2 Bâm 2:5 - BIBLIYA NTAGATIFU OMU MASHI

⁵ Abalêbi bali aha Yeriko banacijà emunda Elishaʿ ali banacimubwîra mpu: «Ka omanyire oku ene Nyamubâho agendana nawinyu akugezeye aha irhwe»? Anacishuza erhi: «Nkumanyire nâni ci muhulike»!

2 Bâm 2:5 ပူးပေါင်းရင်းမြစ်များ

Murhondêro 48:19

Cikwône îshe alahira ederha, erhi: «Mmanyire mwâna wâni, mmanyire, naye àbà ishanja, naye aluga, cikwône mulumuna wâge ye wabà n’obuhashe bunene kumulusha, n’iburha lyâge lyabà mwandu gwa mashanja».

1 Bâm 20:35

Cikwône mulêbi muguma w’omu balêbi abwîra owâbo, erhi: «Ntya kwo Nyakasane adesire: “Onshûrhe.”» Ci olya wâbo alahira mpu arhamushurha.

2 Bâm 2:3

Abalêbi babaga aha Beteli banacibwîra Elishaʿ mpu: «Ka omanyirire oku ene Nyakasane agendana nawinyu akugezaye ah’irhwe?» Anacishuza erhi: «Nâni nkumanyire ci muhulike!».

2 Bâm 4:1

Mukazi muguma wa mwene wâbo abalêbi, anaciyâkûza Elishaʿ anacimubwîra erhi: «Omurhumisi wâwe ibanie àfîre, orhanahabiri oku ali muntu orhînya Nyakasane, ci konene owalimubîsize ebirugu anayîshire arhôla abâna bâni bombi amabahêka bujà».

2 Bâm 5:22

Gehazi anacishuza erhi: «Buholo». Nnâhamwîrhu antumire mpu nkubwîre: Bâna babiri b’omu murhundu gw’Efrayimu bamanyishira, bali balêbi, nkuhûnyire ompè talenta nguma ya marhale na mibungo ibiri ya mishangi mbahêkere.

2 Bâm 6:1

Lusiku luguma abalêbi banacibwîra Elishaʿ mpu: «Lolà oku ahâla rhutamîre rhweshi embere zâwe hamabà hafunda».

2 Bâm 9:1

Omulêbi Elishaʿ ahamagala muntu muguma omu bene abalêbi, anacimubwîra, erhi: Hwinja bwinjà, orhôle eyi njebe y’amavurha ojè e Ramoti omu Galadi.

Muhanûzi 3:7

Habà amango g’okubera, n’amango g’okuhanga; amango g’okuganîra n’aga okuhulika.

Izaya 41:1

Mwe birhwa, muhwêkêre, munyumvîrhize! Ninyu mwe mashanja, muzibuhe! Bacîhebe eruhya, baderhe! Rhujîsanye lubanja!

Amosi 7:14

Amosi àshuza Amaziyasi, erhi: «Ntàli mulêbi, ntanali mwâna wa mulêbi, nali mungere na muhinzi wa mihumbahumba.

Habakuki 2:20

“Ci Nyakasane yêhe mwo abà omu ndâro yâge ntagatîfu. Ngasi yêshi onabà oku igulu ahulike embere zâge!”»

Luka 24:51

Oku adwîrhe abagisha, anacicîyêgûla kuli bo, amânamânwa omu malunga.

Ebijiro 1:11

Bababwîra, mpu: «Ewe, mwe bantu b’e Galileya, cirhumire muyimanga munadwîrhe mwalola emalunga? Oyo Yezu ommurhenziremwo, arheremera empingu, kwo anânagaluke nk’oku mwamubwîne arheremera empingu».

Ebijiro 1:2

kuhika olusiku arheremeraga empingu, erhi amâyûs’iyigîriza Entumwa acîshogaga n’omunwe gwa Mûka Mutagatîfu.

Ebijiro 26:25

Naye Paolo, erhi: «Ntasirahiri, Yâgirwa Festo mukengwa, ci ndesire ebinwa by’okuli n’ebya obushinganyanya.

1 Samweli 10:5

“Enyuma ly’aho wanaja emwa Lungwè e Gibeya, halya abarhambo b’Abafilistini bakahanda. Na hano okola wajà omu lugo wanashimâna omurhwe gw’abalêbi bahona ebwa ntondo, emunda balihêra, banayishire ba shokolîrwe n’emijegereza, engoma, orhurhêra n’ennanga, wababandâna balêba”.