2 Bâm 19:15 - BIBLIYA NTAGATIFU OMU MASHI

¹⁵ Ezekiyasi anacishenga Nyamubâho anaciderha erhi: «Mâshi Nyamubâho, Nyamuzinda w’Israheli, we otamîre kuli bakerubi, wêne we Nyamuzinda w’amashanja goshi g’igulu, wêne we walemaga empingu n’igulu.

2 Bâm 19:15 ပူးပေါင်းရင်းမြစ်များ

Murhondêro 1:1

Aha murhondêro Nnâmahanga alema amalunga n’igulu.

Murhondêro 2:4

Yo nkomoka y’amalunga n’igulu eyo erhi bilemwa. Erhi Nyakasane Nyamuzinda ajira igulu n’amalunga,

Murhondêro 32:28

Amudôsa, erhi: «Izîno lyâwe we ndi?» Naye ashuza, erhi: «Nie Yakôbo».

Murhondêro 33:20

Agwikaho oluhêrero anahayîrika izîno lya «El ye Nyamuzinda w’Israheli».

1 Bâm 18:39

Olubaga lwoshi lwabon’ebyo byoshi; abantu banacirhimba ehy’akamalanga oku idaho baderha mpu: «Nyakasane ye na Nyamuzinda! Nyakasane ye na Nyamuzinda!»

1 Bâm 8:23

«Yâgirwa Nyakasane Nyamuzinda w’Israheli, ntà wundi Nyamuzinda wankabà nka we, abè omu malunga, abè hanôla igulu: welanga bwinjà ebi walagânanaga mweshi n’abarhumisi bâwe bakushimba n’omurhima gwâbo goshi.

2 Bâm 19:19

“Ci kônene waliha, Nyamubâho, Nyamuzinda wîrhu, nkusengîre orhuyôkole, orhukûle omu maboko gâge, na ntyo agandi mashanja gamanyire ho oku wêne we na Nyamubâho, oku wêne we onabà Nyamuzinda”».

2 Bâm 5:15

Okubundi ahindamuka, ajà emunda omuntu wa Nyamuzinda ali, boshi n’abambali. Erhi ahika embere zâge anaciderha erhi: «Namajaga namanya oku ntà handi Nyamuzinda abà nka omw’Israheli. Ci buno oyêmêrage oluhembo lwa mwambali wâwe».

1 Nganîro 13:6

Cazînda bene-Israheli boshi bashimba Daudi kuhika e Baala, olunda lwa Kiriyati-Yearimu, omu cihugo ca Yûda, mpu bakûleyo omucîmba gwa Nyamuzinda, ogwo mucîmba gwagwêrhe izîno lya «Nyamubâho obwârhîre enyanya za ba-Kerubi.»

1 Nganîro 4:10

Yabetsi anaciderha ogu musengero, erhi: «Yâgirwa Nyamuzinda w’Israheli, onsûhire nâni obwangà bwâwe, onyûshûlire amashwa gâni, ondambûlirekwo okuboko kw’obulanzi bwâwe onanyegûlekwo obuhanya n’amalumwa!» Nyamuzinda anamushobôza ebyo asengeraga.

2 Nganîro 14:11

Nyakasane ahima ab'e Kushi: ahimira Asa, ahimira ab'e Yuda. Abantu b'e Kushi bayâka.

2 Nganîro 20:6

«Nyamubâho, Nyamuzinda wa balarha, ka arhali we Nyamuzinda omu mpingu, k’arhali we orhegeka amâmi goshi g’amashanja, ka omu kuboko kwâwe murhali emisî na obuhashe kulya kurhuma harhaba owankarhangula mpu acîshomya okukulwîsa? Ka arhali we, Yâgirwa Nyamuzinda wîrhu,

2 Nganîro 32:20

Okwôla kwarhuma mwâmi Yezekiyahu n’omulêbi Yeshayahu, mugala wa Amotsi, barhangira okushenga n’okubirikira empingu.

