2 Bâm 2:19 - BIBLIYA NTAGATIFU OMU MASHI

¹⁹ Abantu b’omu lugo banacibwîra Elishaʿ mpu: «Olu lugo luli ahâli hinjà nk’oku nahamwîrhu anabwîne; ci konene amîshi gabà mabî na ecihugo cilibuzibwe n’okumoma».

2 Bâm 2:19 ပူးပေါင်းရင်းမြစ်များ

1 Bâm 16:34

Go mango Hiyeli w’e Beteli ayûbakaga Yeriko buhyâhya; oku buhanya bw’enfula yâge Abiramu abanda eciriba, n’oku buhanya bw’omuziba gwâge Segubu ahiramw’enyumvi, nk’oku Nyakasane anaderhaga omu kanwa ka Yozwè mugala wa Nuni.

1 Bâm 18:13

“Nnâhamwîrhu, nkaba barhakubwîraga ebi najizire amango Yezabeli ayabukaga omu balêbi ba Nyakasane anabaholola? Nafulika caligumiza baleli makumi arhanu omu lwâla, nanakaz’ibashêgulamwo omugati n’amîshi”.

1 Bâm 18:7

Oku ali omu njira, Obadyahu ashimâna Eliya; amumanyirira anacihwêra oku idaho aderha erhi: «Nnawîrhu Eliya, ka w’oyu!»

2 Bâm 2:18

Erhi bagaluka emunda Elishaʿ ali, bulya agôla mango goshi erhi anali aha Yeriko anacibabwîra erhi: «Ka ntali erhi namubwîzire nti murhagendaga»?

2 Bâm 2:20

Anacibabwîra erhi: «Nderheragi embêhe mpyâhya, muhirekwo omunyu». Banaciyisha bamudwîrhîreyo.

Lubungo 15:23

Bàhika aha Mara, ci bàrhahashaga okunywa amîshi g’aha Mara, bulya gàli malulu, co cirhuma ganaderhwa izîno lya «Mara».

Lubungo 23:26

“omu cihugo câwe murhakaboneka omukazi omomire erhi owabà ngumba: nayunjuza ensiku z’akalamo kâwe”.

Lubungo 7:19

Nyakasane abwîra Mûsa, erhi: «Bwîra Aroni, erhi: Rhôla akarhi kâwe, olambûlire okuboko oku mîshi g’omu Mîsiri, oku nyîshi zamwo, oku mibunda yamwo, oku biyanja byamwo, ngasi hoshi hanabà amîshi, gahinduke mukò! Omukò gubè omu cihugo coshi c’e Mîsiri, omu rhubehe rhwemirhi n’omu rhubehe rhw’amabuye!»

Hozeya 9:14

Akabà kukwânîne habè obuhane, Nyakasane, buhi bâhâbwa? Bakâbo obahindule ngumba, bayume amabêre.

Mibalè 12:11

Aroni anacibwîra Mûsa, erhi: «Mâshi Yâgirwa, nnawîrhu, omanye wankarhubarhuza ecîra câha rhwâjiraga omu kuhalanjika, rhunakwânîne n’obuhane bwâco.

Lushika 28:11

Muli eci cihugo Nyamuzinda acîgashiraga embere za basho mpu àkuhâco, Nyamuzinda akugaza ojagalîre birugu: emburho y’omu nda yâwe, emburho y’omu bintu byâwe, n’emburho y’omu kwâwe.

1 Timoteyo 5:17

Abadâhwa bajira kwinjà ecikono câbo c’okurhegeka, bali ba kuhembwa kabiri, bwenêne balya baluhira Emyanzi y’Akalembe n’enyigîrizo.

Yozwe 6:17

Olugo loshi luherêrherwe oku bulonza bwa Nyakasane, muluherêrhere muherêrhere na ngasi binabamwo byoshi; olya mukazi Rahabu orhajira mulume yêne mwaleka alame na ngasi boshi bankabà bali naye omu nyumpa, bulya oyo mukazi afulisire balya bantu b’enyenzi rhwàli rhurhumire.

Yozwe 6:26

Mw’ago mango Yozwè anacilahira aderha erhi: «Mâshi ahehêrerwe na Nyakasane, omuntu wanacîshomya mpu akola ashubiyûbaka olu lugo lwa Yeriko! Oku lubere lwâge kwo akabandira eciriba, n’oku muziba gwâge kwo ankayûbakira omuhango».