2 Bâm 24:14 - BIBLIYA NTAGATIFU OMU MASHI

¹⁴ Agukumba Yeruzalemu yêshi, abarhambo boshi, abalwî boshi, bantu bihumbi ikumi bagukumbwa, kuguma n’abalangaga n’abatuzi, barhasigalaga abarhali balya bantu banyi banyi bônene b’omu cihugo.

2 Bâm 24:14 ပူးပေါင်းရင်းမြစ်များ

2 Bâm 24:16

Kuguma asâbunga n’abalwî, bantu bihumbi nda, asâbunga abatuzi n’abandi ba obulenga, bantu cihumbi ngasi zanali ntwâli omu kulwa, mwâmi w’e Babiloni abaheka bujà e Babiloni.

2 Bâm 25:12

Oyo murhambo w’engabo, aleka obuhinzi butya butya bônene bw’ecihugo mpu bukazihinga emizâbîbu n’amashwa.

1 Nganîro 9:1

Bene Israheli boshi baliyandisirwe ngasi mulala kwâgo omu citabu c’abâmi b’Israheli n’ab’e Yûda; ci kwône balulizibwa e Babiloni erhi kugomera Nyamuzinda kurhuma.

Ezra 2:1

Alaga engabo y’abantu bahêkagwa bujà na mwâmi Nabukondonozori mwâmi w’e Babeli, amango bagwârhagwa mpira, kandi bashub’iyagaluka, bashubira e Yeruzalemu omu Buyahudi, ngasi muguma omu cishagala câge.

Nehemiya 1:2

Hanani, muguma muli bene wîrhu anaciyisha ali n’abantu b’e Buyahudi. Nabadôsa emyanzi eyêrekîre Abayahudi ba shwekûlagwa, barhenga bujà n’oku biyêrekîre Yeruzalemu.

Esteri 2:6

Ali muntu wayîshaga adwîrhwe mpira kurhenga e Yeruzalemu, kuguma na balya bandi bayishaga badwîrhwe haguma na Yekoniasi, mwâmi w’e Yûda; mwâmi Nabukondonozori erhi ye oyîmire omu Babiloni, abaluliza.

Izaya 3:2

entwâli n’omulwî, omutwî w’emmanja n’omulêbi, omushonga n’omugula,

Yeremiya 27:20

“biryâla birhahagulagwa na Nabukondonozori, mwâmi w’e Babiloni, amango ahêkaga bujà kurhenga e Yeruzalemu kujà e Babiloni, Yekonyahi mwene Yehoyakimu, mwâmi w’e Yûda (ye n’abarhambo b’e Yûda na Yeruzalemu)”.

Yeremiya 28:4

“Kwo na kwo, Yekonyahu mwene Yehoyakimu, mwâmi w’e Yûda, ye bo na abalulizibagwa kurhenga e Yûda mpu bajè e Babiloni, nâjira bagaluke aha, kanwa ka Nyakasane, bulyâla nkola nashangula omucîmba gwa mâmi w’e Babiloni”».

Yeremiya 29:2

Mwâmi Yekonyahu ali amârhenga e Yeruzale­mu ye bo n’omwâmi-kazi n’ebibwindi, n’abasahizi b’e Yûda n’e Yeruzalemu, n’abatuzi n’ababinji.

Yeremiya 39:10

Cikwône Nebuzardani, murhambo w’engabo y’abalâlîzi asiga omu cihugo ca Yûda ecihimbi c’abantu kwône, balya barhagwêrhe cici, anabagabira enkoma z’emizâbîbu n’amashwa.

Yeremiya 40:7

Abarhambo b’engabo z’abalwî, bo n’engabo zâbo, bâli baciri omu matabâro, bayumva oku mwâmi w’e Babiloni anajizire Gedalyahu, mugala wa Ahikamu, murhegesi w’ecihugo, n’oku anamuhîre okurhegeka abalume, abakazi n’abâna n’engabo y’abantu b’omu cihugo, balya barhahêkagwa e Babiloni.

Yeremiya 52:16

Ci­ kwône àleka obuhinzi butya bw’ecihugo mpu bukahinga bunakakolôlera e­nkoma.

Yeremiya 52:28

Alaga omubalè gw’abantu Nabukondonozori alulizize: omu mwâka gwa kali nda gw’obwâmi bwa Nabukondonozori: Buyahudi bihumbi bisharhu na makumi abirhi na basharhu;

Ezekiyeli 17:14

lyo obwâmi buyôrha busungunu bulya burhacîhambira kukula lyo ahasha okulanga endagâno yâge arhayivune.

Ezekiyeli 17:3

oderhe, erhi: Ntyâla kwo adesire Nyakasane Nyamubâho: Enyunda nnene, ya byûbi birîbirî na ya mujunja mulîrî, eyàli eyunjwîre môya ga ngasi ibara, yanacija e Libano, yanacigwa aha irhwe ly’omurhi gw’omuyerezi.

Mateyo 1:11

Yoziyasi anaciburha Yekoniya n’abalumuna, erhi bali omu bujà bw’e Babiloni.

Mateyo 1:12

Erhi barhenga omu bujà, Yekoniya aburha Salatiyeli; Salatiyeli anaciburha Zorobabeli.

Mateyo 1:17

Amâburha goshi, kurhenga Abrahamu kuhika Daudi, gali ikumi n’anni. Kurhenga Daudi kuhika oku bujà bw’e Babiloni, gandi maburhwa ikumi n’anni. Kurhenga omu bujà bw’e Babiloni, kuhika omu maburhwa ga Kristu, gandi maburhwa ikumi n’anni.

Lushika 28:36

W’oyo n’omwâmi wayîmika, Nyamubâho akuhêka omu ishanja orhayishi, ôli we, ôli basho, eyo munda wagashanizayo banyamuzinda bandibandi, ab’omurhi n’ab’ibâle.

1 Samweli 13:19

Muli agôla mango, omu Israheli murhabâga mutuzi n’omuguma, bulya Abafilistini bali erhi bàdesire mpu irhondo mumanye Abayahudi bakatula engôrho nîsi erhi amatumu.