2 Bâm 21:15 - BIBLIYA NTAGATIFU OMU MASHI

¹⁵ Okwôla ebwa kubà bajizire ebirhashinganini omu masù gâni, banakayôrha bankuniza ngasi mango kurhenga halya ababusi bâbo barhengaga e Mîsiri kuhika bunôla».

2 Bâm 21:15 ပူးပေါင်းရင်းမြစ်များ

2 Bâm 21:14

Najandika ab’emisigala y’aha mwâni, nanabaleka omu maboko g’abashombanyi bâbo.

2 Bâm 21:16

Menashè àyîrha abantu, àbulaga omukò gw’abantu bêru kwêru gwayunjula omu Yeruzalemu kurhenga olunda n’olundi, buzira kuderha bulya bubî ajirisagya Yûda erhi ajira okurhashingânîni embere za Nyamubâho.

Izaya 24:5

Igulu lyahemwîrwe n’amagulu g’abalibâmwo, bulya bavunyire amarhegeko, barhajiraga ebishingânîne, banavuna endagâno y’ensiku n’amango.

Yeremiya 15:4

Nâbajira kantu ka kuyôbohya oku mâmi g’igulu goshi, erhi Menashè orhuma, mwene Hizikiyahu, mwâmi w’omu Yûda n’ebi akozire omu Yeruzalemu.

Yeremiya 25:7

Ci mwêhe murhayumvagya, Kanwa ka Nyakasane, na ntyo, mwanjira burhè n’emikolo y’amaboko ginyu, n’obuhanya bunali bwinyu.

Ndûlù 1:5

Abashombanyi bâge bo bahimire, abanzi bâge badêkerîre. Nyakasane oyo wamubabazize erhi bugamba bwâge bunji burhuma. Abagala barhôrhô bajà batundulikwa n’omubisha wabagwâsire mpira abahêka bujà.

Ezekiyeli 20:13

Ci omulala gw’Israheli gwacîhindula kuli nie omwôla irungu; barhashimbaga amarhegeko gâni, bàjandika engeso zâni ezi balibagwâsirwe okushimba lyo balama nazo, barhajiraga okurhali kuhemukira ezo nsiku zâni za Sabato. Okubundi nanacibà n’olukengêro lw’okuderha oku nkola nabadubulirakwo abukunizi bwâni omwôla irungu, nti mbamalîre.

Ezekiyeli 20:21

Ci abôla bâna bacîhindula kuli nie, barhashimbaga amarhegeko gâni, barhalangaga barhanashimbaga engeso zâni, ezi bâli bagwâsirwe okushimba lyo balama nazo; bahemukira ensiku zâni za Sabato. Okubundi nanacibà n’olukengêro lw’okuderha oku nkola nabadubulirakwo obukunizi bwâni, nti mbayûkizekwo oburhè bwâni omwôla irungu.

Ezekiyeli 20:30

Ee! Ogendigibwîra omulala gwa bene Israheli, erhi: Ntyâla kwo adesire Nyakasane Nyamubâho. Ka kwo binali mudwîrhe mwacîhemula omu kubà n’olugendo luli nka lugendo lwa basho, omu kucihemula n’abazimu bâbo,

Ezekiyeli 20:4

Ka wâbatwîra olubanja? Ka wâtwa olubanja wâni mwene omuntu? Obamanyîse amabî magalugalu ga b’îshe wâbo.

Ezekiyeli 23:3

Bakagishungulira e Mîsiri, bajaga bahulahula kurhenga baciri barhò. Eyôla munda yo bakazâgikagwârhira omu cifuba n’okuhuma oku nda yâbo y’obubikira.

Daniyeli 9:15

Na bunôla, yâgirwa Nyakasane Nyamuzinda wîrhu we warhenzagya olubaga lwâwe e Mîsiri n’okuboko kw’obuhashe bunji, we wanarhumaga wêne okaz’iderhwa nk’oku binali ene, yâgirwa rhwakujirire amabî rhwanakugomera.

Lushika 31:27

“Bulya ntahabiri isîna lyâwe n’oku ôbà cikanyi cirhagomba, erhi mugomera Nyamuzinda ene nancizîne ndi haguma ninyu, kurhi rnwayishijira amango nâbà nafîre”».

Lushika 31:29

“Bulyâla mmanyire oku amango nâbà nafîre murhabule bwahemuka; mwarhenga omu njira namurhegekaga; obuhanya bwâmurhindakwo omu nsiku zayisha, ebwa kubà mwakozire amaligo omu masù ga Nyamuzinda, mwamugayisa n’emikolo y’amaboko ginyu.”»

Lushika 9:21

Nayanka cirya câha cinyu mwâli mutuzire, kalya kanina, nakayanka nakayôca, nakavungunyula koshi nakajira muyonga nagukwêba omu mugezi gwahona oku ntondo.