2 Bâm 24:11 - BIBLIYA NTAGATIFU OMU MASHI

¹¹ Nabukondonozori mwâmi w’e Babeli ajà e mbêre z’olwo lugo engabo yâge yali elugosire.

2 Bâm 24:11 ပူးပေါင်းရင်းမြစ်များ

2 Bâm 24:10

Mw’agôla mango engabo ya Nabukondonozori mwâmi w’e Babiloni, yarhenga e Yeruzalemu, yanacigorha ecishagala.

2 Bâm 24:12

Okubundi Yoyakini ahuluka ajà emunda olya mwâmi w’e Babiloni ali, yêne, nina, abambali, abagula bâge, n’enshangi zâge, naye olya mwâmi amugwârha mpira, mwâli omu mwâka gwa kali munâni kurhenga ali mwâmi.

Izaya 29:3

Nkolaga natwa icumbi omu marhambi gâwe mwoshi, nka kula Daudi ajiraga, nkugorhe nnankufukire enjira y’okuhûna oburhabâle.

Izaya 36:17

“kuhika nyîsh’immurhôla, mmuhêke omu cihugo nk’eci cinyu, cihugo ca ngano n’idivayi, cihugo ca mugati n’emizâbîbu”.

Ezekiyeli 17:12

Obwîre ogwôla murhwe gw’abagoma, erhi: Ka murhamanyirikwo kuderha kuci okwôla? Oderhe, erhi: Loli oku omwâmi w’e Babiloni ajire e Yeruzalemu; arhenza yo mwâmi n’abaluzi anacibahêka emwâge e Babiloni.

Ezekiyeli 19:8

Amashanja gamurhabâlira, byo ebihugo by’eburhambi; banacimurhegeka n’akasira, anacigwârhirwa omu mwîna gwâbo.