2 Bâm 19:4 - BIBLIYA NTAGATIFU OMU MASHI

⁴ Akabà Nyamubâho wâwe anayumva ebîra binwa byoshi, omuntu orhumirwe na mwâmi w’e Asîriya mpu ayishijaciramwo Nyamuzinda ozîne, ci naye yêne ayêrekane oku agayire ebyo binwa oyo Nyamuzinda wâwe. Co carhuma osôkezagye omusengero gwâwe emunda ali kuli ogûla musigala gw’olubaga.»

2 Bâm 19:4 ပူးပေါင်းရင်းမြစ်များ

Murhondêro 22:14

Abrahamu ayîrika aho hantu izîno lya «Nyamuzinda yêne abona ebyo», ciru na kuhika ene kwo bacihaderha mpu «Oku ntondo Nyamuzinda yêne abona ebyo».

2 Samweli 16:12

“Hali amango Nyamubâho naye akacibona okûla narhindibuka obone ama­ngalulira aminjà ahâli h’okûla kuhehêrerwa kw’ene.”»

2 Bâm 18:13

Omu mwâka gwa kali ikumi na kani gw’obwâmi bwa Yezekiyahu; Senakeribu, mwâmi w’e Asûru arhêra ebisbagala bizibuzibu byoshi bya Yûda anabiyanka.

2 Bâm 19:16

“Mâshi Nyamubâho orhege okurhwiri kwâwe, oyumve; Nyamubâho olambûle amasù gâwe ocîbonere, oyumve ebi binwa bya Senakeribu orhumire mpu bajacire Nyamuzinda ozîne”.

2 Bâm 19:22

Ndi wajâciraga, ndi wagayaguzagya? Ndi wamokeraga, ndi wamorholeraga amasù? Ntarhungânwa w’Israheli!

2 Bâm 19:23

N’entumwa zâwe wajâcîre Nyakasane, wanaciderha erhi: «N’obunji bw’engâlè zâni nasôsire entondo, nafukula amahukulu garhankarhungânwa g’e Libano». Nakubire emirhi y’enduluma yâge akazâgilimbira n’ensindani zâge mpu zo zihimana oku bwinjà. Nahisire omu mahukulu gâge mazinda, kuhika omu muzirhu gw’emirehe yâge.

2 Bâm 19:3

Banacimurhondêreza mpu: «Yezekiyahu oku arhurhumire kw’oku: Olu lusiku lwabîre lusiku lubî, lusiku lwa malibuko, lusiku lwa kucîganya na lusiku lwa nshonyi; bulya abâna bali bufulumuka omu nda za ba nina na ntà misî y’okubayankirira.

2 Bâm 19:30

Ngasi hyanafumire hy’omu mulala gwa Yûda, ngasi hyanasigire hyanashubimera emizî idako hiyâne n’amalehe oku irhwêrhwè.

2 Bâm 19:31

Bulya omu Yeruzalemu mwârhenge Omusigala n’oku ntondo ya Siyoni abatwire okw’isî. Bushiru bwa Nyamuzinda w’Emirhwe bwajira ntyo.

2 Bâm 19:5

Balya bambali ba mwâmi Yezekiyahu banacikanya, bajà emwa Yesha’yahu;

2 Nganîro 32:20

Okwôla kwarhuma mwâmi Yezekiyahu n’omulêbi Yeshayahu, mugala wa Amotsi, barhangira okushenga n’okubirikira empingu.

Ennanga 50:15

N’olusiku wânabe ogwêrhwe n’omutula onanyâkûze, wâbona oku nakulîkûza onankenge.»

Ennanga 50:21

K’obè wajijire ntyo nnampulike? Ka kwo omanyire mpu ndi akâwe? Nakuyagiriza njalabulire byoshi omu masù gâwe.

Ennanga 74:18

Okengêre n’oku: oyo mubisha kushonza okwo akushonzize, Nyakasane, n’eryôla ishanja ly’abasirhe lyajacîre izîno lyâwe lyarhama.