Nehemiya 9:6

Wêne Yâgirwa Nyakasane, we walemaga empingu, amalunga g’amalunga, na ngasi binabayo byoshi, n’igulu na ngasi binabamwo byoshi, we walemaga enyanja na ngasi ebi zijira byoshi, wêne w’ehà ebyo byoshi obuzîne n’ebiremwa by’empingu binakukuze.

Ennanga 102:25

Yâgirwa Nnâmahanga omanye wampêka nnanciri omu karhî k’ensiku zâni. Emyâka yâwe wêhe ho eyôrha ebà omu maburhwa n’amâburhwa.

Ennanga 102:26

Emurhondêro wajà aho wabandaho igulu, amalunga nago mukolo gw’amaboko gâwe.

Ennanga 146:6

Nnâmahanga ye walemaga empingu n’igulu, enyanja n’ebiyibâmwo byoshi. Azibuhize endagâno zâge ensiku zoshi.

Ennanga 33:9

Bulyâla yêhe àdesire kwône byanabà, arhegeka byanabâho.

Ennanga 80:1

Gwârhi omukulu w’abimbiza. Luyimbwa aka «Amarhegeko ga Nyakasane». Lwa Azafi. Lulanga.

Ennanga 80:2

We mungere oyâbula Israheli, orhuyumve nîrhu, we kombêra Yozefu nka busô, we tamala enyanya za ba-Kerubi.

Ennanga 99:1

Nyakasane ayîmire, amashanja gadwîrhe gageramwo ogwa nyegenye. Atamîre oku nyanya lya bakerubi: igulu lidwîrhe lyajuguma.

Lubungo 25:22

“Aho, ho nakâbugânana nâwe, ho nakâkuganîriza, enyanya ly’omufûniko, ekarhî k’abo bakerubi babirhi bali oku mucîmba gw’Endagâno, nkâkubwîra byoshi ntegesire Bene Israheli.”»

Izaya 37:14

Hizkiyahu anaci­rhôla galya maruba omu maboko g’abajà-bugo. agasoma. Okubundi ayinamukira omu ka-Nyamuzinda, àgabungulira embere za Nyakasane.

Izaya 41:17

Abagalugalu n’abakenyi bajà balonza amîshi, ci ntâgo! Olulimi lwâho lwayumûsire n’enyôrha. Niono, Nyakasane, nâbayumvîrhiza, niono, Nyamuzinda w’Israheli, ntabalîkirire.

Izaya 43:10

Mwe bahamîrizi bâni, kwo adesire Nyakasane, mwe murhumisi wâni nacîshogaga, nti lyo mumanyîrira bwinjà, munyêmêre munayumve oku nie nyôrha mbâho: embere zâni ntà nyamuzinda wabumbîrwe, n’enyuma zâni ntâye wânacibeho.

Izaya 44:6

Kwo adesire ntyâla Nyakasane, mwâmi w’Israheli, muyôkozi wâge, Nyakasane Nyamuzinda w’Emirhwe: Nie murhanzi, nie na muzinda, ntà wundi nyamuzinda kuleka nie!

Izaya 44:8

Murhajugumaga, murhayôbohaga! Ka ntakubwîraga n’okukumanyisakwo kurhenga mîra? Muli bahamîrizi bâni; ka hali owundi nyamuzinda kuleka nie? Nanga, ndi wundi Kabuye! Ntâye mmanyire ciru n’omuguma!

Izaya 45:22

Muyêrekerage emunda ndi, lyo mucira mwe bihugo byoshi by’en’igulu! Bulya nie Nyamuzinda, ntà wundi!

Yeremiya 32:17

Nêci Nyakasane Nyamuzinda, wayêrekîne obu­rhwàli bwâwe n’obulenga erhi olambula okuboko kwâwe walema empingu n’igulu. We ogala byoshi!

1 Samweli 4:4

Olubaga lwanacirhuma entumwa e Silo, banaciyisha badwîrhe Omucîmba gw’Amalaganyo ga Nyamubâho w’Emirhwe, olya ôbà enyanya lya bakerubi. Bene Eli bâbo oku banali babirhi, Hofni na Pinehasi, banaciyisha balusize ogwôla mucîmba gw’Amalaganyo ga Nyamubâho.