa Yûda. Cikwône kulusha byoshi mulongereze okuli n’omurhûla.»

Lushika 28:25

Nyamubâho akazikujira okwâmwe n’abashombanyi bâwe: òkola warhabâla ogende mulongojira, ogaluke wayisha wabayâka mihanda erhabugânana, wâbà namakobwa oku mâmi g’igulu goshi.

Lushika 32:30

Kurhi omuntu muguma akakânana ecihumbi, n’ababirhi kurhi bakatundulika ebihumbi ikumi, kuleka kulya kubà ibâle lyâbo lyabaguzize, na kulya kubà Nyamubâho abarhibiremwo?