2 Bâm 21:7 - BIBLIYA NTAGATIFU OMU MASHI

⁷ Erya nshanga akomaga ayihira mulya nyumpa yarhumaga Nyamubâho abwîra Daudi n’omugala Salomoni erhi: «Mw’eyîra nyumpa n’omwôla Yeruzalemu mwo nacîshozire omu mashanja ga bene Israheli goshi nti mwo nahira izîno lyâni ensiku zoshi.

2 Bâm 21:7 ပူးပေါင်းရင်းမြစ်များ

2 Samweli 7:13

“Oyo mwâna ye wayîsh’iyûbaka enyumpa oku izîno lyâni, nâni nayîmânika obwâmi bwâge busimbe ensiku zoshi”.

1 Bâm 8:29

“Ntyôla Yâgirwa amasù gâwe gakayôrha gali kuli eyîra nyumpa eyi wêne waderhaga erhi: Ahôla ho irenge lyâni lyakabonekera omu kuyumvîrhiza amahûno ga mwambali wâwe bunôla adwîrhe ahûna muli eno nyumpa yâwe”».

1 Bâm 8:44

Olubaga lwâwe mango lukakomekera mpu lukola lwajà oku matabâro, lwagend’ilwîsa abashombanyi bâlwo, omwôla njira banali erhi bankanashenga Nyakasane bayêrekera ebw’olûla lugo wacîshogaga wêne n’ebw’eyîra nyumpa nayûbakaga.

1 Bâm 9:3

Nyakasane anacimubwîra, erhi: «Nayumvîrhe omusengero n’amahûne gâwe embere zâni; nagishire eyîra nyumpa wayûbakaga mpu izîno lyâni likayôrha lirimwo ensiku zoshi n’omwo mwo amasù n’omurhima gwâni byakaz’iyôrha biri ensiku zoshi.

1 Bâm 9:7

narhenza Israheli omu cihugo namuhâga, eyo nyumpa nagishaga okw’izîno lyâni nanayilangabûla embere zâni, kandi Israheli anabà masheka na lwimbo omu gandi mashanja.

2 Bâm 16:11

Omudâhwa Uriya anaciyûbaka lulya luhêrero, omudâhwa. Uriya anayunjuza lulya luhêrero omu kushimba kulya Akazi arhumaga erhi ali aha Damasko, alubumba embere mwâmi arhenge e Damasko.

2 Bâm 21:4

Ayûbaka empêro omu ka-Nyamuzinda kalya karhumaga Nyamuzinda aderha erhi: «Aha Yeruzalemu ho nahira Izîno lyâni».

2 Bâm 23:27

Nyamuzinda anaciderha erhi: «Nkola naherêrekeza Yûda naye nka kulya naherêrekezagya Israheli n’olûla lugo lwa Yeruzalemu nali namacîshoga nalo naluleka, kuguma n’eyi nyumpa nali ndesire nti mwo nahira izîno lyâni».

2 Bâm 23:4

Mwâmi arhegeka omudâhwa mukulu Hilkiyahu n’owamulondaga omu bukulu kuguma n’abalanga emihango, mpu bakûle omu ka-Nyamuzinda ngasi bintu banali bahirîremwo Baali, erya nshanga, abandi bazimu ba emalunga; banacigendibiyôkera enyuma lya Yeruzalemu omw’ishwa lya Kedroni n’oluvù lwâbyo bagendilubulagira e Beteli.

2 Bâm 23:6

Omu ka-Nyamuzinda bakulamwo erya nshanga, bagendiyikwêba kuli na Yeruzalemu omu mugezi gwa Kedroni; babiyôkera omwôla mugezi gwa Kedroni na erhi babà bamayijira luvù balukabulira aha bakazâgibisha eyindi mifù y’abantu barhishîbwi omu lubaga.

2 Nganîro 33:15

Arhenza omu ka-Nyamubâho balya banyamuzinda b’embuga, arhenza mwo n’erya nsanamu y’omuzimu kuguma n’empêrero ajaga ayûbaka oku ntondo y’aka-Nyamubâho aha Yeruzalemu agendikweba kuli n’olugo.

2 Nganîro 33:7

Ahira ensanamu y’omuzimu ajiraga omu ka-Nyamuzinda, kalya Nyamuzinda yêne abwîraga kwo Daudi n’omugala Salomoni erhi: «Muli eyîra nyumpa, n’omûla Yeruzalemu mwo nacîshozire e mwa bene Israheli boshi, oku mwo nahira izîno lyâni ensiku zoshi.

2 Nganîro 6:6

Ci kwônene nacîshozire Yeruzalemu nti mwo mwabêra izîno lyâni, nanacîshoga Daudi nti arhegeke olubaga lwâni lw’Israheli».

2 Nganîro 7:12

Nyamubâho abonekera Salomoni budufu amubwîra erhi: «Nayumvîrhe omusengero gwâwe nanacîshozire ahâla hantu habè nyumpa yâni y’enterekêro.

2 Nganîro 7:16

“Bunôla, ncîshozire nangishire eyîra nyumpa lyo izîno lyâni liyôrha lirimwo ensiku zoshi, n’ahôla, amasù gâni n’omurhima gwâni byakaziyôrha bihali”.

2 Nganîro 7:20

“nanabarhenza muli eri idaho nabahâga, eyîra nyumpa nagishaga oku izîno lyâni, nanayikûla embere z’obusù bwâni, nyijire masheka na mugani omu mashanja goshi”.

Nehemiya 1:9

“ci nka mwankanashub’iyagalukira emunda ndi, mukanashub’ishimba amarhegeko gâni, mukanakaz’ijira oku ganamuhûnyire, ciru akabà mwashandîre kuhika ebuzinda bw’igulu, nanashub’ibashubiza halya hantu nacîshogaga nti ho nahira Izîno lyâni”.

Ennanga 74:2

Kengêra lulya lubaga wacîshogaga kurhenga mîra, gulya mulala wacungulaga mpu gubè gwâwe, kengêra na kulya wacîshogaga entondo ya Siyoni onagwîkakwo entebe yâwe.

Ennanga 78:58

Bamujira burhè n’empêro zâbo z’oku ntondo, n’ebishanga byâbo byamuzûkiza obwonganwa.

Yeremiya 32:34

“Ci bwenêne, bàlêrha enshusho zâbo omu ka-Nyamuzinda kâni. Bàka­shahula kwoshi bàkahemula”.

Yeremiya 7:30

Nêci, bene Yûda bakozire ebi nshomba, ye kudesire Nyakasane. Bàgwasize ebikabulirwa byâbo omu ka-Nyamuzinda kaderhwa n’izîno lyâni, mpu bakahemule;

Ezekiyeli 23:38

Kandi bàshubinjira ntyâla: Bahemwîre aka-Nyamuzinda kâni muli ezîra nsiku, n’ensiku zâni za Sabato barhazikengaga.

Lushika 16:21

Orhahîraga okagwîka omulinzi, murhi mulebe erhi mulebe abà burhambi bw’oluhêro wayishibà oyûbakire Nyamubâho, Nyamuzinda wâwe,