Izaya 1:9

“Acibiga Nyakasane Nyamuzinda w’Emirhwe arhali arhulekîre amâhûngà g’emisigala, rhwankabîre aka Sodomo rhunashushe Gomora”».

Izaya 10:6

Ye ntumire nti agend’ihana olubaga lw’endyâlya, ye ntegesire nti aj’ilwîsa olubaga ludwîrhe lwasholoshonza obukunizi bwâni, lyo alunyaga analunyagûse, alulabarhe nka bijondo by’omu njira.

Yeremiya 23:36

Cikwône murhaciderhe «omuzigo gwa Nyakasane», bulya kuli ngasi-muguma omuzigo kanali akanwa kâge yêne, Munadwîrhe mwagolongohya ebinwa bya Nyakasane ôzîne, Nyakasane w’Emirhwe. Nyamuzinda wîrhu.?

Yeremiya 33:3

Onshenge, nakushobôza: nakumanyîsa amahwe manene orhashubigiyumva.

Yeremiya 42:9

Abà­ bwîra, erhi: Ntya kw’adesire Nyakasane Nyamuzinda w’Israheli, mwâli mu­ ntumire kuli ye mpu mmuhisekwo omusengero gwinyu.

Ezekiyeli 36:37

Ntyâla kwo adesire Nyakasane Nyamubâho, erhi: Alaga okundi nâshubigujirira, nayêmêrera omulala gwa bene Israheli guje gwânonza: nâguluza nka kula baluza obusò.

Barom 11:5

Ntyo kuhika ene hacisigîre abantu bacîshozirwe n’enshôkano ya Nnâmahanga.

Barom 9:27

Naye Izaya aderhîre Israheli, erhi: ciru bene-Israheli bankaluga nka mushenyi gw’omu nyanja, obusigale bwône bwânacizibwe;

Lushika 32:36

(Bulya Nyamubâho ayishihôla olubaga lwâge. Ci kwône abambali bôhe lukogo ababêra), hano abona bârhà enjingo hano abona harhaciri ntagengwa harhanaciri mujà.

Yozwe 14:12

“Ompage eyo ntondo Nyakasane aderhaga olwo lusiku: bulya wêne wayumvirhe olwo lusiku oku eyo munda ebà bene Anaki n’engo nzibuzibu; Nyakasane nk’ali haguma nâni, nanabanyagabyo, nka kulya Nyakasane anaderhaga”».

Yozwe 3:10

«Lolagi eci mwamanyirakwo oku Nyamuzinda ozîne ali ekarhî kinyu n’oku akungusha loshi embere zinyu, Abanyakanani, Abahititi, Abahiviti, Abapereziti, Abagirgashiti, Abanyamoreni, n’Abayebuseni.

1 Samweli 14:6

Yônatani anacibwîra olya wakagimurhwâza omurhana gw’emirasano, erhi: «Yisha rhuhike omu lugerêro lw’ebîra bimpubi birhakembûlwa. Hali amango Nyamuzinda ankarhujirira akantu, kalya kankarhuciza, bulya anakolêsa akantu kanyinyî nk’oku akakolêsa akanene.»

1 Samweli 17:10

Olya mufilistini anaciderha, erhi: «Niono namajacira ene emirhwe y'Israheli. Mpâga omuntu nalwa rhwe naye yêne».

1 Samweli 17:26

Daudi anacidôsa abantu bâli hôfi naye erhi: «Kurhi bankajira omuntu wayîrha oyo mufilistini na ntyo akûle enshonyi omu Israheli! Bulya, oyo mufilistini aligi yeki muntu muci, oyo murhindi orhakembûlagwa wacîshomya okujâcira engabo ya Nyamuzinda Ozîne.»

1 Samweli 17:45

Naye Daudi ashuza olya mufilistini, erhi: «W’oyo onyishire n’engôrho, itumu n’omuherho; ci niono ntabîre oku izîno lya Nyamubâho w’emirhwe, ye Nyamuzinda w’abarhabâzi b’e Israheli okazigayaguza.