2 Bâm 21:5 - BIBLIYA NTAGATIFU OMU MASHI

⁵ Abazimu b’emalunga boshi abayûbakira empêro omu ngo z’aka-Nyamuzinda.

2 Bâm 21:5 ပူးပေါင်းရင်းမြစ်များ

1 Bâm 6:36

Ayûbakakwo ebicîkirizo biri kuli mirongo isharhu ya mabuye marhendêze bwinjà bya mirhi ya sedre.

1 Bâm 7:12

Oku côgo c’omu muhanda gwâge, mwâli nkere isharhu za mabuye marhendêze n’olukere lw’emirhi y’esedre, kuguma n’omuhanda gw’omu ndalâlà y’aka-Nyamuzinda kuguma n’omuhango munene.

2 Bâm 23:12

Mwâmi ahongola empêro zabaga oku cizimbêro c’enyumpa ya Akazi yabaga enyanya, zajiragwa n’abâmi b’e Yûda, kuguma n’empêro mwâmi Menashè ayûbakaga omu mihanda yombi y’aka-Nyamuzinda, azirhenza, na oluvù lwâzo agedilukwêba omu mugezi gwa Kedroni.

2 Bâm 23:4

Mwâmi arhegeka omudâhwa mukulu Hilkiyahu n’owamulondaga omu bukulu kuguma n’abalanga emihango, mpu bakûle omu ka-Nyamuzinda ngasi bintu banali bahirîremwo Baali, erya nshanga, abandi bazimu ba emalunga; banacigendibiyôkera enyuma lya Yeruzalemu omw’ishwa lya Kedroni n’oluvù lwâbyo bagendilubulagira e Beteli.

2 Bâm 23:5

Arhenza balya badâhwa b’abazimu, ngasi abà abâmi b’e Yûda banali bamâjira mpu bo bakolaga bajà bayôkera obukù omu birhwa, omu bishagala bya Yûda n’omu marhambi ga Yeruzalemu, balya banakazitumbûkiza Baali enshangi boshi, abadâhwa b’izûba, ab’omwêzi, na ngasi bandi bazimu b’emalunga boshi.

2 Bâm 23:6

Omu ka-Nyamuzinda bakulamwo erya nshanga, bagendiyikwêba kuli na Yeruzalemu omu mugezi gwa Kedroni; babiyôkera omwôla mugezi gwa Kedroni na erhi babà bamayijira luvù balukabulira aha bakazâgibisha eyindi mifù y’abantu barhishîbwi omu lubaga.

2 Nganîro 33:15

Arhenza omu ka-Nyamubâho balya banyamuzinda b’embuga, arhenza mwo n’erya nsanamu y’omuzimu kuguma n’empêrero ajaga ayûbaka oku ntondo y’aka-Nyamubâho aha Yeruzalemu agendikweba kuli n’olugo.

2 Nganîro 33:5

Ayûbaka empêrero oku bazimu b’oku nkuba boshi omu maluli gombi g’aka-Nyamubâho.

2 Nganîro 4:9

Ajira obululi, aha abadâhwa bakazibêra, ajira n’engo nene, ahirakwo n’emihango na kuli eyôla mihango ahirakwo enyunyi z’omulinga.

Ezekiyeli 40:28

Anacimpêka omu bululi bw’omu ndalâlà, kugera omu muhango guli olu­nda lw’emukondwè, nago gwàli gugwêrhe bipîmo biguma.

Ezekiyeli 40:32

Kandi anacimpêka omu bululi bwàli olunda lw’omu ndalâlà, olunda lw’ebuzûka-zûba, anacipîma omuhango gwàli yo, nago gwàli gugwêrhe bipîmo biguma.

Ezekiyeli 40:37

Akabadu kâge kàli kayêrekîre obululi gw’embuga, n’emitungo yako yali mitâkekwo emirhanda, hali na mashonezo munâni g’okusôkera yo.

Ezekiyeli 40:47

Olya muntu anacipîma obululi, bwàli bugwêrhe obulî bwa makano igana n’obugali bwa makano igana, empande zoshi zàli ziyumânîne, Oluhêrero lwàli embere z’enyumpa.

Ezekiyeli 42:3

embere z’agôla maka­no makumi abirhi g’obululi bw’omu ndalâlà n’embere z’engo mbambîre y’obululi bw’emuhanda, yali eyindi nyumpa yali eshegemire erya yindi nyumpa y’ebimpêkanè bisharhu.

Ezekiyeli 43:5

Okubundi Mûka anacinyêhûkana, ampêka omu ka-Nyamuzinda omu bululi bw’omu ndalâlà, na lolà oku irenge lya Nyamubâho lyàli liyunjwîre enyumpa.

Ezekiyeli 44:19

Ci konene nka bakola bajà ebwa bululi buli embuga, ebwa bululi b’embuga bujire emunda olubaga luli, banahogola erya mishangi bàlikolamwo, banayidekereza omu nyumpa y’ecirhînyiro, banayambala yindi yindi mishangi barhahîra bakagend’iyobôla olubaga barhanacihindula emishangi yâbo.

Ezekiyeli 8:16

Anacimpêka omu ndalâlà y’aka-Nyamuzinda. Nalola oku aha muhango gwa aka-Nyamubâho, ekarhî k’ecirhînyiro n’oluhêrero bantu makumi abirhi na barhanu bayêrekîze aka-Nyamuzinda omugongo, banadwîrhe balola olunda lw’ebuzûka-zûba, olwôla lunda lw’ebuzûka-zûba bakazâg’ifukamiriza yo izûba.